ភ្នំពេញ ៖ កាលពីព្រឹកថ្ងៃសុក្រ ម្សិលមិញនេះ សម្តេចតេជោ ហ៊ុន សែន នាយករដ្ឋមន្ត្រីនៃ ព្រះ រាជាណាចក្រកម្ពុជា បានជួបពិភាក្សាការងារ ជាមួយ ឯកឧត្តម Jeffrey D. Sachs ទីប្រឹក្សា ពិសេសរបស់អគ្គលេខាធិការអង្គការសហប្រជាជាតិ នៅវិមានសន្តិភាព។ ទីប្រឹក្សាពិសេស របស់អគ្គលេខាធិការយូអិន ត្រៀមជានិច្ចដើម្បីជួយដល់កម្ពុជា ជំរុញដល់ការអភិវឌ្ឍកម្ពុជា តំបន់អាស៊ាន និងតំបន់ដទៃទៀតឲ្យមានការអភិវឌ្ឍប្រកបដោយចីរភាព។
លោក Jeffrey D. Sachs បានមានប្រសាសន៍ថា ក្នុងដំណើរទស្សនកិច្ចនៅកម្ពុជា ពេល នេះគឺ ឯកឧត្តម បានឃើញដោយផ្ទាល់ភ្នែក នូវការអភិវឌ្ឍរបស់កម្ពុជា ដែលក្នុងនោះមាន ទាំងការអភិវឌ្ឍលើវិស័យសេដ្ឋកិច្ច ការអភិវឌ្ឍលើវិស័យសុខាភិបាល និងការអភិវឌ្ឍន៍ លើដទៃទៀតដែលហួសពីការស្មាន។ លោក នឹងទស្សនកិច្ចនៅកម្ពុជា ប្រទេសឡាវ និង ម៉ាឡេស៊ី ដើម្បីធ្វើយ៉ាងណាពង្រឹង និងជំរុញលើកទឹកចិត្តកិច្ចសហប្រតិបត្តិការ រវាង ប្រទេសអាស៊ាន និងសហគមន៍អឺរ៉ុប ពិសេសជំរុញកិច្ចសហប្រតិបត្តិការលើវិស័យពាណិជ្ជ កម្ម សេដ្ឋកិច្ច ដឹកជញ្ជូន និងអាយធី (IT) ដើម្បីធ្វើយ៉ាងណាឲ្យសហគមន៍អឺរ៉ុប និងអាស៊ាន មានទំនាក់ទំនង និងសហប្រតិបត្តិការល្អ ។ លោកនឹងទៅធ្វើទស្សនកិច្ច និងគ្រោងជួបថ្នាក់ ដឹកនាំសហគមន៍អឺរ៉ុបនៅសប្តាហ៍បន្ទាប់ ដើម្បីជម្រុញលើកស្ទួយកិច្ច សហប្រតិបតិ្តការ រវាងសហគមន៍អឺរុប និងអាស៊ាន។ លោកពុំចង់ឃើញមានការបែកបាក់គ្នា រវាងតំបន់ និងតំបន់ទេ។ ផ្ទុយមកវិញ លោកនឹងឆ្លុះបញ្ចាំងពីភាពខ្លាំង និងសារខាន់ៗនូវកិច្ចសហប្រតិបត្តិ ការ រវាងតំបន់និងតំបន់ទៅវិញ។ លោកបញ្ជាក់ចំពោះមុខសម្តេចថា លោកត្រៀមជានិច្ចដើម្បី ជួយដល់កម្ពុជាជំរុញដល់ការអភិវឌ្ឍកម្ពុជាតំបន់អាស៊ាន និងតំបន់ដទៃទៀតឲ្យ មានការ អភិវឌ្ឍប្រកបដោយចីរភាព។
សម្តេចតេជោបានជម្រាបជូន លោកថា កម្ពុជាមានមហិច្ឆិតាធ្វើយ៉ាងណាជំរុញកម្ពុជា ឲ្យ ក្លាយទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ នឹងប្រទេសមាន ចំណូល ខ្ពស់នៅឆ្នាំ២០៥០។ កម្ពុជាបានដាក់ចេញនូវគោលនយោបាយផលិតស្បៀង គឺការ នាំ អង្ករចេញ បានទទួលភាពជោគជ័យជាពិសេសលើគោលនយោបាយផលិតស្បៀង។ កម្ពុជាដែលជាប្រទេសមួយធ្លាប់តែខ្វះស្បៀងអាហារ បានប្រែក្លាយជាប្រទេសផលិត ស្បៀង និងសល់ស្បៀងថែមទៀត។
សម្តេចតេជោបានមានប្រសាសន៍បន្តថាបញ្ហាបច្ចុប្បន្ននេះរបស់កម្ពុជា ពិសេ សភ្នំពេញ បច្ចុប្បន្ន គឺបញ្ហាស្ទះចរាចរណ៍ ដែលកាលពី១៥ឆ្នាំមុន មិនដែលបានឃើញទេ។ បញ្ហាផ្សេងទៀត ដូចជាបញ្ហាចំណតរថយន្ត បញ្ហាសំណល់រឹង សំណល់រាវ ជាពិសេសទៅ ទៀតនោះ គឺបញ្ហាប្រែប្រួលអាកាសធាតុ ដែលបញ្ហានេះបាននាំមកនូវការ បារម្ភសម្រាប់ កម្ពុជា ជាពិសេសលើវិស័យកសិកម្ម។ស
សម្ដេចតេជោបានមានប្រសាសន៍ថា យើងគប្បី ណារួមគ្នា ធ្វើការដោះស្រាយ ជាពិសេសបញ្ហាប្រែប្រួលអាកាសធាតុនេះ ដែលកម្ពុជាគាំ ទ្រ គោលនយោបាយនិងរាល់អ្វីៗ ដែលជាពាក់ព័ន្ធនឹងបញ្ហានេះ ដែលអង្គការសហ ប្រជា ជាតិ បានដាក់ចេញមក៕
