រថយន្តក្រុងធ្លាក់ជ្រោះនៅឥណ្ឌូណេស៊ី សម្លាប់មនុស្ស៣៥នាក់
ឥណ្ឌូណេស៊ី ៖ ប៉ូលិសបាននិយាយនៅរសៀលនេះថា ចំនួនមនុស្សដែលបានស្លាប់នៅក្នុងឧប្បត្តិហេតុគ្រោះថ្នាក់ចរាចរណ៍រថយន្តក្រុងបើកធ្លាក់ជ្រោះនៅប្រទេសឥណ្ឌូណេស៊ី បានកើនឡើងដល់ ៣៥ នាក់ក្នុងនោះមានកុមារ៨នាក់ផងដែរ ខណៈដែលក្រុមជួយសង្គ្រោះបានបន្តរុករកនៅតាមទន្លេ។នេះបើយោងតាមសារព័ត៌មាន Channel News Asia។
ពីដំបូងឡើយប៉ូលិសបានអះអាងថា ចំនួនមនុស្សស្លាប់គឺមានត្រឹម២៦នាក់ ប៉ុន្តែក្រុមជួយសង្គ្រោះទើបបានរុករកឃើញសាកសពជនរងគ្រោះ៩នាក់ទៀតនារសៀលនេះ។
សូមរម្លឹកផងដែរថា រថយន្តក្រុងមួយគ្រឿងមានដឹកអ្នកដំណើររាប់សិបនាក់ បានជ្រុលចង្កូតធ្លាក់ទៅក្នុងជ្រោះយ៉ាងជ្រៅមួយ ហើយលិចចូលទឹកទន្លេកាលពី វេលាយប់រំលងអាធ្រាត្រថ្ងៃចន្ទនៅខេត្តស៊ូម៉ាត្រខាងត្បូង៕
