សេអ៊ូល ៖ មជ្ឈមណ្ឌលគ្រប់គ្រង និងបង្ការជំងឺឆ្លងកូរ៉េខាងត្បូង KCDC បានឱ្យដឹងនៅថ្ងៃចន្ទនេះថា ចំនួនអ្នកស្លាប់ដោយសារជំងឺ COVID-19 នៅទូទាំងប្រទេសកើនដល់២៦នាក់ បន្ទាប់ពីមនុស្ស៤ នាក់បន្ថែមទៀតបានបាត់បង់ជីវិត។ នេះបើតាមសារព័ត៌មាន CNN។

បើតាម KCDC មនុស្សឆ្លង COVID-19 ក៏បានកើនដល់ ៤,២១២នាក់ ផងដែរ ក្រោយករណីឆ្លង៤៧៦ថ្មី ត្រូវបានរាយការណ៍ ហើយទីក្រុងដេគូ (Daegu) និងខេត្តគ្យុងសាងខាងជើងដែលស្ថិតនៅជាប់របងគ្នា គឺជាតំបន់ដែលរ៉ាប់រងករណីស្ទើរតែទាំងអស់៕