ខេត្តក្រចេះ ៖ អ្នកភូមិក្មេងចាស់ប្រុសស្រី ប្រមាណជិត១០0នាក់ រស់នៅភូមិត្រពាំងទ្រាំង ឃុំចង្ក្រង ស្រុកចិត្របុរី ខេត្តក្រចេះ ដែលមានអាការពុល ដោយសង្ស័យពុលនំបុ័ង ពេលនេះបាន ត្រឡប់ទៅលំនៅឋានវិញ ជិតអស់ហើយ បន្ទាប់ពីមានការសង្គ្រោះព្យាបាលពីក្រុមគ្រូពេទ្យ។ នេះ បើ តាមការបញ្ជាក់ ណពីលោកប្រធានមន្ទីរសុខាភិបាលខេត្តក្រចេះ។
បញ្ជាក់ឱ្យដឹងនៅថ្ងៃទី២៦ ខែឧសភា លោក ឈ្នាង សុវុត្ថា ប្រធានមន្ទីរសុខាភិបាល ខេត្ត ក្រចេះ បាននិយាយថា ករណីពុលសារជាថ្មីទៅលើអ្នកភូមិចំនួន៧៥នាក់ ក្នុងនោះស្រី៣៩នាក់ រស់ នៅក្នុងឃុំចង្ក្រង ស្រុកចិត្របុរីនេះ គឺក្រុមគ្រូពេទ្យមិនទាន់អាចសន្និដ្ឋានថា ករណីពុលនេះផ្តើម ចេញពីនំបុ័ងឬយ៉ាងណានោះទេ ចាំមើលរងចាំការពិសោធន៍សិន។
តែលោកថា ករណីពុលនេះបន្ទាប់ពីអ្នកភូមិជាច្រើននាក់បានទៅចូលរួមប្រជុំផ្សព្វផ្សាយ ពិគ្រោះយោបល់ ជាមួយតំណាងក្រុមហ៊ុនផលិតដំឡូងមីមួយនៅក្នុងខេត្តក្រចេះ កាលពីរសៀល ថ្ងៃទី២៥ ខែឧសភា និងបានបរិភោគនំបុ័ង ដែលក្រុមហ៊ុនរៀបចំសំរាប់ចែកជូនអ្នកភូមិ។
ទោះយ៉ាងណាករណីពុលសារជាថ្មីទៅលើពលរដ្ឋ ប្រុសស្រី ក្មេងចាស់ទាំង៧៥នាក់នេះ គឺ អ្នកភូមិទាំងនោះពុំមានអាការៈធ្ងន់ធ្ងរនោះទេ ដោយអាការៈអ្នកជំងឺ ក្អួតចង្អោរ ចុកពោះ និងអស់ កម្លាំង ។
ស្ត្រីវ័យចំណាស់ម្នាក់ ដែលកំពុងសម្រាកព្យាបាលនៅមន្ទីរពេទ្យបង្អែកខេត្តក្រចេះ ឈ្មោះ តន សារឹម អាយុ៥៩ឆ្នាំ បានរៀបរាប់ថា រូបគាត់និងកូនស្រីគាត់ម្នាក់ទៀត គឺមានអការៈក្អួតចង្អោរ វិលមុខ ចុកពោះ ដូចគ្នា បន្ទាប់ពីបរិភោគនំបុ័ងរួច។ ស្ត្រីរូបនេះថា នំបុ័ងដែលគាត់បរិភោគ គឺបាន មកពីក្រុមហ៊ុមមួយ ដែលចែកជូនអ្នកភូមិគ្រប់គ្នា ដែលបានទៅចូលរួមប្រជុំពិគ្រោះយោបល់ ស្តី ពីដំឡូងមី។ ក្រោយពីបរិភោគនំបុ័យនោះរួច មិនទាន់បានប៉ុន្មានម៉ោងផង ស្រាប់រូបគាត់និងកូន គាត់មានអការៈមិនស្រួលខ្លួន ហើយក្អួតស្ទើរដាច់ខ្យល់។
ស្ត្រីរូបនោះបញ្ជាក់ថា មិនថាតែរូបគាត់និងកូនគាត់នោះទេដែលមានអការៈមិនស្រួល គឺនៅ មាន អ្នកភូមិជាច្រើននាក់ទៀត ដែលមា
នអការៈដូចរូបគាត់ ឱ្យតែអ្នកភូមិទាំងនោះបរិភោគនំបុ័ង ដែលតំណាងក្រុមហ៊ុននោះចែកឱ្យ។
សូមបញ្ជាក់ថា ករណីពុលលើអ្នកភូមិនៅក្នុងខេត្តក្រចេះ គឺបានកើតឡើងជាបន្តបន្ទាប់ កាលពី ដើមខែឧសភា កន្លងទៅនេះ ពលរដ្ឋក្នុងភូមិស្រែនន ឃុំកន្តួត ស្រុកចិត្តបុរី បានរងអាការៈពុល ដោយ រោគសញ្ញាអ្នកភូមិ ឈឺពោះ ក្អួតចង្អោរ ឈឺ ក ថប់ដង្ហើម ទន់ដៃជើង រហូតបណ្តាលឱ្យអ្នក ភូមិ១៣នាក់ស្លាប់ និងជាង២០០រយនាក់ទៀតធ្លាក់ខ្លួនឈឺ។ និងមួយករណីទៀត គឺពលរដ្ឋប្រុស ស្រីរស់នៅ ឃុំកំពង់ដំរី ស្រុកឆ្លូង ប្រមាណជាង៤០នាក់ បានរងអការៈពុល បន្ទាប់ពីអ្នកភូមិទាំង នោះ បានបរិភោគ នំអន្សមអាំង ដែលដាក់លក់ក្នុងភូមិ និងត្រូវបានសង្គ្រោះពិក្រុមគ្រូពេទ្យ។
ដោយករណីពុលសារជាថ្មីនេះ គឺបានកើតឡើងនៅថ្ងៃទី២៥ឧសភា ទៅលើអ្នកភូមិត្រពាំង ទ្រាំង ឃុំចង្ក្រង ស្រុកចិត្របុរី បណ្តាលឱ្យអ្នកភូមិ៧៥នាក់ រងអាការៈពុល បន្ទាប់ពីអ្នកភូមិ បាន បរិ ភោគ នំបុ័ងរួច ចំណែកអាជ្ញាធរមិនទាន់សន្និដ្ឋានជាក់លាក់ពីបញ្ហានេះទេ គឺកំពុងស្រាវជ្រាវរកមូល ហេតុ ៕
