អាមេរិក ៖ សភាតំណាងសហរដ្ឋអាមេរិកកាលពីថ្ងៃព្រហស្បតិ៍ម្សិលមិញបានអនុម័តនូវសេចក្ដីព្រាងច្បាប់ចំនួន២ ដើម្បីទប់ស្កាត់អំណាចសង្គ្រាមរបស់ប្រធានាធិបតី។ នេះបើយោងតាមប្រភពពី CNA។
សភាដឹកនាំដោយគណបក្សប្រជាធិបតេយ្យបានអនុម័តច្បាប់មួយដើម្បីលុបចោលច្បាប់ឆ្នាំ២០០២សម្រាប់ការប្រើប្រាស់កម្លាំងយោធាសម្រាប់សង្គ្រាមនៅអ៊ីរ៉ាក់ ដោយមានការបោះឆ្នោតតាមបណ្តាគណបក្សគាំទ្រដោយសំឡេងច្រើនពី ២៣៦ ដល់ ១៦៦។ ការអនុម័តសេចក្តីព្រាងច្បាប់មួយទៀតដោយសំឡេង ២២៨-១៧៥ ដើម្បីព្យាយាមរារាំងយោធាអាមេរិក សកម្មភាពប្រឆាំងនឹងអ៊ីរ៉ង់ដោយគ្មានការយល់ព្រមពីសភា។
យ៉ាងណាមិញសេចក្ដីព្រាងច្បាប់ទាំងពីរនេះ នៅតែត្រូវបញ្ជូនបន្តទៅកាន់ព្រឹទ្ធសភាជាបន្តទៀត ខណៈគេមិនទាន់ដឹងច្បាស់នៅឡើយទេថា តើព្រឹទ្ធសភាដែលបច្ចុប្បន្ន ស្ថិតនៅក្រោមការគ្រប់គ្រងដោយគណបក្សសាធារណរដ្ឋ នឹងអនុម័តលើសេចក្ដីព្រាងច្បាប់ទាំងនេះដែរ ឬយ៉ាងណោះទេ៕
