ខេត្តកំពង់ចាម ៖ បុរសវ័យ ៣៨ឆ្នាំម្នាក់ ត្រូវបានសមត្ថកិច្ចតាមចាប់ខ្លួនភ្លាមៗ បន្ទាប់ពីទទួលពាក្យបណ្តឹងពីបទចោទ រំលោភសេពសន្ថវៈលើកូនស្រីបង្កើតរបស់ខ្លួនអាយុ ១៤ឆ្នាំ បានសម្រេចចំនួនពីរលើក។

អ្នកភូមិនៅកន្លែងកើតហេតុ បានដៀលត្មិះបុរសរូបនេះកប់ៗមាត់ ដោយប្រដូចទៅនឹងសត្វតិរិច្ឆាន ឬអញនកខ្លះស្រែកដៀលថា ជាត្រីឆ្តោស៊ីកូនឯង។ បុរសរូបនេះ ត្រូវបានកំលាំងសមត្ថកិច្ចចាប់ខ្លួន បន្ទាប់ពីបានរំលោភសេពសន្ថវៈលើកូនស្រីបង្កើតរបស់ខ្លន កាលពីថ្ងៃទី២០ ខែមេសា ឆ្នាំ២០២០ វេលាម៉ោង ១០ និង៣០នាទី នៅចំណុចភូមិកោះគល់ ឃុំកោះរកា ស្រុកកំពង់សៀម ខេត្តកំពង់ចាម។ ក្មេងស្រីរងគ្រោះអាយុ ១៤ឆ្នាំ រស់នៅជាមួយជនសង្ស័យជាឪពុកបង្កើតឈ្មោះ ពៅ ហា ភេទប្រុស អាយុ ៣៨ឆ្នាំ ជាតិខ្មែរ មុខរបរកសិករ មានទីលំនៅភូមិកោះគល់ ឃុំកោះរកា ស្រុកកំពង់សៀម ខេត្តកំពង់ចាម ។

សមត្ថកិច្ចមូលដ្ឋានបានអោយដឹងថា បន្ទាប់ពីទទួលបានព័ត៌មាន និងពាក្យបណ្តឹងភ្លាម កម្លាំងសមត្ថកិច្ចជំនាញនៃអធិការរដ្ឋាននគរបាលស្រុកកំពង់សៀម បានដឹកនាំនគរបាលប៉ុស្តិ៍រដ្ឋបាលកោះរកា ចុះចាត់វិធានការជាបន្ទាន់ ទៅដល់ទីកន្លែងកើតហេតុ ធ្វើការស្រាវជ្រាវរុករកជនសង្ស័យរហូតដល់វេលាម៉ោង ១៣ និង២០នាទីថ្ងៃដដែល ទើបឃាត់ខ្លួនបានជនសង្ស័យខាងលើ និងបានបញ្ជូនមកកាន់អធិការរដ្ឋាននគរបាលស្រុកកំពង់សៀម ដើម្បីបំពេញសំណុំបែបបទតាមនីតិវិធី។ ជនសង្សយ័បានឆ្លើយសារភាពថា ខ្លួនពិតជាបានចាប់រំលោភសេពសន្ថវៈលើកូនស្រីខ្លួន ចំនួន២លើកពិតប្រាកដ ហើយទើបបែកការណ៍បន្ទាប់ពីខ្លួនបានប្រព្រឹត្តិលើកទី២ នៅថ្ងៃទី២ ខែមេសា ឆ្នាំ២០២០ វេលាម៉ោង ១០និ៣០នាទី។ ប៉ូលិសបានអោយដឹងថា ករណីនេះសមត្ថកិច្ចយើងកំពុងរៀបចំកសាងឯកសារ និងសំណុំរឿង និងត្រៀមបញ្ជូនជនត្រូវចោទទៅតុលាការខេត្តកំពង់ចាម ដើម្បីចាត់ការតាមច្បាប់៕