ឧទ្ធរណ៍សម្រេចផ្តន្ទាទោសលោក អ៊ុំ សំអាន ជាប់ពន្ធនាគារ២ឆ្នាំ ៦ខែ
ភ្នំពេញ៖ទីបំផុតចៅក្រមតុលាការសាលាឧទ្ធរណ៍ បានប្រកាសតម្កល់សេចក្តីសម្រេចរបស់តុលាការសាលាដំបូងរាជធានីភ្នំពេញក្នុងការផ្តន្ទាទោសដាក់ពន្ធនាគារលើលោក អ៊ុំ សំអាន អ្នកតំណាងរាស្ត្រគណបក្សសង្គ្រោះជាតិ ឲ្យជាប់ពន្ធនាគារ ២ឆ្នាំ ៦ខែដដែលពាក់ព័ន្ធនឹងការផ្សព្វផ្សាយផែនទី តាមហ្វេសប៊ុក។
ការសម្រេចរបស់ចៅក្រមតុលាការសាលាឧទ្ធរណ៍ដូច្នេះ បានធ្វើឡើង បន្ទាប់ពីសវនាការជំនុំជម្រះ ដោយគ្មានវត្តមានរបស់លោកអ៊ុំ សំអាន កាលពីព្រឹកថ្ងៃទី២៣ ខែធ្នូ ឆ្នាំ២០១៦។ ក៏ប៉ុន្តែមេធាវី ៤ រូបរបស់លោកតំណាងរាស្ត្រអ៊ុំ សំអាន បានចូលរួមសវនាការនោះ៕
