ភ្នំពេញ ៖ ជនដៃដល់ ដែលបាញ់សម្លាប់ គូស្នេហ៍នៅខណ្ឌសែនសុខ ដោយសារតែគំនុំស្នេហាត្រីកោណ ត្រូវបានកម្លាំងនគរបាលតាមប្រមាញ់ ប្រគិត និងឈានទៅឆែកឆេរលំនៅ ឋាន ដកហូតរថយន្តម៉ាកRANGE ROVERពណ៌ស ពាកស្លាកលេខ ភ្នំពេញ ២R.៦៩៦៧មួយគ្រឿង ដែលជិះធ្វើសកម្មភាព។ ទោះបីជាយ៉ាងណា ជនដៃ បានគេចខ្លួន បាត់ ។
ការឆែកឆេរ ផ្ទះជនដៃដល់ជាឃាតករ នេះធ្វើឡើង កាលពីវេលាម៉ោង ប្រមាណ៩ព្រឹកថ្ងៃទី ២៨ខែ កុម្ភះ ឆ្នាំ ២០១៨ នៅចំណុចផ្ទះលេខ T ៥៣A បុរីហ្គេន ជ្រោយចង្វារ ក្នុងភូមិ ទី៣ សង្កាត់ជ្រោយចង្វារ ខណ្ឌជ្រោយចង្វារ ។
ជនដៃដល់ ដែលសមត្ថកិច្ចកំពុងតែតាមចាប់ខ្លួន ឈ្មោះ ប៊ុន តេង ហៅហ្គោអាយុ ៣២ឆ្នាំ ជាមន្ត្រីយោធា ភូមិភាគ៥ ថានន្តរស័ក្កថ្នាក់អនុសេនីយ៍ត្រី និងជាអ្នករកស៊ីនាំខោអាវពីប្រទសថៃ បោះដុំខោអាវនៅតាមផ្សារនានាក្នុងរាជធានីភ្នំពេញ មានលំនៅ ស្នាក់នៅផ្ទះខាងលើ និងមានស្រុកកំណើត នៅភូមិ ប្រឡាយ ធំ ឃុំព្រៃញី ស្រុកសំពៅមាស ខេត្ត ពោធិ៍ សាត់ និងមានប្រពន្ធ ឈ្មោះ ចាប វីលី អាយុ ៣១ ឆ្នាំ និងមានកូន ២នាក់។
គួររំលឹកថា ជនជនដៃ រូបនោះ បានជិះរថយន្តម៉ាកRANGE ROVERពណ៌ស ពាកស្លាកលេខ ភ្នំពេញ ២R.៦៩៦៧មួយគ្រឿងប្រដាប់ដោយអាវុធខ្លី បានធ្វើសកម្មភាពបាញ់ប្រហារ ចំនួន ៥គ្រាប់ដើម្បីផ្តាច់ជីវីតគូរស្នេហ៍ មួយគូរ
នៅមុខផ្ទះ បណ្តាលអោយរងរបួសធ្ងន់ធ្ងរទាំង២នាក់បញ្ជូនទៅសង្គ្រោះបន្ទ្រាន់នៅមន្ទីរពេទ្យ កាល់មែត ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២៦ ខែកុម្ភៈ ឆ្នាំ២០១៨ត្រង់ចំណុចមុខ បន្ទប់ជួល នៅតាមបណ្តោយផ្លូវ១៩៧៤ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។បន្ទាប់ពីបាញ់សម្លាប់ហើយ ជនដៃដល់បានគេចខ្លួនបាត់ ។
ជនរងគ្រោះ ដែលជាឃាតករតាមបាញ់សម្លាប់នោះ១.ឈ្មោះគង់ រ៉ាវិន ភេទប្រុសអាយុ ៣០ឆ្នាំ មុខរបរលក់ដូរ ស្នាក់នៅ ផ្ទះលេខ៣៣កា ផ្លូវលំ ភូមិ ទួលថ្ងាន់ សង្កាត់ទួលសង្កែទី២ ខណ្ឌឬស្សីកែវ បានរងរបួសចំនួន ៣គ្រាប់ , ២.ឈ្មោះ
