ប៉ោយប៉ែត ៖ រដ្ឋបាលក្រុងប៉ោយប៉ែត នៅព្រឹកថ្ងៃទី៩ ខែមករា ឆ្នាំ២០២០ នេះ បានចាប់ផ្ដើមចុះរុះរើ និងកាត់សំយាបផ្ទះមួយចំនួនដែលសង់រំលោភ លើចិញ្ចើមផ្លូវ និងរៀបចំសម្ភារៈផ្សេងៗ ដែលដាក់តាំងលក់ចូលលើចំណី ផ្លូវ ព្រមទាំងកាយខឿនចិញ្ចើមផ្លូវ ដែលបងប្អូនចាក់ខ្ពស់ហួសកម្រិត ចិញ្ចើមផ្លូវ ដើម្បីរៀបចំសម្រាប់ការធ្វើដំណើរដោយថ្មើរជើង ។

ករណីចុះអនុវត្តនូវវិធានការនេះ ដោយសារ ម្ចាស់ផ្ទះខ្លះមិនព្រមអនុវត្តតាមសេចក្តីជូនដំណឹងរបស់អាជ្ញាធរ ពីសេសនៅលើកំណាត់ផ្លូវជាតិលេខ៥ នៅពីមុខវត្តផ្សារកណ្ដាល រហូតដល់ច្រកទ្វារព្រំដែនអន្តរជាតិ
ប៉ោយប៉ែត។

នៅក្នុងប្រតិបត្តិការនេះ ដឹកនាំកម្លាំងដោយ អភិបាលរងក្រុងប៉ោយប៉ែត លោក កែវ តារារស្មី រួមកម្លាំងនគរបាលក្រុង កម្លាងកងរាជអាវុធហត្តក្រុង ប្រជាការពារ និងមន្ត្រីមូលដ្ឋានជាច្រើនរួបទៀត។

លោកអភិបាលក្រុងរង កែវ តារារស្មី មានប្រសាសន៍ថា ៖ ជំហានដំបូង គីឲ្យបងប្អូនពលតដ្ឋដែលសង់សំយាបផ្ទះលក់ដូរនៅទំនិញគ្រប់ប្រភេទនោះឲ្យពួកគាត់កាត់ និងរុះរើសំយាបផ្ទះដែលសង់រំលោភផ្លូវ ចំនួន៥ម៉ែត្រ គិតចាប់ពីចិញ្ចើមដើម្បីយកឃឿនធ្វើជាផ្លូវផ្នើរជើង និងផ្លូវជិះកង់ទៅថ្ងៃ អនាគត ផ្លូវជាតិលេខ៥ ក្លាយជាផ្លូវអាស៊ាន ហាយវេវាន់ ដូច្នេះយើងចាំបាច់ត្រូវពង្រីកផ្លូវដើរ ផ្លូវកង់ និងផ្លូវម៉ូតូ ដោយឡែកលើទ្រូវផ្លូវ យើងធ្វើដំណើរតែយានយន្តប៉ុណ្ណោះ។

លោកបញ្ជាក់ថា ថ្ងៃនេះជាថ្ងៃឧសានវាទចុងក្រោយ ដែលរដ្ឋបានក្រុងបាន
ដាក់លិខិតជូនជាច្រើនដង ជាច្រើនសារ ហើយថ្ងៃនេះ ក្រុមកងកម្លាំង និងអនុវត្តវិធានការក្ដៅតែម្ដង មិនអនុញ្ញាតបន្តមក តសំយ៉ាប ឬតាំងលក់ ដូរមុនទៀតឡើយ។ ជាងនេះលោកក៏អំពាវនាវដល់ ពលរដ្ឋដែលរស់នៅតាមផ្លូវជាតិក្ដីឬក៏រស់នៅក្នុងក្រុងប៉ោយប៉ែត សូមមេត្តាចូលរួមជាមួយអាជ្ញាធរដោយសហការរុះរើសំណង់ដែលសាងសង់លើចិញ្ចើមផ្លូវ ។

លោកបញ្ជាក់ថា ជំហានទីមួយនេះ អាជ្ញាធរ និងកំណត់យកចិញ្ចើម
ផ្លូវតែ៥ម៉ែត្រប៉ុណ្ណោះ សល់ប៉ុន្មានឲ្យបងប្អូនពលរដ្ឋលក់ដូរធម្មតា ដោយសារតែលោកអភិបាលក្រុង ធ្វើយ៉ាងណាកំណត់ផ្លូវសម្រាប់ថ្មើរជើង ឲ្យបានត្រឹម៥ម៉ែត្រ៕