ខេត្តត្បូងឃ្មុំ ៖ គណៈកម្មាធិការចម្រុះព្រំដែនកម្ពុជា បានច្រានចោលព័ត៌មានដែលលើកឡើងថា វៀតណាម  រារាំងពលរដ្ឋខ្មែរមិនឱ្យធ្វើស្រែលើដីខ្លួនក្នុងភូមិត្រពាំងថ្លុង ឃុំត្រពាំងថ្លុង ស្រុកពញាក្រែក ខេត្តត្បូងឃ្មុំ។

ការបដិសេធនេះ បានធ្វើឡើងនៅក្រោយពេលហ្វេសប៊ុកផេក William Guang របស់លោក សុខសុវណ្ណវឌ្ឍនា សារាបុង ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ បានបង្ហោះនូវវីដេអូ និងសារពាក់ព័ន្ធនឹងការចូលមកដេញពលរដ្ឋខ្មែរមិនឱ្យធ្វើស្រែក្នុងដីខ្មែរដោយទាហានវៀតណាម។

ក្នុងសេចក្តីថ្លែងការណ៍ចុះថ្ងៃទី៣១ ខែមីនា គណៈកម្មាធិការចម្រុះព្រំដែន បានប្រកាសទាត់ចោលការលើកឡើងនេះ ដោយថា ចាត់ទុកជាព័ត៌មានក្លែងក្លាយ បំផ្លើសការពិត ដោយអះអាងថា ដីទាំងនោះមុនការបោះព្រំដែន គឺស្ថិតក្រោមការគ្រប់គ្រងរបស់វៀតណាម ដោយគ្មានពលរដ្ឋខ្មែរណាម្នាក់ធ្លាប់គ្រប់គ្រងទីនោះពីមុនមកទេ៕