ដោយ៖ប៉ែន សុផល
ខេត្តបាត់ដំបង៖រថយន្តប្រភេទយីឌុបឡើងជែងមិនគោរពច្បាប់ចរាចរណ៍ ជ្រុលទៅបុកអ្នកជិះម៉ូតូពេញទំហឹង ស្លាប់ម្នាក់នៅនិងកន្លែង។ សមត្ថកិច្ចមូលបានរាយការណ៍អោយដឹងថា គ្រោះថ្នាក់ខាងលើបង្កឡើងដោយរថយន្តធុនយ៉ីឌុបឡើងជែងទាំងមិនមានសុវត្ថិភាព ហើយបានជ្រុលទៅបុកអ្នកជិះម៉ូតូបើកបរក្នុងទិសដៅផ្ទុយគ្នាពីលិចទៅកើត បណ្តាលអោយស្លាប់ភាគីខាងម៉ូតូម្នាក់នៅចំនុចក្រុមទី២ ភូមិពុកឆ្មា ឃុំអន្លុង់វិល ស្រុកសង្កែ ខេត្តបាត់ដំបង នៅយប់ម៉ោង៧ និង០០នាទី ថ្ងៃទី០៧ ខែវិច្ឆកា ឆ្នាំ២០១៦។
ជនរងគ្រោះស្លាប់ជាម្ចាស់ម៉ូតូឈ្មោៈឈៀត ប៊ុននី ភេទប្រុស អាយុ២២ឆ្នាំ របរជាងផ្សារដែក រស់នៅភូមិកំពង់ព្រះ ឃុំកំពង់ព្រះ ស្រុកសង្កែ រីឯអ្នកបើកបររថយន្តក្រោយពេលកើតគេចខ្លួនបាត់បើកបររថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខតាកែវ ៣A-២៤៧២។
សាកសពជនរងគ្រោះក្រោយពេលកើតហេតុត្រូវសមត្ថកិច្ចប្រគល់អោយក្រុមគ្រួសារដោយឡែករថយន្តបង្ករត្រូវសមត្ថកិច្ចធ្វើកំណត់ហេតុរងចាំការចូលខ្លួនមកដោៈស្រាយតាមផ្លូវច្បាប់របស់ភាគី៕
