ប្រេស៊ីលឡើងវគ្គ៨ក្រុមក្រោយលត់ដាណឺម៉ាក ៤-០
បាល់ទាត់៖ក្រុមម្ចាស់ផ្ទះ U-23 ប្រេស៊ីលបានឡើងបន្តទៅវគ្គ៨ក្រុមចុងក្រោយ ក្នុងព្រឹត្តិការណ៍អូឡាំពិក បន្ទាប់ពីលត់ក្រុម U-23 ដាណឺម៉ាក ៤-០ ក្នុងការប្រកួតលើកទី៣ក្នុងពូល A ។
៤គ្រាប់របស់ម្ចាស់ផ្ទះរកបានដោយខ្សែប្រយុទ្ធ Gabriel ដែលក្លឹប Leicester City កំពុងចាប់អារម្មណ៍ ២គ្រាប់ម្នាក់ឯងនាទី ២៦និង៨០, ខ្សែប្រយុទ្ធវ័យ២៣ឆ្នាំ Luan នាទី៥០ និងខ្សែប្រយុទ្ធ Gabriel Jesus ដែល Manchester City ទើបទិញបាន នៅនាទី៤០។
គួរបញ្ជាក់ថា ៨ក្រុមចុងក្រោយ វិញ្ញាសាបាល់ទាត់ផ្នែកបុរសនៅអូឡាំពិក Rio 2016 រកឃើញអស់ហើយគឺ ព័រទុយហ្គាល់ អាល្លឺម៉ង់ នីហ្សេរីយ៉ា ដាណឺម៉ាក កូរ៉េខាងត្បូង ហុងឌុយរ៉ាស់ ប្រេស៊ីល និងកូឡុំប៊ី៕
