វៀតណាម ៖ តុលាការប្រជាជនទីក្រុងហាណូយ កាលពីចុងសប្តាហ៍កន្លងទៅនេះបានផ្តន្ទាទោស លោក ង្វៀន បាកសុន អតីតរដ្ឋមន្រ្តីក្រសួងព័ត៌មាន និងទូរគមនាគមន៍ ឱ្យជាប់គុកមួយជីវិតពីបទទទួលសំណូកចំនួន៣លានដុល្លារ។ នេះបើតាមសារព័ត៌មាន VN Express។
តុលាការបាននិយាយថា ចាប់តាំងពីក្រុមគ្រួសាររបស់ ង្វៀន បាកសុន បានបង់ប្រាក់ចំនួន៦៦ពាន់ លានដុង (៣លានដុល្លារអាមេរិក) ក្នុងនាមគាត់ជាថវិការដ្ឋ គឺការកាត់ទោសប្រហារជីវិត ដែលស្នើដោយព្រះរាជអាជ្ញាមិនត្រូវបានគេស្នើសុំទេ។ ចំណែកលោក ទ្រឿង មិញទួន ដែលពេលនោះ ជាអនុរដ្ឋមន្រ្តីក្រសួងព័ត៌មាន ដែលជាជនជាប់ចោទ ដ៏សំខាន់ម្នាក់ទៀត ក្នុងរឿងក្តីនេះ ត្រូវបានជាប់ពន្ធនាគារ១៤ ឆ្នាំផងដែរ។
លោក សុន អាយុ៦៦ ឆ្នាំ និងមិញទួន អាយុ៥៩ ឆ្នាំ ត្រូវបានរកឃើញថា មានកំហុសពីបទ “ រំលោភ លើបទប្បញ្ញត្តិ ស្តីពីការគ្រប់គ្រង និងការប្រើប្រាស់ ដើមទុនសាធារណៈ ដែលនាំឱ្យមានផលវិបាក ធ្ងន់ធ្ងរ” និង“ ទទួលសំណូក” ។ ពួកគេត្រូវបានចាប់ខ្លួន នៅខែកុម្ភៈ និងត្រូវបានបណ្តេញចេញពីបក្សកុម្មុយនិស្តកាលពីខែតុលា៕
