ចិន ៖ ក្រុមប្រឹក្សារដ្ឋ និងជារដ្ឋមន្ត្រីក្រសួងការបរទេសចិនលោក Wang Yi បាននិយាយជាមួយលោក Toshimitsu Motegi រដ្ឋមន្ត្រីក្រសួងការបរទេសជប៉ុនតាមទូរស័ព្ទកាលពីថ្ងៃអាទិត្យតាមការស្នើសុំការពិភាក្សាអំពីកិច្ចខិតខំប្រឹងប្រែងដើម្បីប្រយុទ្ធនិងគ្រប់គ្រងការរាតត្បាតនៃវីរុសនេះ។
លោក Motegi បាននិយាយថាភាគីជប៉ុនយកចិត្តទុកដាក់ចំពោះវិធានការវិជ្ជមាននិងដ៏មានឥទ្ធិពលដែលបានអនុវត្តដោយរដ្ឋាភិបាលនិងប្រជាជនចិនក្រោមការដឹកនាំរបស់លោកប្រធានាធិបតី Xi Jinping ដើម្បីគ្រប់គ្រងយ៉ាងម៉ឺងម៉ាត់នូវការរីករាលដាលនៃការឆ្លងរាលដាលនៃវីរុសថ្មីនេះ។
លោកបានបន្ថែមថា ប្រទេសជប៉ុនបានត្រៀមខ្លួនជាស្រេចដើម្បីធ្វើការជាមួយប្រទេសចិនដើម្បីដោះស្រាយជាមួយនឹងការគំរាមកំហែងនៃការរាតត្បាត និងផ្តល់ការគាំទ្ររួមទាំងជំនួយគ្រប់បែបយ៉ាងដល់ប្រទេសចិន។ ទន្ទឹមនោះនោះជប៉ុនក៏បានផ្ដល់ជំនួយជាម៉ាសចំនួនមួយលានដល់ប្រទេសចិន ថែមទាំងមានការដាក់លក់ម៉ាស់បញ្ចុះតម្លៃពិសេសនៅតាមទីផ្សារជាច្រើន ដោយពុំមានការឡើងថ្លៃនោះទេ។
គួរបញ្ជាក់ថា គិតមកពេលនេះ វីរុសផ្លូវដង្ហើមប្រភេទថ្មីបានសម្លាប់មនុស្សកើនដល់៨០នាក់ហើយ ចំណែកអ្នកឆ្លងវីរុសនេះនៅប្រទេសចិនបានកើនឡើងរហូតដល់២៧៦១នាក់ ខណៈប្រមាណ៣៧ករណីផ្សេងទៀត នៅតាមបណ្តាប្រទេសមួយចំនួនដូចជា ថៃ ៖ ០៨ករណី អូស្ត្រាលី ៖ ០៤ករណី បារាំង ៖ ០៣ករណី ជប៉ុន ៖ ០៤ករណី ម៉ាឡេស៊ី ៖ ០៤ករណី សិង្ហបុរី ៖ ០៤ករណី កូរ៉េខាងត្បូង ៖ ០៣ករណី សហរដ្ឋអាមេរិក ៖ ០៣ករណី វៀតណាម ៖ ០២ករណី នេប៉ាល់ ៖ ០១ករណី និង កាណាដា ៖ ០១ករណី៕
