ព្រៃវែង ៖ ប្រជាពលរដ្ធលក់ដូរកំពិចកំប៉ុកតាមកញ្ជើ.កញ្ជ្រែង.ល្អី.កាធុនមានដូចជាពោតស្ងោ.ជ្រក់.ម៉ាំ.ត្រួយរាំង.ព្រលិត.ផ្ទី.ខ្វិត។ល។នៅលើចិញ្ចើមផ្លូវសាធារណៈជុំវិញផ្សារក្រុងព្រៃវែងស្ថិតក្នុងសង្កាត់កំពង់លាវ.ក្រុងព្រៃវែង.ខេត្តព្រៃវែងក៍ត្រូវបានប្រធានផ្សារមួយនេះបណ្តោយឲ្យកូនចៅបន្តដើរយកភាស៊ីផ្គើនទៅហ្នឹងអនុសាសន៍របស់សម្តេចតេជោហ៊ុន.សែននាយករដ្ធមន្ត្រីនៃព្រះរាជាណាចក្រកម្ពុជាយយ៉ាងធ្ងន់ធ្ងរ។ បើតាមប្រជាពលរដ្ធដែលអង្អុយលក់ទាំងចាស់ទាំងក្មេងបានរៀបរាប់ប្រាប់ភ្នាក់ងារព័ត៌មានថា ពួកគាត់ខ្លះរស់នៅតាមបណ្តាស្រុកជិតៗជាយក្រុងបន្ទាប់ទំនេរពីការងារបង្កបង្កើនដំណាំស្រូវក៍បាននាំគ្នាខិតខំដាំដំណាំពោតបន្លែធម្មជាតិនៅតាមក្បាលដីបន្តិចបន្តួចក្បែរផ្ទះគ្រាន់បានហូប។
ខណៈដែលហូបមិនអស់ក៍នាំគ្នាបេះដាក់កាធុន.កញ្ជើ.កញ្ជ្រែង.ល្អីដោយខ្លះជិះកង់យកមកដាក់អង្គុយនៅលើចិញ្ចើមផ្លូវចំណុចខាងលើនេះថ្ងៃណាលក់ដាច់បានប្រាក់២.៣ម៉ឺនរៀលគ្រាន់ផ្គត់ផ្គង់គ្រួសារនិងឲ្យកូនរៀនសូត្រ។តែបើថ្ងៃណាលក់មិនអស់បានត្រឹមតែ៥០០០៛ទៅ១០០០០រៀលប៉ុណ្ណោះ។ពលរដ្ឋបន្តទៀតថាការលក់ដូររបស់ពួកគាត់មិនជាអាជីពប្រចាំថ្ងៃនោះទេលក់ខានៗថ្ងៃណាបន្លែលាស់ល្អហូបមិនអស់៤.៥ថ្ងៃបេះយកមកលក់ម្តងទៅ។ហើយថ្ងៃណាបានតិចពេកដើរប្រមូលទិញពីអ្នកជិតខាងយកមកលក់ខ្លះទៅដើម្បីកុំឲ្យខាតជើង។
ពលរដ្ឋបញ្ជាក់បន្ថែមថា ពួកគាត់លក់នេះគឺបានបង់លុយទៅឲ្យខាងភាស៊ីក្នុងម្នាក់ខ្លះ៥០០៛ទៅ១០០០រៀលនិងបង់ឲ្យទៅម្ចាស់ផ្ទះដែលពួកគាត់អង្គុយលក់ចំតាមមុខផ្ទះគេក្នុងម្នាក់២០០០៛៣០០០រហូតដល់៥០០០រៀលទៀត។ក្រៅពីនោះមិនបានបង់ឲ្យស្ថាប័នណាទៀតទេ។ពលរដ្ធអង្គុយលក់មានការងឿងឆ្ងល់ថាពួកគាត់មិនមែនអង្គុយក្នុងផ្សារផង!លក់
នៅតាមចិញ្ចើមថ្នល់សោះហេតុអីបានជាអ្នកយកភាស៊ីមកយកលុយដែរ?!ណាមួយកន្លងពួកគាត់ឮសម្តេចតេជោហ៊ុន.សែននាយករដ្ធមន្ត្រីមានប្រសាសន៍ថាហាមមិនឲ្យប្រធានផ្សារឬអ្នកយកភាសុីដើរយកលុយពីប្រជាពលរដ្ធដែលខំដាំបន្លែបន្លុកបន្តិចបន្តួចយកមកដាក់អង្គុយលក់តាមកញ្ជើ.កញ្ជ្រែង.ល្អីនិងកាធុនទៀតទេចុះហេតុអីបានជាប្រធានផ្សារក្រុងព្រៃវែងនេះនៅតែបន្តយកយ៉ាងគឃ្លើនផ្គើនទៅនឹងអនុសាសន៍របស់សម្តេចដែលធ្វើឲ្យពួកគាត់ជួបការលំបាក់ថ្ងៃណាលក់មិនសូវដាច់គ្រាន់តែបង់ឲ្យភាស៊ីនិងថ្លៃតាមមុខផ្ទះគេអស់ល្មមមិនបានសល់ទេ។
ពាក់ពន្ធ័បញ្ហាខាងលើនេះលោកម៉ននី.បណ្ឌិតអភិបាលក្រុងព្រៃវែងបានឲ្យដឹងតាមទូរស័ព្ទថារូបលោកទើបមកឡើងកាន់តំណែងជាអភិបាលក្រុងថ្មីប្រហែល១០ថ្ងៃនេះទេ!ហើយក៍ពុំទាន់បានទទួលព៌តមាននេះដែរ!សូមអរគុណចំពោះភ្នាក់ងារទូរទស្សន៍អាសុីអាគ្នេយ៍ដែលបានជួយផ្តល់ព៌តមាន!តែមួយរយៈនេះលោកជាប់រវល់ប្រជុំរហូត!ចាំលោកចាត់ឲ្យមន្ត្រីរបស់លោកចុះទៅពិនិត្យមើល។បើមានរឿងបែបនេះមែនក្នុងនាមជាអភិបាលក្រុងក៍មិនព្រងើយកន្តើយដែរត្រូវតែមានចំណាត់ការព្រោះនេះជាអនុសាសន៍របស់សម្តេចតេជោហ៊ុន.សែនហាមដាច់ខាតមិនឲ្យប្រធានផ្សារឫអ្នកយកភាសុីយកលុយពីពលរដ្ធលក់ដូរតាមកញ្ជើ.កញ្ជ្រែង.ល្អី.កាធុននោះទេ។ ពាក់ពន្ធ័រឿងនេះដែរភ្នាក់ងារយើងមិនអាចទំនាក់ទំនងសូមការបំភ្លឺពីលោកឧកញ៉ាសា.លាងប្រធានផ្សារបានទេ៕
