ខេត្តកណ្តាល ៖ កម្លាំងចម្រុះនគរបាលបានសហការតាមចាប់ខ្លួនមន្ត្រីនគរបាលប៉ុស្តិ៍ បាក់ខែង ដែលបានបាញ់សម្លាប់ប្អូនថ្លៃ នៅឃុំឧកញ៉ាតី ស្រុកខ្សាច់កណ្តាល រហូតដល់ខេត្តស្ទឹងត្រែង ហើយបានចាប់ខ្លួនជនសង្ស័យកាលពីម្សិលមិញនៅចំណុចស្រុកថាឡាបរិវ៉ាត់ ខេត្តស្ទឹងត្រែង។
សូមបញ្ជាក់ថា អំពើឃាតកម្មឈានដល់បាញ់សម្លាប់គ្នានេះ កើតឡើងនៅម៉ោង៦,៣០នាទីយប់ ថ្ងៃទី១៥ ខែមេសា ឆ្នាំ២០២០ នៅចំណុចភូមិចុងកោះ ឃុំកោះឧកញ៉ាតី ស្រុកខ្សាច់កណ្តាល ខេត្តកណ្តាល ដោយបងថ្លៃជាមន្ត្រីនគរបាលប៉ុស្តិ៍បាក់ខែងម្នាក់ បានបាញ់សម្លាប់ប្អូនថ្លៃ ព្រោះតែភ្លើងប្រចណ្ឌ។
ចំណែកជនរងគ្រោះឈ្មោះ ម៉ៅ ប៊ុនហេង ភេទប្រុស អាយុ២៥ឆ្នាំ ជនជាតិខ្មែរ មុខរបរលក់ដូរ។ ចំណែកជនសង្ស័យមានឈ្មោះ សែន រ៉ានុន ភេទប្រុស អាយុ៣៥ឆ្នាំ ជនជាតិខ្មែរ មុខរបរមន្ត្រីនគរបាលប៉ុស្តិ៍រដ្ឋបាលបាក់ខែង។ ដោយប្រពន្ធជនសង្ស័យ និងជនរងគ្រោះ ជាបងប្អូនបង្កើតនឹងគ្នា៕
