វិស័យឯកជនចាប់ផ្ដើមរៃអង្គាសដើម្បីជួយមន្ទីរពេទ្យគន្ធបុប្ផា
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 18 November, 2019 ក+ ក-

ភ្នំពេញ ៖ តបតាមការអំពាវនាវរបស់រាជរដ្ឋាភិបាលកម្ពុជា ក៏ដូចជាកាកបាទក្រហមកម្ពុជាផងនេះ ក្រុមហ៊ុនធ្វើអាជីវកម្មនៅក្នុងប្រទេសកម្ពុជា បានរៃអង្គាសថវិកា និងរៀបចំនូវកម្មវិធីសប្បុរសធម៌នានា ដើម្បីប្រមូលថវិកាជួយទ្រទ្រង់ដំណើរការមន្ទីរពេទ្យគន្ធបុប្ផា សម្រាប់អោយមន្ទីរពេទ្យនេះ បន្តសកម្មភាពរបស់ខ្លួន ក្នុងការជួយសង្គ្រោះកុមារកម្ពុជាបន្តទៀត ។

កាលពីរាត្រីថ្ងៃទី ១៦ វិច្ឆិកា កន្លងទៅនេះ ក្រុមហ៊ុន វិនិយោគអចលនទ្រព្យដ៏ធំមួយ នៅតាមបណ្ដោយមហាវិថី សម្ដេចហ៊ុនសែន ឬហៅថាផ្លូវ៦០ម៉ែត្រ បានរៀបចំការប្រគំតន្ដ្រីសប្បុរសធម៌មួយឈ្មោះថា R&F High Fun ដោយបានការអញ្ចើញតារាចម្រៀងល្បីៗ ក្នុងព្រះរាជាណាចក្រកម្ពុជាចូលរួមផងដែរដូចជា លោកឆន សុវណ្ណារាជ លោក បូរ៉ា ដារ៉ាណា កញ្ញាឈិន រតនៈ ជាដើម ។

លោក Xu Wenshui ហ្ស៊ូ វិនឆូវ អគ្គនាយកគ្រប់គ្រងនៃក្រុមហ៊ុន អ&អេហ្វ កម្ពុជា បានអោយដឹងថា ក្នុងនាមជាក្រុមហ៊ុនអចលនទ្រព្យចិនឈានមុខមួយនៅកម្ពុជា ហើយក៏ជាអ្នកស្ថាបនា និងប្រតិបតិ្តការទីក្រុងដ៏ប្រពៃនេះ យើងមិនភ្លេចពីបេសកកម្មរបស់ខ្លួនចំពោះទំនួលខុសត្រូវក្នុងសង្គម និងការអភិវឌ្ឍអនាគតកាលឡើយ ។ ដូច្នេះហើយទើប ក្រុមហ៊ុន អ&អេហ្វ កម្ពុជា រួមគ្នាជាមួយនឹង មូលនិធិគន្ធបុប្ផាកម្ពុជា បង្កើតកម្មវិធីសប្បុរសធម៌តាមបែបយុវវ័យ ក្នុងឱកាសពិធីបុណ្យអុំទូក ដើម្បីទ្រទ្រង់ដល់វិស័យសុខាភិបាលកុមារកម្ពុជា ព្រមទាំងអំពាវនាវ និងសង្ឃឹមថានឹងអាចមានអ្នកចូលរួមក្នុងការងារសប្បុរសធម៌កាន់តែច្រើនឡើងៗផងដែរ ។

លោកបន្តថា សកម្មភាពរបស់ក្រុមហ៊ុន អ & អេហ្វកម្ពុជា នៅពេលនេះ គឺដើម្បីគាំទ្រដល់មន្ទីរពេទ្យគន្ធបុប្ផា ក្នុងការជួយសង្គ្រោះកុមារកម្ពុជា ជាច្រើននាក់ ដែលត្រូវការជួយសង្គ្រោះជាពិសេសចំពោះកុមារដែលឪពុកម្ដាយក្រីក្រ មិនមានលទ្ធភាពព្យាបាលនៅមន្ទីរពេទ្យថ្លៃៗផងដែរ ។

លោកបានសង្កត់ធ្ងន់ថា កម្ពុជា គឺជាប្រទេសក្មេងខ្ចីមួយ ដែលរមែងផ្លាស់ប្ដូររបត់គំនិតរបស់ពិភពលោក ម្ដងហើយម្ដងទៀត ។ មិនថាសន្ទុះនៃការអភិវឌ្ឍសេដ្ឋកិច្ច ឬបម្រែបម្រួលនៃសំណង់អគារក្នុងទីក្រុងនោះទេ គឺ សុទ្ធតែបានបង្ហាញពីសមត្ថភាព និងភាពលូតលាស់ដ៏លេចធ្លោ ។ ហេតុដូច្នេះហើយទើប ក្រុមហ៊ុន អ&អេហ្វ គ្រុប បានពាំនាំមកនូវ “បុរីមជ្ឈមណ្ឌលភ្នំពេញ”  កាលពីឆ្នាំ2018 ដែលជាបុរីឧទ្យានស្ដង់ដារអន្តរជាតិដំបូងគេនៅរាជធានីភ្នំពេញ នៅលើទំហំផ្ទៃដី 56 ម៉ឺនម៉ែត្រការ៉េ ដោយបង្កើតជាតំបន់រស់នៅលំដាប់ខ្ពស់ឈានមុខគេ  ។

