ភ្នំពេញ ៖ ក្រុមគ្រូពេទ្យជំនាញនៃក្រសួងសុខាភិបាល បានចុះមកបាញ់ថ្នាំសម្លាប់ មេរោគនៅ ក្នុងបរិវេណវិមានរដ្ឋសភាជាតិ។

សូមជម្រាបជូនថា ក្រៅពីការបាញ់ថ្នាំសម្លាប់មេរោគនេះ ស្ថាប័នរដ្ឋសភា ក៏បានចាត់វិធានការផ្សេងៗមួយចំនួនទៀតសម្រាប់ការការពារការឆ្លងរាលដាលនៃមេរោគកូវីដ១៩ នេះផងដែរមានដូចជា ការ ប្រើឧបករណ៍វាស់កម្ដៅ ផ្ដល់ទឹកលាងដៃសម្រាប់អ្នកចូលក្នុងវិមានរដ្ឋសភា នៅគ្រប់ច្រកចូលទាំងអស់

និងតាមទីតាំងជាច្រើនទៀតក្នុងអគ្គលេខាធិការដ្ឋានរដ្ឋសភា ផ្ដល់សាប៊ូ ទុកសម្រាប់លាងដៃនៅគ្រប់ទីតាំងបន្ទប់ទឹក ចំពោះការចរាចរណ៍ឯកសារផ្សេងៗ គឺធ្វើឡើងតាម រយៈអនឡាញ និងបានណែនាំមន្ត្រី ត្រូវការពារសុខភាពទៅតាមសេចក្ដីណែនាំរបស់ក្រសួងសុខាភិបាលផងដែរ៕