ភ្នំពេញ ៖ ក្រសួងការងារ និងបណ្ដុះបណ្ដាលវិជ្ជាជីវៈ បានរៀបចំឱ្យមានមណ្ឌលចត្តាឡីស័កចំនួន ១០កន្លែង រាយតាមតំបន់ដែលមានរោងចក្រច្រើននៅរាជធានីភ្នំពេញ សម្រាប់ដាក់កម្មករនិយោជិត ឱ្យនៅដាច់ដោយឡែក ១៤ថ្ងៃ ក្រោយពួកគាត់ត្រលប់ពីស្រុកកំណើត និងឈប់សម្រាកក្នុងឱកាសបុណ្យចូលឆ្នាំថ្មីកន្លងទៅ។

លោក ហេង សួរ រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី២០ ខែមេសា ឆ្នាំ២០២០នេះថា នៅរាជធានីភ្នំពេញ ក្រសួងការងារ បានរៀបចំមណ្ឌល ពិនិត្យសុខភាព បណ្តោះអាសន្នចំនួន១០កន្លែង គឺមាននៅតំបន់ផ្លូវវេងស្រេងចំនួន៣កន្លែង, តំបន់ឧស្សាហ៍កម្មវឌ្ឍនៈ២កន្លែង, តំបន់សេដ្ឋកិច្ចពិសេសភ្នំពេញ១កន្លែង, វិទ្យាល័យជម្ពូវ័ន្ត១កន្លែង, អនុវិទ្យាល័យដង្កោរ១កន្លែង, វិទ្យាល័យឬស្សីកែវ១កន្លែង និងវិទ្យាល័យគោកបញ្ជាន់ ១ន្លែង”៕