ខេត្តព្រះវិហារ ៖ បុរសម្នាក់បានស្លាប់បាត់បង់ជីវិត ខណៈបញ្ជូនទៅសង្គ្រោះបន្ទាន់នៅមន្ទីរពេទ្យស្រុកត្បែងមានជ័យ បន្ទាប់ពីបុរសរូបនេះ បានជិះម៉ូតូជួបនឹងគ្រោះថ្នាក់ចរាចរណ៍ប៉ះទង្គិចជាមួយរថយន្ត។
ហេតុការណ៍នេះ បានកើតឡើងនៅវេលាម៉ោង ១៧ ៖ ៣០នាទី រសៀល ក្នុងពេលភាគីទាំងពីបើកបរស្របទិសគ្នាពីលិចទៅកើតត លើកំណាត់ផ្លូវជាតិលេខ 62 ចន្លោះ គីឡូម៉ែត្រលេខ 138/139 ក្នូងភូមិសេដ្នកិច្ច ឃុំឈានមុខ ស្រុកត្បែងមានជ័យ ខេត្តព្រះវិហារ ដែលអ្នកជិះម៉ូតូបានរងរបួសយ៉ាងធ្ងន់ធ្ងរ។
សមត្ថកិច្ច បានឲ្យដឹងថា ជនរងគ្រោះឈ្មោះ ស៊ិម សាមិត ភេទប្រុស នៅភូមិឯកភាព ឃុំប៉ាលហាល ក្រុងព្រះវិហារ រីឯអ្នកបើករថយន្តមិនទាន់ស្គាល់អត្តសញ្ញាណនៅឡើយព្រោះបានរត់គេចខ្លួនបាត់ បន្សល់ទុកតែរថយន្តដឹកដីម៉ាកហ៊ីយ៉ាន់ដាយ ពាក់ផ្លាកលេខ 3A 0876 នៅនឹងកន្លែងកើតហេតុប៉ុណ្ណោះ។
ក្រោយពេលកើតហេតុភ្លាមៗ សមត្ថកិច្ចបានបញ្ជួនជនរងគ្រោះមកមន្ទីរពេទ្យ 6 មករា តាមរថយន្តសង្គ្រោះបន្ទាន់របស់ស្នងការដ្នាននគបាលខេត្ត លុះមកដល់មន្ទីពេទ្យ 6 មករា អ្នករបួសរូបនោះបានស្លាប់។

បច្ចុប្បុន្ន សមត្ថកិច្ច ក៍បានប្រគល់សាកសពជួនសាច់ញាតិយកទៅធ្វេីបុណ្យតាមប្រពៃណី រីឯវត្ថុតាងសមត្ថកិច្ចបានបញ្ជូនមករក្សាទុកប៉ុស្តិ៍នគរបាលរដ្នបាល ដេីម្បីចាត់ចែងតាមនីតិវិធី៕