លោក ​ត្រាំ មាន​ឆន្ទៈ​ក្នុងការ​ចាក​ចេញពី​ជំនួប​កំពូល​ជាមួយ​កូរ៉េខាងជើង
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 22 May, 2018 ក+ ក-

​អនុ​ប្រធានាធិបតី​អាមេរិក លោក ម៉ៃ ផេ​ន Mike Pence បាន​និយាយថា ប្រធានាធិបតី​អាមេរិក លោក ដូ​ណា​ល់ ត្រាំ មានបំណង​ចាកចេញ​ពី​ជំនួប​កំពូល ដែល​មិន​ធ្លាប់មាន​ពីមុនមក ជាមួយ​មេដឹកនាំ​កូរ៉េខាងជើង លោក​គីម ជុង​អ៊ុន ដែល​គ្រោង​នឹងធ្វើ​ឡើង នៅ​ខែ​ក្រោយនេះ បន្ទាប់ពី​កូរ៉េខាងជើង​បាន គំរាម កិច្ចប្រជុំ​នេះ កាលពី​សប្តាហ៍​មុន​។​

​លោក Mike Pence បាន​ប្រាប់​សារព័ត៌មាន ហ្វ​ក ញ៉ូ​វ​ស៍ ថា ប្រទេស​កូរ៉េខាងជើង មិនគួរ​ព្យាយាម​ស្វែងរក​ការសម្របសម្រួល ពី​សហរដ្ឋអាមេរិក សម្រាប់​ការសន្យា​ដែល​ខ្លួន​មិនមាន​បំណង​ចង់​រក្សា នោះទេ​។​

​លោក Mike Pence បាន​និយាយថា វា​នឹង​ជា​កំហុស​ដ៏​ធំ​មួយ សម្រាប់​លោក​គីម ជុង​អ៊ុន ដែល​គិតថា​លោក អាច​លេងសើច​ជាមួយនឹង​លោក ដូ​ណា​ល់ ត្រាំ ។​

​នៅពេល​សួរថា​តើ លោក ត្រាំ នៅតែ​អាច​ដើរ​ចេញពី​ជំនួប​កំពូល ដែល​គ្រោង​ធ្វើ​នៅ​ថ្ងៃទី 12 ខែមិថុនា នៅ​ប្រទេស​សឹង្ហ​បុរី​បានដែរ​ឬ យ៉ាងណា លោក Mike Pence បាន​ឆ្លើ​ប​តប​នឹង​សំនួរ​នេះ​ថា លោក​សុំ​មិន​បញ្ចេញយោបល់​៕