ភ្នំពេញ ៖ គ្រុនឈាមបានកើនឡើងប្រមាណ ៥ដងបើធៀបនឹងឆ្នាំមុន និងបានសម្លាប់ជិវិតមនុស្សចំនួន២៥នាក់ ជំងឺ។ នេះបើតាមរបាយការណ៍របស់ក្រសួងសុខាភិបាល ដែលបានលើកឡើងដោយគិតមកត្រឹមដើមខែ៧ នៃឆ្នាំ២០១៩។
ក្រសួងសុខាភិបាលបានលើកឡើងថ្ងៃទី១០ ខែកក្កដា នេះ ថា ជំងឺគ្រុនឈាម នៅកម្ពុជា បានផ្ទុះឡើងខ្លាំងកាលពីដើមខែឧសភា កន្លងទៅ ដោយរាយប៉ាយនៅតាមភូមិសាស្ត្រមួយចំនួនក្នុង រាជធានី ខេត្ត នានា ដែលការរាយការណ៍ពីការផ្ទុះជំងឺនេះ ចំនួន១ម៉ឺន៥ពាន់ករណី។
ក្រសួងក៏បានឲ្យដឹងបន្ថែមផងដែរថា ក្រោយការធ្វើអន្តរាគមន៍ដាក់ថ្នាំសម្លាប់ដង្កូវទឹកនៅតាមភូមិ សាស្ត្រខេត្តរាជធានីដែលមានជំងឺនេះកើតឡើង ឃើញថាខេត្តចំនួន១១ មានការមានការថយចុះជំងឺនេះ ខណៈខេត្តក្រចេះ កំពត ព្រៃវែង និងកែប មិនមានជំងឺនេះផ្ទុះឡើងឡើយ។
ដើម្បីទប់ស្កាត់ការរីករាលដាល នៃជំងឺគ្រុនឈាមនេះ ក្រសួងសុខាភិបាល អះអាងថា ខ្លួនបានត្រៀមថ្នាំសម្រាប់សម្លាប់ដង្កូវទឹក ១៨៤ តោន សម្រាប់ចែកឱ្យប្រជាពលរដ្ឋ ខណៈជំងឺបានផ្ទុះឡើងក្នុងទ្រង់ទ្រាយធំនៅឆ្នាំនេះ៕
