លោក ផៃ ស៊ីផាន ៖ រាជរដ្ឋាភិបាលគ្មានគម្រោងបិទច្រកព្រំដែនអន្តរជាតិកម្ពុជា-ថៃនោះទេ
ភ្នំពេញ ៖ អ្នកនាំពាក្យរាជរដ្ឋាភិបាល លោក ផៃ ស៊ីផាន បានប្រកាសច្រានចោលនូវព័ត៌មានប្រឌិតដែលបង្កើតឡើងដោយក្រុមប្រឆាំងថា រាជរដ្ឋាភិបាលមានគម្រោងបិទ ច្រកព្រំដែនអន្តរជាតិកម្ពុជា-ថៃ។ លោកថា នោះជាព័ត៌មានប្រឌិត (Fake News) និងវិទ្ធង្សនាដែលជា សង្គ្រាមចិត្តសាស្ត្ររបស់ក្រុមក្បត់ជាតិប្រឌិតឡើងប៉ុណ្ណោះ។
លោក ផៃ ស៊ីផាន បានសរសេរបង្ហោះលើប្រព័ន្ធ Facebook របស់លោកថា « យើងខ្ញុំសូមបញ្ជាក់ជម្រាបជូនដល់សធារណជនមេត្តាកុំចូលរួមដាច់ខាតជាមួយសកម្មភាពក្បត់ជាតិនេះ។ រាល់វិធានការនិងតម្លៃណាមួយក៏ដោយកាតព្វកិច្ចបង្ក្រាប និងកម្ទេចគឺជាហេតុផលនៃកិច្ចការពារជាតិ សាសនា ព្រះមហាក្សត្រ និងសណ្តាប់ធ្នាប់សាធារណៈ៕
