សម្តេច ហ៊ុន សែន ៖ អត់ EBA កម្ពុជាមិនស្លាប់ទេ ហើយក៏មិនក្លាយជាអ្នកមានដោយសារ EBA ដែរ
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 14 February, 2019 ក+ ក-

ភ្នំពេញ ៖ នាយករដ្ឋមន្ត្រីកម្ពុជាសម្តេចតេជោ ហ៊ុន សែន បានបញ្ជាក់ជំហរយ៉ាងម៉ឺងម៉ាត់ថា ទោះបីមាន ឬគ្មានប្រព័ន្ធអនុគ្រោះពន្ធ EBA ក៏មិនអាចធ្វើឲ្យកម្ពុជាស្លាប់ ឬក្លាយទៅជាអ្នកមានបានដែរ។ សម្តេចតេជោ ក៏បានថ្លែងចំអកថា កម្ពុជាមិនអនុញ្ញាតឲ្យប្រទេសណា ប្រើប្រាស់ភាពអនុគ្រោះពន្ធ ដើម្បីមកបង្វិលកម្ពុជាតាមចិត្តចង់នោះឡើយ។

នាយករដ្ឋមន្ត្រីកម្ពុជាការបញ្ជាក់បែបនេះ នៅក្នុងពិធីបិទសន្និបាតបូកសរុបលទ្ធផលការងារឆ្នាំ២០១៨ និងទិសដៅបន្តឆ្នាំ២០១៩ របស់ក្រសួងមហាផ្ទៃ នៅព្រឹកថ្ងៃទី១៤ ខែកុម្ភៈ។

សម្តេចតេជោ បញ្ជាក់ដែរថា កម្ពុជាមិនអាចយកអធិបតេយ្យភាពរបស់ជាតិទៅដូរជាមួយនឹង ជំនួយជាមួយប្រទេសណាទាំងអស់ ដូច្នេះ កម្ពុជាត្រូវខិតខំធ្វើកំណែទម្រង់ សេដ្ឋកិច្ចរបស់កម្ពុជា ឲ្យកាន់តែរឹងមាំ។ សម្តេចតេជោ បានអះអាងថា ការដំណើរការនីតិវិធីព្យួរប្រព័ន្ធអនុគ្រោះពន្ធ នេះ មិនមែនជាការបិទទីផ្សារទំនិញ កម្ពុជាចូលទៅកាន់អឺរ៉ុប នោះទេ ការនាំទំនិញចូលទីផ្សារអឺរ៉ុប នៅតែដំណើរការដដែល គ្រាន់តែត្រូវបង់ពន្ធប៉ុណ្ណោះ។ ការបញ្ជាក់ជំហររបស់កម្ពុជារបស់ប្រមុខរាជរដ្ឋាភិបាលនាពេលនេះ គឺនៅគ្រាដែលសហភាពអឺរ៉ុបបានផ្តើមជាផ្លូវការហើយនូវដំណើរការនីតិវិធី ដែលអាចព្យួរប្រព័ន្ធអនុគ្រោះពន្ធ (EBA) ពីកម្ពុជា។

សម្តេចតេជោ នាយករដ្ឋមន្ត្រីបានថ្លែងថា កម្ពុជានឹងនៅតែធ្វើជាម្ចាស់ផ្ទះនៃ កិច្ចប្រជុំអាស៊ីអឺរ៉ុប ដដែល ដែលប្រមុខរដ្ឋរដ្ឋាភិបាលនៃប្រទេសអឺរ៉ុប នឹងត្រូវធ្វើដំណើរមកកាន់កម្ពុជានៅឆ្នាំ២០២០ ដោយគ្មានការប្រែប្រួលនោះឡើយ។

គួរបញ្ជាក់ថា នីតិវិធីដែលអាចឈានទៅដកប្រព័ន្ធអនុគ្រោះពន្ធនាំចូលអឺរ៉ុប (អ្វីៗទាំងអស់លើកលែងតែអាវុធ) EBA ជាបណ្តោះអាសន្ន ត្រូវចែកចេញជា ៣ ដោយដំណាក់កាលទីមួយ មានរយៈពេល៦ខែ គឺជាពេលវេលាសម្រាប់តាមដាន ប្រមូលព័ត៌មាន និងចរចាជាមួយភាគីរដ្ឋាភិបាលកម្ពុជា។ ដំណាក់កាលទីពីរ មានរយៈ៦ខែ ដោយចែកចេញជាពីរផ្នែក គឺ៣ខែ សម្រាប់សរសេររបាយការណ៍ និង ៣ខែទៀត សម្រាប់ស្តាប់ចម្លើយតបពីភាគីកម្ពុជា និងឈានទៅសម្រេចថាតើសហភាពអឺរ៉ុប ត្រូវព្យួរឬមិនព្យួរ EBA។ ដំណាក់កាលចុងក្រោយ ប្រសិនបើសហភាពអឺរ៉ុបសម្រេចព្យួរEAB គេត្រូវទុកពេល ៦ខែទៀត ទើបសេចក្តីសម្រេចនេះចូលជាធរមាន។

