ខេត្តមណ្ឌលគិរី ៖ កម្លាំងអធិការដ្ឋាននគរបាលស្រុកអូររាំងសហការជាមួយកម្លាំងប៉ុស្ដិ៍នគរបាលសែនមនោរម្យ បានឃាត់ខ្លួនជនសង្ស័យចំនួន០១នាក់ តាមពាក្យបណ្ដឹងរបស់ឈ្មោះ ចើម ហ៊ាង ភេទស្រី អាយុ២៥ ឆ្នាំ ដែលបានដាក់ពាក្យបណ្ដឹងនៅការិយាល័យប្រឆាំងការជួញដូរមនុស្ស នៃស្នងការដ្ឋាននគរបាលខេត្តមណ្ឌលគិរី។
ជនសង្ស័យដែលសមត្ថកិច្ចឃាត់ខ្លួននៅថ្ងៃទី១១ ខែមិថុនា ឆ្នាំ២០២០ វេលាម៉ោង០៨ និង ២០នាទី ឈ្មោះ អុល ហ៊ាង ភេទប្រុស អាយុ៣៦ឆ្នាំ ជនជាតិព្នង រស់នៅភូមិពូហ្សាម ឃុំសែនមនោរម្យ ស្រុកអូររាំង ខេត្តមណ្ឌលគិរី បានប្រព្រឹត្តបទល្មើសកាលពីឆ្នាំ២០១៧ (មិនចាំថ្ងៃខែ) បានធ្វើការរំលោភទៅលើប្អូនថ្លៃស្រី បានសម្រេចចំនួន១ដង ស្ថិតនៅភូមិចំការតែ សង្កាត់រមនា ក្រុងសែនមនោរម្យ ខេត្តមណ្ឌលគិរី។
ក្រៅពីនេះ តាមរបាយការណ៍ ក៏បានបញ្ជាក់ថា នៅថ្ងៃទី០២ មិថុនា ២០២០ វេលាងម៉ោងប្រហែល២២ជាង ជនសង្ស័យ ក៏បានធ្វើសកម្មភាពលូកច្របាច់ដោះម្ដាយក្មេកដែលស្ថិតនៅផ្ទះចំការ ក្នុងក្រុមពូឡា ភូមិពូហ្សាម ឃុំសែនមនោរម្យ ស្រុកអូររាំង ខេត្តមណ្ឌលគិរី។
ដោយឡែក នៅថ្ងៃទី០៣ មិថុនា ២០២០ វេលាម៉ោងប្រហែល២២ បានធ្វើសកម្មភាព ដោយយកម្រាមដៃលូកប្រដាប់ភេទ និងរំលោភកូនស្រីរបស់ខ្លួនឯង រហូតបានសម្រេចចំនួន១ដងដែលស្ថិតនៅផ្ទះចំការក្នុងក្រុមពូឡា ភូមិពូហ្សាម ឃុំសែនមនោរម្យ ស្រុកអូររាំង ខេត្តមណ្ឌលគិរី។
ជនរងគ្រោះទាំង០៣នាក់ ៖ ១-ឈ្មោះ ច.ទ ភេទស្រី អាយុ ២០ឆ្នាំ ត្រូវជាប្អូនថ្លៃ រស់នៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។ ២-ឈ្មោះ ទ.យ ភេទស្រី ត្រូវជាម្ដាយក្មេក រស់នៅភូមិពូហ្សាម ឃុំសែនមនោរម្យ ស្រុកអូររាំង ខេត្តមណ្ឌលគិរី និង៣-ឈ្មោះ ហ.សរ ភេទស្រី អាយុ៣ឆ្នាំ ត្រូវជាកូនបង្កើត រស់នៅភូមិពូហ្សាម ឃុំសែនមនោរម្យ ស្រុកអូររាំងខេត្តមណ្ឌលគិរី ។
បច្ចុប្បន្ន ជនសង្ស័យបានឃាត់ខ្លួននៅប៉ុស្ដិ៍នគរបាលសែនមនោរម្យ ដើម្បីជំនាញបន្ដនីតិវិធី តាមផ្លូវច្បាប់ ៕
