បរទេស ៖ ប្រធានាធិបតីប្រទេសកូឡុំប៊ី នឹងព្យាយាមបង្កើនការនាំចេញផ្ការបស់ខ្លួន មួយទ្វេជាពីរ រហូតដល់ ៣ ពាន់លានដុល្លារក្នុងមួយឆ្នាំ នៅទសវត្សរ៍ក្រោយ តាមរយៈការបង្កើនប្រភេទផ្កាថ្មីៗ និងពង្រីកទីផ្សារនៅតំបន់អាស៊ី និងអាមេរិកឡាទីន។
ការប្រកាសអំពីគោលដៅនេះ ស្របគ្នានឹងថ្ងៃបុណ្យនៃក្តីស្រឡាញ់ ដែលជាចំនុចនៃការនាំចេញផ្កាច្រើនបំផុតប្រចាំឆ្នាំ ពីប្រទេសនៅតំបន់អាន់ឌៀនមួយនេះ ដែលជាធម្មតាដឹកជញ្ជូនទៅសហរដ្ឋអាមេរិក ច្រើនជាងគេ ។
ប្រទេសកូឡុំប៊ី ជាប្រទេសនាំចេញផ្កាធំជាងគេទី ២ នៅលើពិភពលោក បន្ទាប់ពីប្រទេសហូឡង់។ យោងតាមតួលេខពីសមាគមនាំចេញផ្កាកូឡុំប៊ី បានអោយដឹងថា ទិវានៃក្តីស្រឡាញ់ ត្រូវបានរាប់ចូលប្រាក់ចំណូលប្រចាំឆ្នាំបានពីការលក់ផ្កាចំនួន ១៥% ស្មើនឹង ចំនួន ១.៥ ពាន់លានដុល្លារ ។
ផ្កាប្រមាណ ៦៦០ លានផ្កា បានមកពីពូជប្រមាណ ១៥០០ ប្រភេទ ត្រូវបាននាំចេញ ទៅសហរដ្ឋអាមេរិក ចក្រភពអង់គ្លេស និងប្រទេសម៉ិកស៊ិក សម្រាប់ថ្ងៃបុណ្យនៃក្តីស្រ លាញ់។ លោក Duque បាននិយាយថា ផែនការពង្រីកនេះ រួមមានការស្វែងរកឱកាសនៅក្នុង ទីផ្សារ ដូចជាប្រទេសចិន ជប៉ុន កូរ៉េខាងត្បូង និងបណ្តាប្រទេសអាមេរិកឡាទីនផ្សេងទៀត ហើយបច្ចុប្បន្នវិស័យនេះ ផ្តល់ការងារប្រហែល ១៤ ម៉ឺន ដល់ប្រជាជនកូឡុំប៊ី៕
