ខែមករា​ដើមឆ្នាំ​នេះ​កម្ពុជា​នាំ​អង្ករ​ចេញ​ប្រមាណ​៣៥.៩២១​តោន
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 6 February, 2015 ក+ ក-

ភ្នំពេញ​៖ ស្ថានភាព​នាំចេញ​អង្ករ​កម្ពុជា​ប្រចាំ​ខែមករា ដើមឆ្នាំ​២០១៥ ទៅកាន់​ទីផ្សារ អន្តរជាតិ​បាន​ប្រមាណ​៣៥.៩២១​តោន គឺ​បាន​កើន​លើស​ចំនួន​១៤.៣៨៥​តោន បើ​ប្រៀបធៀប​រយៈពេល​ដូចគ្នា​កាលពី​ឆ្នាំ​២០១៤​។​

​តាម​របាយការណ៍​រប​ស់​លេខាធិការដ្ឋាន​ច្រកចេញចូល​តែមួយ សម្រាប់​បំពេញបែបបទ​នាំចេញ​អង្ករ​បានឱ្យដឹងថា ក្នុងនោះ​មាន​ប្រភេទ​អង្ករ​ក្រអូប អង្ករ​ក្រអូប​នាង​ម្លិ​ស អង្ករ​ក្រអូប​សូ​មាលី អង្ករ​ក្រអូប​ផ្កា​ម្លិ​ស អង្ករ​ក្រអូប​សរីរាង្គ និង​អង្ករ​ក្រអូប​ភ្លឺ​បាន​ចំនួន ២១.៣០១​តោន ។​អង្ករ​ចម្រុះ​គ្រាប់​វែង និង​អង្ក​រស​ប្រណិត បាន​នាំ ចេញ​ចំនួន​១៣.៣១២​តោន និង​អង្ករ​ចំហុយ​គ្រាប់​វែង​ចំនួន​១.៣០៨ តោន​។​

​គួរ​ជម្រាប​ថា កម្ពុជា​បាន​នាំ​អង្ករ​ទៅកាន់​ទីផ្សារ​សមាជិក​ស​ហគ​មន៍ អ៊ឺរ៉ុប​មាន ចំនួន​១៦​ប្រទេស សមាជិក​អាស៊ាន​ចំនួន​២​ប្រទេស និង​បណ្តា​ប្រទេស ផ្សេងៗ​ទៀត​ចំនួន​៩​ប្រទេស ហើយ ក្រុមហ៊ុន​ដែល​នាំ​អង្ករ​ចេញទៅ​ទីផ្សារ​អន្តរជាតិ​មាន​ចំនួន​៤៧ ក្រុមហ៊ុន​។​ក្នុង​ឆ្នាំ​២០១៤ កម្ពុជា​បាន​នាំ​អង្ករ​ចេញទៅ​កាន់​ទីផ្សារ​អន្តរជាតិ បាន​ចំនួន​៣៨៧.០៦១​តោន​៕

mek25