មិនគួរ​ញុំា​មី​កញ្ចប់​ច្រើនពេក​នោះទេ​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 8 June, 2016 ក+ ក-

​សុខភាព​៖​មនុស្ស​ម្នាក់ៗ​ដែល​រវល់​នឹង​កិច្ចការ​របស់ខ្លួន និង​ពេលខ្លះ​លុយ​ទិញ​អាហារ​តែងតែ​ជ្រើស​រើសយក​មី​កញ្ចប់​មក​ឆុង​សំរាប់​បរិភោគ ។ មី​កញ្ចប់​ក៏​ជា​អាហារ​ដែល​ប្រជាជន​កម្ពុជា​ចូលចិត្ត​ផងដែរ​ព្រោះ​វា ងាយស្រួល​ក្នុងការ​ចំអិន ប៉ុន្តែ​តាមពិតទៅ បើ​ញ៉ាំ​វា​លើស​ពីមួយ​កញ្ចក់ ក្នុង​១​ថ្ងៃ អាច​ប៉ះពាល់​ដល់​សុខភាព ព្រោះ​មី​កញ្ចប់ ភាគច្រើន​ធ្វើ​ពី​ម្សៅ អង្ករ​សាលី ៦០-៧០% រីឯ​ខ្លាញ់ ១៥-២០% (​ផ្សំ​នៅក្នុង​គ្រឿង​) ចំណែក ៥-៦% ជា​អំបិល និង​ប៊ីចេង ។​
​ដូច្នេះ​រាងកាយ​ទទួល​បរិមាណ​សូ​ដ្យូ​ម លើសពី​តម្រូវការ រហូតដល់​ទៅ ៥០% ទៅ ១០០% ដែល​អាច​បង្ករ​គ្រោះថ្នាក់​ដល់​តម្រងនោម និង​ធ្វើអោយ​សម្ពាធ​ឈាម ឡើង​ខ្ពស់ (​លើសឈាម​) ទៀតផង ។​
​ដើម្បី​ដោះស្រាយ​នូវ​បញ្ហា​នេះ​អ្នកខ្លះ​បាន​ឆុង​វា​ជាមួយ​ពងមាន់ ឬ​ពង​ទា បន្លែ ឬ​សាច់​ផង ដើម្បី​បង្កើន​សារធាតុ​អាហារ និង​ការពារ​កុំអោយ​រាងកាយ ទទួលយក​សូ​ដ្យូ​ម ច្រើន​ហួសហេតុ​ពេក ។​ពេល​ទិញ​មី គួរ​ជ្រើស​យក​មីណា ដែល​សរសេរ​ផ្លាក នៅ​កញ្ចប់​ថា បន្ថែម​សារធាតុ​អ៊ីយ៉ូដ ជាតិ​ដែក និង​វីតាមីន A ។​គួរ​ចៀសវាង ទទួលទាន​មី​ឆៅ ព្រោះ​សរសៃ​វា​រីក​នៅក្នុង​ក្រពះ អាច​នាំអោយ​ឆ្អល់ពោះ ។​អ្វីដែល​សំខាន់បំផុត គឺ​មិនគួរ​ញ៉ាំ​មី លើសពី​១​កញ្ចប់ ក្នុង​១​ថ្ងៃ​ឡើយ ។​
​ការ​ញាំ​មី​កញ្ចប់​ច្រើនពេក​ក៏​អាច​បណ្តាលអោយ​យើង​ខ្សោះ​ជីជាតិ ជាពិសេស​អ្នកខ្លះ​ដែល​ចូលចិត្ត​ញាំ​មី​កញ្ចប់​ច្រើន​ក៏​កើតមុន​ផងដែរ​។​ដូចនេះ​យើង​ត្រូវ​ចេះ​ថែរក្សា​សុខភាព​របស់​យើង​ដោយ​បរិភោគ​អាហារ​ណា​សំបូរ​វីតាមីន ព្រោះ​សុខភាព​មានតម្លៃ​ណាស់​សំរាប់​ជីវិត​មនុស្ស ៕

hjhyj