ចិន ៖ រដ្ឋាភិបាលក្រុងប៉េកាំងបាននិយាយកាលពីថ្ងៃអាទិត្យថា ខ្លួនបានត្រៀមរួចរាល់ដើម្បីធ្វើការជាមួយបណ្ដាប្រទេសអាស៊ីអាគ្នេយ៍ ស្ដីពីក្រមប្រតិបត្តិនៅសមុទ្រចិនខាងត្បូងជាចំណុចដ៏ចម្រូងចម្រាស ដែលត្រូវបានចោទប្រកាន់ពីបទបង្កើនកម្លាំងយោធា និងសម្លុតគំរាមបណ្ដាប្រទេសអះអាងសិទ្ធិដែនទឹកនេះ។
ប្រទេសចិនបានអះអាងពីចំណែកភាគច្រើន នៃផ្លូវទឹកដែលសំបូរទៅដោយធនធាន ជាផ្លូវដឹកជញ្ជូនសកលដ៏ធំមួយ ដែលជាប្រភពនៃភាពតានតឹងនៅក្នុងតំបន់។ អស់រយៈពេលជាច្រើនឆ្នាំមកហើយ សមាគមប្រជាជាតិអាស៊ីអាគ្នេយ៍ ឬហៅកាត់ថា (អាស៊ាន) ដែលមានសមាជិក ១០ប្រទេសបានជាប់គាំងនៅក្នុងកិច្ចចរចា សម្រាប់ក្រមប្រតិបត្តិនៅក្នុងដែនសមុទ្រនេះ ដែលប្រទេសចិនត្រូវបានចោទប្រកាន់ថា បានដាក់ពង្រាយនាវាចម្បាំងបំពាក់អាវុធតាមប៉ុស្តិ៍ជួរមុខ និងបើកបំបុកនាវានេសាទជាច្រើនគ្រឿង។
កាលពីថ្ងៃអាទិត្យលោកនាយករដ្ឋមន្ត្រីចិន Li Keqiang បាននិយាយថា ការអានឯកសារដំបូងដែលជាឱកាស សម្រាប់សមាជិកទាំងអស់ក្នុងការបញ្ចេញយោបល់ លើសេចក្ដីព្រាងលក្ខខណ្ឌនានា គឺជាប្រវត្តិសាស្ត្រដ៏សំខាន់មួយ៕