សឺង វិន ហៅស្រីលក្ខណ៍ ភេទស្រី អាយុ២៥ឆ្នាំ មុខរបេរលក់ខោអាវ និងខ្លះអះអាងថា នាងបម្រើការ នៅហាង ខារ៉ាអូខេមួយ ស្នាក់នៅផ្ទះជួល កន្លែងកើតហេតុខាងលើ បានរងរបួស ចំនួន ២គ្រាប់ ។ឃាតកម្ម ប៉ុងផ្តាច់ជីវិត គូរស្មេហ៍ នេះខណះពេលដែលជនរងគ្រោះទាំង២នាក់ជិះរថយន្ត ម៉ាក តូយូតា តាកូម៉ា ពណ៌ទឹកប្រាក់ មួយគ្រឿង ពាក់ស្លាកលេខភ្នំពេញ 2Q-5081 ធ្វើដំណើរមកពីដើមលេង ពេលមកដល់មុខផ្ទះ ត្រូវជនដៃដល់ តាមបាញ់សម្លាប់តែម្តង ។
ភ្លាមៗ ត្រូវបានសមត្ថកិច្ចអោយដឹងថា ការតាមបាញ់ប្រហារនេះដោយសារតែគំនុំស្នេហាត្រីកោណ ព្រោះ កន្លងមក នារីរងគ្រោះ ធ្លាប់មានទំនាក់ទំនង់ស្នេហា ជាមួយ ជនដៃដល់ ។លុះក្រោយមក នារីរងគ្រោះ ក៍មានទំនាក់ទំនង់គ្នា ជាមួយប្រុស ផ្សេងទៀត ដែលជាជនរងគ្រោះ ជាហេតុធ្វើអោយជនដៃដល់ មានគំនុំ តាមបាញ់សម្លាប់ចំនួន ៥គ្រាប់តែសំណាង នាងនិងបុរសម្នាក់ដែលគេអះអាងថាជាប្រុសស្នេហ៍ បានរួចពីគ្រោះថ្នាក់ នេះ។
បន្ទាប់ពីមានឃាតកម្ម កម្លាំងនគរបាលព្រហ្មទណ្ឌកំរិតធ្ងន់នៃ ស្នងការនគរបាលរាជធានីភ្នំពេញ បានសហការជាមួយកម្លាំងនគរបាល ខណ្ឌសែនសុខ ធ្វើការស្រាវជ្រាវយ៉ាងសកម្មហើយឈានទៅកំណត់មុខសញ្ញាជនដៃ សង្ស័យនិងបានទៅសហការជាមួយនគរបាលខណ្ឌជ្រោយចង្វារ ធ្វើការឡោមព័ទ្ធលំនៅឋាន ជនដៃដល់ កាលពីក្បាលព្រលប់ ។លុះព្រឹកឡើងក៍ធ្វើការឆែកឆេរ ដើម្បីឃាត់ខ្លួន តែត្រូវជនដៃដល់គេចខ្លួនបាត់ នៅសល់តែរថយន្តដែលជិះធ្វើសកម្មភាព តែប៉ុណ្ណោះ ។
តាមស្ត្រីជាប្រពន្ធ បានអោយសមត្ថកិច្ចដឹងថា ជនដៃដល់បានគេចខ្លួនចេញពីផ្ទះ តាំងពីវេលា ព្រឹកព្រលឹម ដែលគេសង្ស័យថាទំនង់ជាដឹងខ្លួន មុខព្រោះ លំនៅបំពាក់សុទ្ធកាមេរ៉ា សុវត្តិភាព គេចតាមទៅតាមផ្លូវ ក្រោយ ។ទាក់ទិន រ៉ាវ បាញ់សម្លាប់គូស្នេហ៍ នោះ ស្ត្រីជាប្រពន្ធពុំបានដឹង នោះទេ ។បន្ទាប់ពីឆែកឆេរ និងកំណត់មុខ សញ្ញាជនដៃល់ សមត្ថកិច្ចក៍បានដកហូតរថយន្ត ដែលជិះធ្វើសកម្មភាព បញ្ជូន ទៅកាន់ អធិការដ្ឋាន ខណ្ឌសែនសុខ ដើម្បីកសាងសំនុំរឿង បញ្ជូនទៅកាន់សាលាដំបូងរាជធានីភ្នំពេញ ចេញដិការចាប់ខ្លួន៕
