បរទេស ៖ ក្រុមហ៊ុន Google របស់ក្រុមហ៊ុន Alphabet Inc បានចាប់ផ្តើមលក់ទូរស័ព្ទស្មាតហ្វូន Pixel ដែលមានតម្លៃសមរម្យ នៅប្រហែលពាក់កណ្តាលនៃតម្លៃម៉ូដែលនាពេលបច្ចុប្បន្ន ហើយបានទំលាក់ចោល កិច្ចព្រមព្រៀងចែកចាយផ្តាច់មុខ របស់សហរដ្ឋអាមេរិក ជាមួយក្រុមហ៊ុន Verizon Communications Inc ដែលជាសញ្ញាបង្ហាញពីការផ្លាស់ប្តូរដ៏សំខាន់ នៃយុទ្ធសាស្ត្រ hardware របស់បច្ចេកវិទ្យាមួយនេះ។

ចាប់តាំងពីបានវាយលុកទីផ្សារ អស់រយៈពេលបីឆ្នាំមកនេះ ទូរស័ព្ទ Pixel បានក្លាយជាប្រភេទទូរស័ព្ទ ដែលមានការលក់យឺតយ៉ាវ បើប្រៀបធៀបទៅនឹងទូរស័ព្ទ ពីក្រុមហ៊ុន Apple Inc និង Samsung Electronics Co ។ ក្រុមហ៊ុនទាំងនោះ ចំណាយច្រើនជាងក្រុមហ៊ុន Google លើការផ្សាយពាណិជ្ជកម្ម ដែល ផ្តល់ជំរើស នៅតម្លៃជាច្រើន និងធានាបាននូវការចែកចាយធំទូលាយ។

ក្រុមហ៊ុន Google បាននិយាយថា ទូរស័ព្ទ Pixel 3a ថ្មីនេះ មានតម្លៃទាប ត្រឹមតែ 399 ដុល្លារបើប្រៀបធៀបទៅនឹង Pixel 3 កាលពីឆ្នាំមុន ដែលមានតំលៃត្រឹមតែ 799 ដុល្លារតែប៉ុណ្ណោះ។ ទូរស័ព្ទនេះនឹងលក់ក្នុងប្រទេសចំនួន 13 ដូចគ្នានឹងម៉ូដែល Pixel 3 ។ លោក Mario Queiroz អនុប្រធានផ្នែកគ្រប់គ្រង របស់ក្រុមហ៊ុន Pixel បានប្រាប់រ៉យទ័រ កាលពីសប្តាហ៍ មុនថា វាគឺជាពេលវេលាត្រឹមត្រូវ សម្រាប់ការពង្រីក ផលិតផលរបស់ខ្លួន នៅលើទីផ្សារ។

ពាក់ព័ន្ធនឹងរឿង នេះ ក្រុមហ៊ុន Google បានពិភាក្សាជាមួយក្រុមហ៊ុន AT & T ដែលជាក្រុមហ៊ុនដឹកជញ្ជូនដ៏សំខាន់មួយផ្សេងទៀតរបស់សហរដ្ឋអាមេរិក ប៉ុន្តែមិនអាចដោះ ស្រាយបញ្ហាផ្សេងៗបានទេ។ ប៉ុន្តែក្រុមហ៊ុន Google និងក្រុមហ៊ុន AT & T នៅតែបន្តពិភាក្សាពីលទ្ធភាពនៃ ការស្តុកទុកស្មាតហ្វូន នាពេលអនាគត៕