ភ្នំពេញ ៖ ថ្លែងក្នុងពិធីផ្ទេរតំណែងរដ្ឋមន្រ្តីក្រសួងប្រៃសណីយ៍ និងទូរគមនាគមន៍ នាព្រឹក ថ្ងៃទី២ ខែមេសា នេះ ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោក អគ្គបណ្ឌិតសភា ចារ្យ អូន ព័ន្ធមុនីរ័ត្ន បានលើកឡើងថា ពាក់ព័ន្ធជំងឺរលាកផ្លូវដង្ហើម កូវីដ ១៩ ទោះបីកម្ពុជា មិនទាន់មានការបាត់បង់ជីវិតនៅឡើយក្តី តែជំងឺនេះបាននិងកំពុងបន្តគំរាមកំហែងដល់សង្គមកម្ពុជា និងមានផលប៉ះពាល់ដល់ផ្នែកសេដ្ឋកិច្ច ដែលកំពុងលេចរូបរាងកាន់តែច្បាស់ និងមានសភាពកាន់តែធ្ងន់ធ្ងរបន្តិចម្តងៗ ជាពិសេសជះឥទ្ធិពលលើវិស័យទ្រទ្រង់កំណើនសេដ្ឋកិច្ចធំៗពីរ រួមមាន វិស័យកាត់ដេរ និងទេសចរណ៍។
លោកបានបន្តថា បានរំលឹកថា សម្តេចនាយក រដ្ឋមន្រ្តី បានដាក់ចេញនូវវិធានការបន្ទាន់ចំនួន ២ជុំ រួចមកហើយ ក្នុងនោះជុំទី១ ចាប់ផ្តើមកាលពីថ្ងៃទី២៤ ខែកុម្ភៈ និងជុំទី២ ចាប់ផ្តើមនៅថ្ងៃទី៣១ ខែមីនា ឆ្នាំ២០២០ ថ្មីៗនេះ ដើម្បីជួយឲ្យធុរកិច្ចអាចបន្តអាជីវកម្មរបស់ខ្លួនបាន និងជួយសម្រួលដល់កម្មករ និយោជិតផងដែរ។
លោកបន្តថា ស្ថិតក្នុងគោលការណ៍កាត់បន្ថយផលប៉ះពាល់ជម្ងឺកូវីដ១៩នេះ សម្តេចនាយក រដ្ឋមន្រ្តី បានដាក់ចេញនូវវិធានការបន្ទាន់ចំនួន២ជុំរួចមកហើយ ក្នុងនោះជុំទី១ ចាប់ផ្តើមកាលពីថ្ងៃទី២៤ ខែកុម្ភៈ និងជុំទី២ ចាប់ផ្តើមនៅថ្ងៃទី៣១ ខែមីនា ឆ្នាំ២០២០ថ្មីៗនេះ ដើម្បីជួយឲ្យធុរកិច្ចអាចបន្តអាជីវ កម្មបាន និងជួយសម្រួលដល់កម្មករនិយោជិតផងដែរ ដោយឯកឧត្តមអគ្គបណ្ឌិតសភាចារ្យ អូន ព័ន្ធមុនី រ័ត្ន បានបញ្ជាក់ថា ៖ ពាក់ព័ន្ធនឹងជម្ងឺរាតត្បាតរលាកផ្លូវដង្ហើមកូវីដ១៩នេះ បច្ចុប្បន្នវាកំពុងរាតត្បាតនៅ ក្នុងខណៈប្រទេសក្នុងអាស៊ាន នៅអឺរ៉ុប និងសហរដ្ឋអាមេរិក កំពុងក្លាយ ជាមជ្ឈមណ្ឌលនៃការរាតត្បាតជំងឺដ៏កាចសាហាវនេះ៕