ភ្នំពេញ ៖ កម្ពុជា ត្រូវបានចាត់បញ្ចូលទៅក្នុងបញ្ជីចំណាត់ថ្នាក់កំពូលទាំង១០ ក្នុងចំណោមប្រទេសដែលប្រជាជនមានសុខភាពល្អជាងគេនៅលើពិភពលោក ខណៈប្រទេសមានសេដ្ឋកិច្ចធំៗមួយចំនួន ដូចជាសហរដ្ឋអាមេរិកជាដើម បានធ្លាក់មកឈរនៅលេខរៀងទី៣៧។

យោងតាមរបាយការណ៍ចុងក្រោយអង្គការអន្តរជាតិធំមួយគឺ Global Wellness ដកស្រង់ចេញផ្សាយដោយសារព័ត៌មានសិង្ហបុរី Straistimes នៅព្រឹកថ្ងៃអង្គារ ទី៥ ខែមីនា ឆ្នាំ២០១៩ បានអោយដឹងថា បណ្ដាប្រទេសតូចៗ ក្នុងនោះរួមមានទាំងកម្ពុជាផងដែរ ត្រូវបាន ចាត់បញ្ចូលទៅក្នុងបញ្ជីចំណាត់ថ្នាក់កំពូលទាំង១០ នៃប្រទេសដែលប្រជាជនមានសុខ ភាពល្អជាងគេនៅលើពិភពលោក ខណៈប្រទេសមានសេដ្ឋកិច្ចធំៗដូចជាសហរដ្ឋ អាមេរិក ជាដើម បានធ្លាក់មកឈរនៅលេខរៀងទី៣៧ ឯណោះ។
បើតាមអង្គការ Global Wellness ប្រទេសដែលឈរលេខរៀងទី ១ ក្នុងនាមជាប្រទេស មានប្រជាជនមានសុខភាពល្អជាងគេ ក្នុងចំណោមប្រទេសដែលត្រូវបានធ្វើការ ស្ទាបស្ទង់ ចំនួន ១៥១ នោះគឺប្រទេសកាណា ហើយលេខ ២ បានទៅលើប្រទេសអូម៉ង់ និងអ៊ីស្លង់ឈរលេខ ៣។

ប៉ុន្តែភាគច្រើន ប្រទេសនៅទ្វីបអាស៊ីត្រូវបានគេមើលឃើញថា សុទ្ធតែបាន ជាប់ឈ្មោះក្នុងបញ្ជីកំពូលទាំង១០ ដែលមានដូចជាហ្វីលីពីន (ជាប់លេខ ៤), ម៉ាល់ឌីវ (លេខ ៥), ហូឡង់ (លេខ ៦), សិង្ហបុរី (លេខ ៧), ឡាវ(លេខ ៨), កូរ៉េខាងត្បូង (លេខ ៩) និងកម្ពុជាឈរនៅលេខរៀងទី ១០។

គួរបញ្ជាក់ថា ការចេញផ្សាយរបាយការណ៍របស់អង្គការ The Global Wellness នៅ ក្នុង សប្ដាហ៍នេះ គឺធ្វើឡើងដោយផ្អែកលើមូលដ្ឋាននៃការដាក់ពិន្ទុលើ ១០ ធំៗក្នុងមាន ដូចជា កត្តា៖ សម្ពាធឈាម, ជាតិស្ករនៅក្នុងឈាម, ជាតិខ្លាញ់ ឬធាត់, ការបាក់ទឹកចិត្ត, សុភ មង្គល, ការប្រើប្រាស់ជាតិស្រវឹង, ការប្រើប្រាស់ថ្នាំជក់, ការធ្វើលំហាត់ប្រាណ, អត្រាលទ្ធ ភាព សង្ឃឹមរស់ និងការចំណាយរបស់រដ្ឋាភិបាលនៃប្រទេសនីមួយៗ ទៅលើវិស័យសុខាភិបាលជាដើម៕