ប្រធានាធិបតី​ស៊ី​រី​គាំទ្រ​ការចុះ​អនុស្សរណៈ​រុស្ស៊ី​-​តួ​ក​គី​ស្តីពី​ស្ថានភាព​នៅ​ស៊ី​រី​
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 23 October, 2019 ក+ ក-

ស៊ី​រីវិមាន​ក្រឹម​ឡាំង​បាន​និយាយ​កាលពី​ថ្ងៃ​អង្គា​រថា ប្រធានាធិបតី​ស៊ី​រី​លោក Bashar al-Assad បាន​គាំទ្រ​ការចុះ​អនុស្សរណៈ​មួយ​ដែល​បានធ្វើ​ឡើង​ដោយ​ប្រធានាធិបតី​រុស្ស៊ី លោក Vladimir Putin និង​ប្រធានាធិបតី​តួ​ក​គី​លោក Recep Tayyip Erdogan បន្ទាប់ពី​កិច្ចពិភាក្សា​របស់​ពួកគេ​។​

​ក្រឹម​ឡាំងបានិយាយថា ​លោក Putin បាន​ជូនដំណឹង​ដល់​លោក Assad តាម​ទូរស័ព្ទ​អំ​ពីបទ​ប្បញ្ញត្តិ​នៃ​អនុស្សរណៈ​រុស្ស៊ី​-​តួ​ក​គី​ស្តីពី​សកម្មភាព​នៅក្នុង​ប្រទេស​ស៊ី​រី​បន្ទាប់​ពី​កិច្ចពិភាក្សា​ជាមួយ​លោក Erdogan ។​  លោក​បាន​និយាយថា​ភារកិច្ច​ចម្បង​គឺ​ដើម្បី​ស្តារឡើងវិញ​នូវ​បូរណភាព​ទឹកដី​នៃ​ប្រទេស​ស៊ី​រី​និង​ដើម្បី​បន្ត​កិច្ចខិតខំ​ប្រឹងប្រែង​រួមគ្នា​សម្រាប់​ការដោះស្រាយ​ស្ថានភាព​នយោបាយ​រួមទាំង​ការងារ​នៅក្នុង​ក្របខ័ណ្ឌ​នៃ​គណៈកម្មាធិការ​ធម្មនុញ្ញ​។​

​ជាការ​ឆ្លើយតប​លោក Assad បាន​អរគុណ​លោក Putin និង​បានបង្ហាញ ការគាំទ្រ​ពេញទំហឹង​ចំពោះ​លទ្ធផល​នេះ​។ លោក​បាន​បន្តថា​ ឆ្មាំ​ព្រំដែន​ស៊ី​រី​បាន​ត្រៀម​នឹង​ចូលទៅ​ក្បែរ​ព្រំប្រទល់​តួ​ក​គី​-​ស៊ី​រី ជាប់​ទីតាំង​ធ្វើ​ប្រតិបត្តិការ​យោធា​របស់​តួ​ក​គី ដើម្បី​ជួយ​សម្របសម្រួល​ដល់​ការដកខ្លួន​ចេញ របស់​កងកម្លាំង​ឃើ​ដ និង​សព្វាវុធ​របស់​ពួកគេ ដែល​អាច​ត្រូវ​ចំណាយពេល​ជិត​មួយ​សប្តាហ៍​។ បន្ទាប់ពី​មកទៀត​ការ​ល្បាត​រួមគ្នា​រវាង​រុស្ស៊ី និង​តួ​ក​គី នឹង​ចាប់​ផ្តើមឡើង​នៅ​ភាគ​ខាងលិច និង​ភាគ​ខាងកើត​នៃ​តំបន់​ប្រតិបត្តិការ​យោធា​របស់​តួ​ក​គី​។​

​គួរ​ជម្រាប​ថា កាលពី​ថ្ងៃទី​០៩ ខែតុលា តួ​ក​គី​បាន​បើក​ប្រតិបត្តិការ​យោធា​នៅ​ភាគ​ខាងជើង​ស៊ី​រី ជាប់​ព្រំដែន​ភាគខាងត្បូង​តួ​ក​គី ក្រោម​គោលដៅ​វាយកម្ទេច​កងកម្លាំង​ឃើ​ដ ដែល​ទីក្រុង​អង់កា​រ៉ា​ចាត់ទុកថា ក្រុម​ភេរ​វករ​៕