គួរបញ្ជាក់ថានៅក្នុងរាត្រីនោះ ថវិកាដែលក្រុមហ៊ុន R&F ប្រមូលបាននិងប្រគល់ជូនមូលនិធិមន្ទីរពេទ្យគន្ធបុប្ផា មានចំនួន១២លានរៀល ដែលថវិកានេះ ប្រមូលបានកាលពីអំឡុងថ្ងៃបុណ្យអុំទូក ពីការធ្វើយុទ្ធនាការ ជួយមន្ទីរពេទ្យគន្ធបុប្ផា ៕

អត្ថបទ​ផ្សេងៗ​ទៀត
  • មន្ត្រីបន្តវេន្តស៊ីម៉ាកចំនួន៧៥នាក់ បានបញ្ចប់វគ្គហ្វឹកហ្វឺន បច្ចេកទេសបោសសំអាតមីនជំនាន់ទី១៤៥
  • សម្តេចធិបតី ណែនាំឱ្យអាជ្ញាធរគ្រប់លំដាប់ថ្នាក់ ណែនាំពលរដ្ឋបង្កើនការប្រុងប្រយ័ត្នចំពោះការប្រើប្រាស់ភ្លើង ដើម្បីបង្កាគ្រោះអគ្គិភ័យ
  • ខេត្តទាំង៦ ទទួលបានរង្វាន់ពីសម្ដេចធិបតី ជាខេត្តគ្មានគ្រោះថ្នាក់ចរាចរណ៍ក្នុងពេលបុណ្យចូលឆ្នាំថ្មី
  • កម្ពុជារកចំណូលបានជាង ១០០ លានដុល្លារពីការនាំ ចេញកៅស៊ូក្នុងត្រីមាសទី១
  • អភិបាលខេត្តមណ្ឌលគិរី ស្នើសុំដកតំណែងប្រធានមន្ទីរបរិស្ថានខេត្ត
  • ក្រសួងការងារបញ្ជាក់ទៅកាន់សភាពាណិជ្ជកម្មអឺរ៉ុបប្រចាំនៅកម្ពុជាអំពីការកែសម្រួលសេវាដើម្បីបង្កើនបរិយាកាសវិនិយោគ
  • កម្ពុជានិងស៊ែរប៊ី ប្ដេជ្ញាចិត្តបន្តជំរុញចំណងមិត្តភាព និងកិច្ចសហប្រតិបត្តិការឱ្យកាន់តែល្អប្រសើរ
  • បញ្ចប់ទស្សនកិច្ចនៅស្វីស ឯកឧត្តមអភិសន្តិបណ្ឌិត បន្តដឹកនាំគណៈប្រតិភូទស្សនកិច្ចនៅប្រទេសអាល្លឺម៉ង់
  • ស្វីសបន្តគាំទ្រកំណែទម្រង់វិមជ្ឈការនៅកម្ពុជានិងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ
  • រដ្ឋមន្ត្រីក្រសួងសុខាភិបាល បានអញ្ជើញជាអធិបតីក្នុងទិវាជាតិប្រយុទ្ធនឹងជំងឺគ្រុនចាញ់នៅខេត្តពោធិ៍សាត់
  • គណបក្សប្រជាជនបដិវត្តន៍ឡាវនិងគណបក្សប្រជាជនកម្ពុជា ឯកភាពបន្តពង្រឹងការទំនាក់ទំនងមិត្តភាពនិងកិច្ចសហប្រតិបត្តិ
  • ទាមទារដុតផ្ទះអ្នកស្លាប់ចោលព្រោះតែអបិយជំនឿ
  • ហ្វូងដំរីព្រៃបានចាប់បោកស្ត្រីអ្នកភូមិបណ្ដាលឲ្យស្លាប់
  • សម្តេចធិបតី បញ្ជាក់ថា ការវិនិយោគលើវិស័យសុខាភិបាលគឺមិនថយដៃនោះឡើយ
  • ពិធីរាំបេះ “ផ្កាកកោះ” ជាប្រពៃណីមួយរបស់អ្នកស្រុកស្វាយចេក ខេត្តបន្ទាយមានជ័យ
  • ពលរដ្ឋនៅភូមិ ទន្សោងធ្លាក់ ស្រុកសំបូរ១៦នាក់បានពុលនំបញ្ចុក
  • អគ្គស្នងការនគរបាលជាតិ ស្នើឲ្យស្នងការនគរបាលតាមបណ្តាខេត្តធ្វើតេសរកសារធាតិញៀនលើមន្ត្រីរបស់ខ្លួន
  • សម្តេចធិបតី ហ៊ុន ម៉ាណែត ជំរុញឲ្យបន្តធ្វើកំណែទម្រង់ស៊ីជម្រៅលើគ្រប់វិស័យ ក្នុងកងយោធពខេមរភូមិន្ទ
  • រយៈពេលបីថ្ងៃចូលឆ្នាំភ្ញៀវជាតិនិងអន្តរជាតិនាំគ្នាមកលេងខេត្តកំពង់ចាមច្រើនជាងបណ្ដាខេត្តនិងរាជធានីផ្សេងទៀត
  • សង្ក្រាន្តឆ្នាំថ្មីរយៈពេល៤ថ្ងៃនៅស្វាយរៀងភ្ញៀវទេសចរនិងប្រជាពលរដ្ឋមកកម្សាន្តជាងកន្លះលាននាក់