១.ខ្ទឹមសគឺជាប្រភេទឱសថធម្មជាតិម្យ៉ាង ដែលអាចប្រើបាន ក្នុងការព្យាបាលបាននូវជំងឺផ្សេងៗជាច្រើន នៅក្នុងរាងកាយមនុស្ស។ វាមានភាពល្បីល្បាញដោយសារតែ សម្តត្ថភាពរបស់វា ក្នុងការធ្វើអោយប្រព័ន្ធ រំលាយអាហារប្រសើរឡើង និង ជួយការពារនូវស្ថានភាពជំងឺផ្តាសាយ និង គ្រុនផ្តាសាយធំធម្មតាបាន។ មាននូវវិធីជាច្រើន ដែលយើងអាចប្រើខ្ទឹមស មកកាត់បន្ថយនូវអាការៈក្អកស្ងួតនេះបាន។ ពេលខ្លះអ្នកគ្រាន់តែយកវាមកទំពារ ក៏វាអាចជួយអ្នកបានច្រើនដែរ ហើយមានមនុស្សខ្លះទៀត ចូលចិត្តញាំវា ក្នុងលក្ខណៈកិនម៉ដ្ឋស្អិតៗ និង លាយជាមួយទឹកឃ្មុំ។ នៅពេលណាដែលអ្នក ហាក់មានអារម្មណ៍ថាចង់ក្អក នោះអ្នកអាចយកវាមួយស្លាបព្រាបាយមកញាំបាន។ វិធីនេះ នឹងអាចជួយកាត់បន្ថយការឈឺចាប់ និង ភាពញឹកញាប់នៃការក្អកបាន។
២. ជារៀងរាល់ព្រឹក បន្ទាប់ពីអ្នកដុសធ្មេញរួច នោះអ្នកអាចយកទឹកក្តៅឧណ្ណៗមួយកែវ មកលាយជាមួយនឹង អំបិល ១ ឬ ២ស្លាបព្រាកាហ្វេ និង កូរអោយវារលាយល្អ ។ រួចយកវាមកខ្ពុលមាត់ ក្នុងរយៈពេល ៥នាទី ឬ លើសពីនេះ។ វិធីនេះ ក៏អាចជួយក្នុងការកាត់បន្ថយបាននូវការឈឺចាប់ និង ធ្វើអោយបញ្ហាក្អកធូរស្រាលជាងមុនបានដែរ។ លើសពីនេះទៀត វាក៏អាចជួយបន្ថយដល់អាការៈឈឺបំពង់កបានផងដែរ។
៣. សម្រាប់អាការៈក្អកស្ងួតនាពេលយប់ មើមខ្ញីគឺអាចមានប្រសិទ្ធភាពបានយ៉ាងពិសេស។ ជារៀងរាល់ យប់មុនពេលអ្នកចូលគេង អ្នកអាចយកវាមួយជំនិតតូច មកដាក់នៅក្នុងមាត់ និង ទំពារវាយឺតៗ និង លេបនូវទឹករបស់វា។ អ្នកអាចនឹងមានអារម្មណ៍មិនសុខស្រួលនឹង រសជាតិនៃទឹករបស់វា ប៉ុន្តែបន្ទាប់ពីនោះ អ្នកនឹងអាចគេងបានលក់ស្រួល ដោយមិនសូវមានអាការៈក្អក ដូចពេលមុនទៀតឡើយ។ អ្នកក៏អាចប្រើវា ស្រដៀងនឹងខ្ទឹមសផងដែរ ដោយអ្នកអាចយកខ្ញីមកកិនអោយស្អិតៗ រួចលាយជាមួយទឹកឃ្មុំ និង ប្រើវាបាននៅពេលដែលបញ្ហានៃការក្អក របស់អ្នកហាក់នឹងរើឡើងវិញ។
៤. តែឱសថបុរាណ ( ជាពិសេសគឺតែបៃតង) ក៏អាចជួយព្យាបាលបាន នូវជំងឺនេះផងដែរ។ អ្នកអាច យកទឹកក្រូចឆ្មារពីរបីតំនក់ និង ទឹកឃ្មុំដាក់ចូលទៅក្នុងនោះជំនួសអោយស្ករ និង ផឹកវាពេលក្តៅឧណ្ណៗបាន៕
