ភ្នំពេញ ៖ ខេត្តលីវនីង ដែលបច្ចុប្បន្ន មានទំហំពាណិជ្ជកម្ម ជាមួយកម្ពុជា ប្រមាណ១៩០លានដុល្លារហើយនោះ កំពុងផ្សព្វផ្សាយនិងទាក់ទាញអ្នកវិនិយោគផ្នែកកសិកម្មនៃខេត្តនេះ អោយមកបោះទុននៅកម្ពុជាបន្ថែមទៀត។

នៅក្នុងទិសដៅទាក់ទាញអ្នកវិនិយោគផ្នែកកសិកម្មនៃខេត្តលាវនីញ ប្រទេសចិន អោយចូលមកបណ្តាក់ទុន និងចាប់ដៃគូជាមួយពាណិជ្ជករនៅកម្ពុជា កាលពីពីព្រឹកថ្ងៃទី១៣ ខែមីនា ឆ្នាំ២០១៩នេះ អាជ្ញាធរនៃខេត្តលាវនីញ បានរួមសហការជាមួយ ក្រុមហ៊ុន Sunwah Group រៀបចំវេទិកាផ្សព្វផ្សាយអំពីសក្តានុពលពាណិជ្ជកម្មនៅកម្ពុជា ទៅកាន់ ប្រតិភូវិនិយោគិនផ្នែកកសិកម្ម ដែលកម្មវិធីនេះក៏មានវត្តមាន ចូលរួមពីសំណាក់ លោក ឯកអគ្គរដ្ឋទូតចិនប្រចាំនៅកម្ពុជា! អាជ្ញាធរខេត្តលាវនីញ រួមនិង មន្ត្រីជាន់ខ្ពស់របស់កម្ពុជា ទៀតផង។

តាមរយៈបទបង្ហាញរបស់ប្រធានមន្ទីរពាណិជ្ជកម្មនៃខេត្តលាវនីញ បញ្ជាក់ថា គិតត្រឹមចុងឆ្នាំ២០១៨ មានក្រុមហ៊ុនចំនួន២២ របស់ខេត្តលាវនីញ វិនិយោគនៅក្នុងប្រទេសកម្ពុជា ដែលមានទំហំទឹកប្រាក់ប្រមាណ១៩០លានដុល្លារអាមេរិក ក្នុងនោះមានការវិនិយោគទៅលើ ផ្នែកសង្វាក់ផលិតកម្ម! សេវាកម្ម! រុក្ខាប្រមាញ់ និង នេសាទនិង សាច់សត្វ ជាដើម។

ចំណែកការនាំចេញពីខេត្តលាវនីញ មកកាន់ប្រទេសកម្ពុជា ក្នុងឆ្នាំ២០១៨កន្លងទៅ មានជាង២៣៦លានយន់ រឺស្មើនឹងជាង ៣៥លានដុល្លារអាមេរិក ដែលទំនិញទាំងនោះ មានដូចជា ប្រេងឥន្ធនៈ ផលិតផលផ្នែកមេកានិក និង គ្រឿងម៉ាស៊ីនកសិកម្ម ជាដើម។ រីឯកម្ពុជា ក៏បាននាំចេញទំនិញទៅកាន់ខេត្តលាវនីញដែរ មានដូចជា ស្ករអំពៅ កៅស៊ូ ជាដើម ដែលមានទឹកប្រាក់ប្រមាណ៩៧លានយន់ រឺស្មើនឹងជិត១៤លាន៥សែនដុល្លារអាមេរិក។

បើតាមការលើកឡើងរបស់តំណាងប្រតិភូវិនិយោគិននៃខេត្តលាវនីញ ក៏បានសំលឹងឃើញ ផងដែរពីសក្តានុពលពាណិជ្ជកម្ម រវាងតំបន់សេដ្ឋកិច្ចពិសេសនៃខេត្តលាវនីញ និង ក្នុងខេត្តព្រះសីហនុ ជាពិសេសលើវិស័យកសិកម្ម។

ដូចនេះតាមរយៈគោលនយោបាយអនុគ្រោះនានាក្នុងតំបន់អាស៊ានទៀតនោះ ភាគីទាំងពីរជឿជាក់ថា កិច្ចសហប្រតិបត្តិការផ្នែកពាណិជ្ជកម្ម នឹងនាំមកនូវប្រយោជន៌ទ្វេភាគី ស្របតាមគំនិតផ្តួចផ្តើមផ្លូវមួយខ្សែក្រវ៉ាត់មួយ។

គួរកតសំគាល់ដែរថា តាមរយៈវេទិកាផ្សព្វផ្សាយនេះ គណៈប្រតិភូវិនិយោគិននៃខេត្តលាវនីញ មានចំណាប់អារម្មណ៍ចង់ពង្រីកឱកាសអាជីវកម្មខាងផ្នែកកសិកម្ម ក្នុងប្រទេសកម្ពុជា ដោយសារ មើលឃើញថាវិនិយោគខាងវិស័យកសិកម្មនៅកម្ពុជា មានជំហររឹងមាំក្នុងការបង្កើតសម្ព័ន្ធភាពអាជីវកម្មដ៏រឹងមាំ។

ងវិញទៀត កម្ពុជា និងខេត្តលាវនិញ ក៏បានត្រៀមខ្លួនរួចជាស្រេចសម្រាប់កំណើនពាណិជ្ជកម្មជាមួយគ្នាបន្ថែមទៀតដែរ ទាំងក្នុងវិស័យកសិកម្ម ក៏ដូចជាវិស័យដទៃទៀត។ ជាក់ស្តែង តាមរយៈការវិនិយោគរបស់ក្រុមហ៊ុន Sunwah Group ដែលបានចាប់ផ្តើមអាជីវកម្ម នៅក្នុងប្រទេសកម្ពុជា ចាប់តាំងពីឆ្នាំ១៩៩៤ លើដំណើរការរោងចក្រកែច្នៃបង្គា នៅខេត្តព្រះសីហនុ។

រហូតមកដល់បច្ចុប្បន្ន ក្រុមហ៊ុននេះ ក៏បានពង្រីកអាជីវកម្មរបស់ខ្លួន លើវិស័យជាច្រើន នៅកម្ពុជា ដូចជាគម្រោងអភិវឌ្ឍន៍អចលនទ្រព្យ លំនៅដ្ឋាន Victory City មានទីតាំងស្ថិតនៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ ដែលមានទំហំ ១៥ម៉ឺនម៉ែត្រក្រឡា ក្នុងទុនវិនិយោគ ៥០ លានដុល្លារអាមេរិក។

ដោយឡែកគម្រោងអគារខុនដូរ និងពាណិជ្ជកម្ម គឺ Sunwah Pearl ភ្នំពេញ មានកម្ពស់រហូតដល់ ៦០ជាន់ មានទីតាំងនៅក្បែរមហោស្រពចតុមុខ និងព្រះបរមរាជវាំង នឹងលេចរូបរាងនាពេលខាងមុខ ៕