ដោយ ៖ ប៉ែន សផល

កំពង់ចាម ៖ ក្រោយពីទទួលបានព័ត៌មានពីប្រជាពលរដ្ឋរស់នៅភ ភូមិគោករវៀងឃុំគោករវៀងស្រុកជេីងព្រៃ ខេត្ដកំពង់ចាម ថាមានទឹកជន់លិចស្រូវរបស់ពួកគាត់ជាច្រេីនហិកតាដោយសាររបិទលួបង្ហូរទឹកចូលប្រឡាយទឹកបណ្ដាលឲ្យកកស្ទះទឹកឡើងជន់លិច។ 

នៅថ្ងៃទី១៨ ខែឧសភា ឆ្នាំ២០២០ នេះ លោក អូត ឈាងលី អភិបាលនៃគណៈអភិបាលស្រុកជើងព្រៃ បានដឹកនាំមន្ត្រីក្រោមឱវាទចុះត្រួតពិនិត្យ ហើយបានដាក់គ្រឿងចក្រកាយដីចេញពីប្រឡាយទឹកដើម្បីរំដោះទឹកចេញពីស្រែជូនប្រជាពលរដ្ឋដើម្បីកុំឲ្យលិចស្រូវរបស់ពួកគាត់បន្តទៅទៀតដែលពួកគាត់កំពុងតែដាំដុះ។

ពលរដ្ឋជាច្រើនគ្រួសារបានសាទរទៅនឹងចំណាត់ការរបស់លោកអភិបាលនៃគណៈអភិបាលជើងព្រៃា ក្នុងការជួយដោះស្រាយប្រជាពលរដ្ឋបានទាន់ពេលវេលា បើមិនដូច្នេះទេ ស្រូវស្រែទាំងនោះប្រាកដជាខូចខាតអស់ជាមិនខានឡើយ៕