វាយប្រហារ​អត្តឃាត​នៅ​អា​ហ្វ​ហ្គា​នី​ស្ថាន​ផ្តាច់ជីវិត​មនុស្ស​៨​នាក់​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 24 November, 2017 ក+ ក-

​អា​ហ្វ​ហ្គា​នី​ស្ថាន ៖ មន្ត្រី​មូលដ្ឋាន​បាន​និយាយថា ការវាយប្រហារ​អត្តឃាត​មួយ​បានសម្លាប់​មនុស្ស​ចំនួន​៨​នាក់ និង​ធ្វើ​ឲ្យ​មនុស្ស​ចំនួន​១៧​នាក់​ទៀត​រងរបួស​នៅ​ខេត្ត​ណាន​ហ្គា​ហា​នៅ​ភាគ​ខាងកើត​ប្រទេស​អា​ហ្វ​ហ្គា​នី​ស្ថាន​។​
​មន្ត្រី​នាំពាក្យ​អភិបាលខេត្ត​ណាន​ហ្គា​ហា​បាន​និយាយថា ជន​វាយប្រហារ​បាន​បំណង​បំផ្ទុះ​គ្រាប់បែក​ធ្វើអត្តឃាត​សំដៅ​ទៅរក​ស្នងការ​ប៉ូលិស​ម្នាក់​ដែល​បាន​បណ្ដេញ​ជន​វាយប្រហារ​ចេញពី​ការងារ​ក្នុងពេល​ថ្មីៗ​នេះ​។ ទោះយ៉ាងណា​ស្នងការ​ប៉ូលិស​រូបនេះ​អាច​គេច​ផុតពី​ការវាយប្រហារ​ដោយ​មិនបាន​រងគ្រោះ​អ្វី​ទេ​ប៉ុន្តែ​កូន​របស់លោក​ចំនួន​២​នាក់​ស្ថិតនៅ​ក្នុងចំណោម​អ្នកស្លាប់​ទាំង​៨​នាក់​នេះ​។​
​មន្ត្រី​នាំពាក្យ​អភិបាលខេត្ត​បាន​បញ្ជាក់ថា អ្នក​វាយប្រហារ​បាន​បំផ្ទុះ​គ្រាប់បែក​ធ្វើអត្តឃាត​នៅ​ជិត​លំនៅឋាន​របស់​ស្នងការ​ប៉ូលិស​រូបនេះ​ជាទី​ដែល​ក្រុម​អ្នកគាំទ្រ​បាន​ប្រមូល​ផ្ដុំគ្នា​អំពាវនាវ​សុំ​ឲ្យ​រដ្ឋាភិបាល​ផ្ដល់​តំណែង​ការងារ​ឲ្យ​ជន​ប្រហារ​នេះ​វិញ​៕