សហភាពអឺរ៉ុប គឺជាដៃគូពាណិជ្ជកម្មដ៏ធំបំផុតមួយរបស់កម្ពុជា ពោលគឺមានទំហំប្រមាណ៤៥ភាគរយ នៃផលិតផលនាំចេញរបស់កម្ពុជា កាលពីឆ្នាំ២០១៨កន្លងទៅ។ ផលិតផលសំលៀកបំពាក់ និងស្បែកជើង គឺមានចំណែកទីផ្សារធំបំផុតនៃផលិតផលនាំចេញទៅកាន់ទីផ្សារអឺរ៉ុប ដែលមានតម្លៃប្រហែល ៥ពាន់លានអឺរ៉ូ។ កន្លងទៅកម្ពុជា បានចំណេញថវិកាប្រមាណជាង៦០០ ទៅ៧០០លានដុល្លារ ពីការនាំចេញដោយមិនគិតពន្ធ និងកូតាពីសហភាពអឺរ៉ុប៕

អត្ថបទ​ផ្សេងៗ​ទៀត
  • រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
  • សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់
  • សង្រ្កាន្តឆ្នាំថ្មីរយៈពេល៤ថ្ងៃ នៅខេត្តបន្ទាយមានជ័យប្រព្រឹត្តទៅល្អប្រសើរ
  • សម្តេចធិបតី នឹងចូលរួមថ្លែងសុន្ទរកថាក្នុងសន្និបាតរបស់គណៈកម្មការសេដ្ឋកិច្ចនិងសង្គមកិច្ចអាស៊ី-ប៉ាស៊ីហ្វិក
  • ពលរដ្ឋនៅកំពង់ត្រាចចោទថាក្រុមហ៊ុនបូមទឹកកខ្វក់ឲ្យពួកគាត់ប្រើប្រាស់
  • រយៈពេល៤ថ្ងៃមនុស្សស្លាប់៣៧នាក់ដោយសារគ្រោះថ្នាក់ចរាចរណ៍នៅទូទាំងប្រទេស
  • លោក មុំ អស្សនី និងភរិយា ថ្លែងអំណរគុណសម្តេចតេជោ ហ៊ុន សែន ដែលបានអភ័យទោសដល់ក្រុមគ្រួសាររបស់ខ្លួន
  • សារសម្លេងសម្តេចតេជោ ហ៊ុន សែន ផ្ញើជូនលោក មុំ អស្សនី ដែលជេរនិងប្រមាថ
  • លោក មុំ អស្សនី សូមការអភ័យទោសពីសម្តេចតេជោ ហ៊ុន សែន
  • សម្តេចតេជោ ហ៊ុន សែន ប្រកាសស្វាគមន៍ខ្មែរនៅអូស្ត្រាលី ដែលធ្លាប់ជេរសម្តេច និងបញ្ជាក់ពីគុណប្រយោជន៍មហាសាលព្រែកជីកហ្វូណន-តេជោ
  • រាជរដ្ឋាភិបាលផ្ដល់អំពូលសូឡា១ពាន់ដើម ដល់ឃុំកោះសូទិនដើម្បីបំភ្លឺតាមដងផ្លូវ
  • គណៈអភិបាលរាជធានីភ្នំពេញអញ្ជើញជូនដំណើរ កម្មករ កម្មការិនី និងប្រជាពលរដ្ឋឡើងរថយន្តក្រុងទៅស្រុកកំណើត
  • កម្ពុជា សម្រេចបានទំហំពាណិជ្ជកម្មនាំចេញ-ចូល ជាង ១២ពាន់លានដុល្លារ នៅត្រីមាសទី១
  • សាកលវិទ្យាល័យជាតិសាំងហ្គាពួរ ប្តេជ្ញាចិត្តបន្តកិច្ចសហប្រតិបត្តិការជាមួយក្រសួងសុខាភិបាល លើកិច្ចការជាអាទិភាពនានា
  • ភ្ញៀវជាតិនិងអន្តរជាតិមកលេងឆ្នេរសមុទ្របាក់ខ្លងយ៉ាងច្រើនកុះករ
  • សម្តេចធិបតី ហ៊ុន ម៉ាណែត បញ្ជាក់ជាថ្មីថា ព្រែកជីកហ្វូណន-តេជោ គឺដើម្បីសេដ្ឋកិច្ច មិនបម្រើផ្នែកយោធាបរទេសឡើយ
  • ក្រុមគ្រូពេទ្យស្ម័គ្រចិត្ត ស សុខា បន្តចុះពិនិត្យនិងព្យាបាលជំងឺជូនប្រជាពលរដ្ឋ ដោយឥតគិតថ្លៃ ក្នុងស្រុកបាណន់ ខេត្តបាត់ដំបង
  • ធនាគារពិភពលោកគូសបញ្ជាក់ថា សេដ្ឋកិច្ចកម្ពុជានឹងកើនឡើងក្នុងឆ្នាំ២០២៤ដោយវិស័យកម្មន្តសាលនិងទេសចរណ៍
  • ក្រុម សិស្ស-និស្សិត អាហារូបករណ៍របស់ សម្តេចតេជោ ហ៊ុន សែន កោះកុង ជួបជុំលេងល្បែងប្រជាប្រិយ ពហុទម្រង់ 
  • អាជ្ញាធរខេត្តមណ្ឌលគិរីកំពុងរៀបចំសង្ក្រាន្តសែនមនោរម្យទទួលភ្ញៀវទេសចរ