អាជ្ញាធរកូរ៉េខាងត្បូង ៖ អ្នកឆ្លង COVID-19 កើនដល់៤,២១២នាក់ ខណៈ២២នាក់ស្លាប់
សេអ៊ូល ៖ នៅព្រឹកថ្ងៃចន្ទនេះអាជ្ញាធរកូរ៉េខាងត្បូងបានបញ្ចេញរបាយការណ៍ថ្មីមួយដោយបញ្ជាក់ថា ចំនួនអ្នកឆ្លងវីរុសកូរ៉ូណាថ្មី ឬ COVID-19 នៅទូទាំងប្រទេសបានកើនឡើងដល់ ៤,២១២នាក់ ខណៈដែលមនុស្ស២២នាក់បានបាត់ជីវិត។ នេះបើយោងតាមទីភ្នាក់ងារព័ត៌មានយ៉ុនហាប់។
តួលេខខាងលើនេះត្រូវបានគេមើលឃើញថា ជាអត្រាកើនឡើងប្រចាំថ្ងៃ នៃអ្នកឆ្លងមេរោគកូរ៉ូណាថ្មីនេះ ខ្ពស់ជាងនៅប្រទេសចិនទៅទៀត ខណៈនៅព្រឹកថ្ងៃចន្ទនេះអ្នកឆ្លង COVID-19 ថ្មីៗមានចំនួន៤៧៦ករណី ក្នុងនោះ៣៧៧ករណីនៅទីក្រុងដេគូ និង៦៨ករណីនៅខេត្តគ្យុងសាងខាងជើង ដែលមានចម្ងាយ៣០០គីឡូម៉ែត្រពីរដ្ឋធានីសេអ៊ូល៕
