ខេត្តកំពង់ចាម ៖ បុរសស្រវឹងស្រា បានអង្គុយនិយាយទូរសព្ទ័តែម្នាក់ឯងហើយបាត់ខ្លួនអស់រយមួយថ្ងៃ លុះព្រឹកឡើងត្រូវគេប្រទះឃើញស្លាប់នៅក្រោមដើមខ្នរបង្កឲ្យមានការភ្ញាក់ផ្អើលនៅថ្ងែទី១៩ខែធ្នូឆ្នាំ២០១៩នៅភូមិអូរពីរ ឃុំដងក្តារ ស្រុកស្ទឹងត្រង់ ខេត្តកំពង់ចាម។

ប៉ូលិសបានអោយដឹងថានៅថ្ងៃទី១៩ខែធ្នូឆ្នាំ២០១៩វេលាម៉ោង៧ប៉ុស្តិ៍នគរបាលដងក្តារបានទទួល ពត៌មានពីលោកប៉ាន់យានមេភូមិអូរពីរថាមានឈ្មោះង៉ុយអាតភេទប្រុសអាយុ៣២ឆ្នាំជាតិខ្មែរទីលំនៅភូមិអូរពីរ ឃុំដងក្តារស្រុកស្ទឹងត្រង់បានស្លាប់នៅក្រោមដើមខ្នុរក្រោយផ្ទះរបស់ខ្លួន។

ប៉ូលិសបានបន្តថាក្រោយពីបានទទួលពត៌មានភ្លាមកំលាំងជំនាញនែអធិការ ដ្ឋាននគរបាលស្រុកស្ទឹងត្រង់ដោយសហការជាមួយកលាំងប៉ុស្តិ៍ដងក្តារដឹកនាំដោយលោកវរសេនីយ៍ត្រីពៅលីមស៊ាងអធិការរងទទួលការងារព្រហ្មទណ្ឌបានចុះទៅដល់កន្លែងកើតហេតុធ្វើការស្រាវជ្រាវ ឃើញសពឈ្មោះង៉ុយអាតស្លៀកខោខ្មៅជើងវែងពាក់អាវយឺតដៃខ្លីពណ៌ត្រីអ៊ី(ស្ពៃជ្រួក)ពាក់ស្បែក ជើង ផ្ទាត់ពណ៌ដីនៅជាប់នឹងជើង។

តាមការបំភ្លឺរបស់ឈ្មោះហ៊នឃានភេទប្រុសអាយុ៣២ឆ្នាំជាតិខ្មែរត្រូវជាប្អូនថ្លៃដែលរស់នៅផ្ទះជាមួយគ្នាបានបំភ្លឺអោយដឹងថាឈ្មោះង៉ុយអាតជាមនុស្សផឹកស្រាសជាប្រចាំរាងកាយមានសភាពទ្រុឌទ្រោម។ នៅមុនពេលកើតហេតុគាត់បានឃើញ ង៉ុយ អាត ស្រវឹងស្រាទៅអង្គុយនិយាយទូរសព្ទ័ នៅក្រោយផ្ទះក្រោមដើមខ្នុរ។ ចំណែកឈ្មោះវីតវឌ្ឍនាភេទប្រុសអាយុ១៥ឆ្នាំជាតិខ្មែរ(ផ្ទះនៅក្បែរគ្នា) អោយដឹងថានៅវេលាម៉ោង២០នាទីថ្ងៃទី១៨ខែធ្នូឆ្នាំ២០១៩ខ្លួនបានឃើញឈ្មោះង៉ុយអាតស្ថានភាពស្រវឹងស្រាដើរទៅអង្គុយនិយាយទូរសព្ទ័ក្រោមដើមខ្នុរក្រោយផ្ទះរបស់ខ្លួន។

ប៉ូលិសបានបន្តថាបន្ទាប់មកសមត្ថកិច្ចបានបង្កើតគណះកម្មការចំរុះធ្វើការត្រួតពិនិត្យសពមាន៖ ជាលទ្ធផលនៃការពិនិត្យនៅផ្នែកក្បាល.ផ្នែកក.ផ្នែកដងខ្លួននឹងផ្នែកអវះយវះគឺពុំមានស្លាកស្នាមអ្វីឡើយ។ ប៉ូលិសបានបន្តថាផ្អែកតាមការស្រាវជ្រាវការបភ្លឺនឹងការពិនិត្យសពឃើញ ថាឈ្មោះង៉ុយអាតគឺពិតជាបានស្លាប់ដោយសារស្ទះផ្លូវដង្ហើមបណ្តាលមកពីសម្ពាធឈាមឡើងខ្ពស់ធ្វើអោយបេះដូងឈប់ដំណើរការ គឺពុំមានពាក់ពន្ធ័បទល្មើសព្រហ្មទណ្ឌឡើយ។ ក្រោយពីបានពិនិត្យចប់សព្វគ្រប់ហើយសមត្ថកិចចបានប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