ពោធិ៍សាត់ ៖ ប្រធាន អនុប្រធាន និងមន្ត្រីមន្ទីរសុរិយោដីខេត្តពោធិ៍សាត់ ត្រូវបានអង្គភាពប្រឆាំងអំពើពុករលួយ (ACU) ចុះទៅឃាត់ខ្លួននៅព្រឹកថ្ងៃទី២៧ ខែកក្កដា ឆ្នាំ២០១៩ នៅខេត្តពោធិ៍សាត់ផ្ទាល់តែម្តង។

ការចុះទៅឃាត់ខ្លួននេះ ដឹកនាំដោយឯកឧត្តមម ទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយផ្ទាល់។
អង្គភាព ប្រឆាំង អំពើពុករលួយ (ACU) បានឲ្យដឹងថា ប្រធាន អនុប្រធាន និង
មន្ត្រី មន្ទីរ សុរិយោដី ខេត្តពោធិ៍សាត់ ដែល ត្រូវចាប់ខ្លួន៣នាក់ រួមមាន៖
*ទី១៖ ឈ្មោះ លៀម ប៊ុនរឿន ប្រធានមន្ទីរសុរិយោដីខេត្តពោធិ៍សាត់
*ទី២៖ ឈ្មោះ ជាង វុទ្ធី អនុប្រធានមន្ទីរទទួលការងារសំណង់
*ទី៣៖ ឈ្មោះ តែ ប៊ុនថេង មន្ត្រីសុរិយោដីខេត្តទទួលបន្ទុកច្រក។

ការចាប់ខ្លួននេះបានធ្វើឡើងនៅភោជនីយដ្ឋានមហាលាប ក្រុងពោធិ៍សាត់ នៅវេលាម៉ោងប្រមាណ ៩៖៣៥នាទីព្រឹកនៅពេលម្ចាស់ដីជួបគ្នាដើម្បីប្រគល់លុយ។
ប្រភពពីមន្ត្រីអង្គភាពប្រឆាំងអំពើពុករលួយ (ACU) បានឲ្យដឹង តាមសារអេឡិចត្រូនិក នៅក្នុងគ្រុបតេឡាក្រាម “ សភាព្រោកប្រាជ្ញ ” ថា ប្រធានមន្ទីរសុរិយោដី ខេត្តពោធិ៍សាត់ បានទារលុយគេ ៤ម៉ឺនដុល្លារ គេមិនព្រម បង្កការលំបាកខ្លាំងទាល់តែគេមកអង្វរទារគេដល់ ១០ម៉ឺនដុល្លារ ទើបចេញច្បាប់សាងសង់ឲ្យគេ ។ហើយត្រូវកក់ភ្លាម៥០% (៥ ម៉ឺន ដុល្លារ ) ។

កាលពីថ្ងៃទី២៦ ខែកក្កដា ឆ្នាំ ២០១៩ គេកក់៥ពាន់ដុល្លារនៅបន្ទប់ការិយាល័យប្រធានតែម្តងហើយ នៅព្រឹកថ្ងៃទី២៧ ខែកក្កដា កក់ឲ្យ ៤ម៉ឺន៥ ពាន់ដុល្លារទៀតបង្គ្រប់៥០% នៅភោជនីយដ្ឋាន មហាលាភ ទើបអង្គភាពប្រឆាំងអំពើពុករលួយនាំខ្លួនមកតែម្តង ។

សូមបញ្ជាក់ថា លោក លៀម ប៊ុនរឿម កាលពីថ្ងៃទី១៤ ខែកក្កដា ឆ្នាំ២០១៤ ត្រូវបានតែងតាំង ជាប្រធានមន្ទីរមុខងារសាធារណៈខេត្តពោធិ៍សាត់ ដោយចេញពីអនុប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដី ខេត្តឧត្តរមាន
ជ័យ ហើយនៅថ្ងៃទី២៥ ខែមេសា ឆ្នាំ២០១៦ត្រូវបានតែងតាំងតំណែងជប្រធាន មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់ ៕