ភ្នំពេញ ៖ ក្រសួងព្រះបរមរាជវាំង បានចេញសេចក្តីប្រកាស ផ្អាកមិនអនុញាតឲ្យភ្ញៀវចូលទស្សនាព្រះបរមរាជវាំងចាប់ពីថ្ងៃទី១៨មីនា នេះតទៅ ដើម្បីរួមចំណែកថ្មី ទប់ស្កាត់ការរាលដាលនៃមេរោគ កូវីដ១៩ នៅកម្ពុជា។

ក្រសួងព្រះបរមរាជវាំង បានបញ្ជាក់នៅក្នុងលិខិតនោះថា ការ ប្រកាសផ្អាកមិនឲ្យចូលទស្សនា ក្នុងព្រះបរមរាជវាំង គឺធ្វើឡើងទៅតាមលិខិតរបស់ក្រសួងសុខាភិបាល កាលពីថ្ងៃទី១៧ ខែមីនា ឆ្នាំ២០២០ អនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ស្នើរដ្ឋមន្រ្តីក្រសួងទេសចរណ៍ និងអភិបាលរាជធានី-ខេត្តទាំងអស់ឱ្យបិទ KTV និងរោងភាពយន្តទាំងអស់ នៅក្នុងប្រទេសកម្ពុជា ចាប់ពីថ្ងៃទី១៧ ខែមីនា ឆ្នាំ២០២០នេះតទៅ ដើម្បីទប់ស្កាត់ការរីករាលដាល់ជំងឺកូវីដ១៩៕