ចិនត្រៀមបញ្ចេញថវិកា ១,៤ទ្រីលានដុល្លារ ក្តោបក្តាប់ពិភពបច្ចេកវិទ្យា
ប៉េកាំង ៖ ប្រទេសចិន កំពុងបង្កើនសន្ទុះក្នុងបច្ចេកវិទ្យា ដោយបានចាក់លុយយ៉ាងច្រើនមហាសាល ក្នុងការក្តោបក្តាប់ពិភពលោកលើវិស័យនេះ។ នេះបើយោងតាមការចេញផ្សាយដោយសារព័ត៌មាន South China Morning Post។
នៅក្នុងផែនការមេ ដែលគាំទ្រដោយប្រធានាធិបតីចិន លោក ស៊ី ជិនពីង បង្ហាញឱ្យដឹងថា ចិននឹងដាក់ទុនវិនិយោគប្រមាណ១,៤ទ្រីលានដុល្លារ ក្នុងរយៈពេល៦ឆ្នាំដល់ឆ្នាំ២០២៥។ ក្នុងនោះក្រុមហ៊ុនដ៏សំខាន់បំផុតដែលដើរតួគឺ Huawei ដែលនឹងជួយដល់បណ្តាញ 5G, ដំឡើងកាមេរ៉ា និងសេនស័រ ព្រមទាំងអភិវឌ្ឍបច្ចេកវិទ្យា AI នៅតាមបណ្តារោងចក្រយានយន្ត និងឧបករណ៍ស៊ើបការណ៍។
ការវិនិយោគដ៏សម្បើមនេះនឹងជួយឱ្យចិនកាត់បន្ថយការពឹងផ្អែកលើបច្ចេកវិទ្យាបរទេស និងមានគោលដៅរំពឹងឈ្មោះខ្លួនក្នុងវិស័យបច្ចេកវិទ្យាថា «Made in China 2025»៕
