តុលាការ​លើក​ពេល​ប្រកាស​សាលក្រម​តារាចម្រៀង អូ រស្មី ទៅ​ខែតុលា
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 29 September, 2014 ក+ ក-

​ភ្នំពេញ​៖ សាលាដំបូង​រាជធានី​កាលពី​ព្រឹក​ថ្ងៃទី​២៩ កញ្ញា​នេះ បាន​បើកសវនាការ​ជំនុំជម្រះ​លើ​សំណុំរឿង តារាចម្រៀង អូ រស្មី ប្រចាំ​ផលិតកម្ម​ឆ្លងដែន និង​រៃ​មាស ពាក់ព័ន្ធ​នឹង​ការនាំ​ក្មេងស្រី​អាយុ​១៤​ឆ្នាំ​យកទៅលក់​ព្រហ្មចារី​ឱ្យ​តាៗ ជា​ថ្នូរ​នឹង​ក្លាយជា​តារាចម្រៀង​។​
​សវនាការ​ប្រព្រឹត្តទៅរ​យៈ​ពេល​ជាច្រើន​ម៉ោង តាមរបៀប​អសាធារណៈ​លើ​សំណុំរឿង​នាង អូ រស្មី ដោយ​ប្រធាន​ក្រុមប្រឹក្សា​នៃ​អង្គជំនុំជម្រះ សម្រេច​លើក​ពេល​ប្រកាស​សាលក្រម​លើ​សំណុំ​រឿងនេះ ទៅ​ខែតុលា ២០១៤ ខាងមុខ​។​

​គួររំលឹកថា តារាចម្រៀង​អូ រស្មី អាយុ​៣៦​ឆ្នាំ ទីលំនៅ​មុនពេល​ចាប់ខ្លួន​ផ្ទះ​លេខ​៨៦ ផ្លូវ​លេខ​២ បុរី​ពិភពថ្មី សង្កាត់​ចោមចៅ ខណ្ឌ​ពោធិ៍​សែន​ជ័យ ត្រូវ​សមត្ថកិច្ច​ឃាត់ខ្លួន​កាលពី​ថ្ងៃទី​១៨ ខែមករា ឆ្នាំ​២០១៤ យោង​លើ​ពាក្យបណ្ដឹង​របស់​ស្ត្រី ឈ្មោះ ឆៃ មុនី ជា​ម្ដាយ​របស់​ក្មេងស្រី អាយុ​១៤​ឆ្នាំ​។​

​ក្នុង​ពាក្យបណ្ដឹង​បាន​បញ្ជាក់ថា កាលពី​ថ្ងៃត្រង់​ទី ១៥ ខែមករា កូនស្រី​របស់គាត់​បាន​ចេញពីផ្ទះ​ទៅ​សាលារៀន រហូតដល់​ម៉ោង ៦​ល្ងាច ទើប​ទូរស័ព្ទ​មក​ប្រាប់ថា រូបនាង​ទៅ​ជាមួយនឹង​អ្នកចម្រៀង​ឈ្មោះ អូ រស្មី ដើម្បី​ទៅយក​ខ្សែដៃ​មួយ​នៅក្នុង​សណ្ឋាគារ​។ លុះដល់​យប់​ថ្ងៃទី​១៦​មករា ស្រាប់តែ​ឈ្មោះ​អូ រស្មី បាន​យក​ទូរស័ព្ទ​កូនស្រី​របស់គាត់ តេ​ចូលទៅ​កូនប្រុស ហើយ​ប្រាប់ថា កូនស្រី​ទៅ​ដើរលេង​នៅ​កោះ​ពេជ្រ ភ្លេច​ទូរស័ព្ទ​នៅ​នឹង​ផ្ទះ​របស់គេ​។ ក្រោយ​ទទួលដំណឹង​នេះ គាត់​ក៏បាន​ទៅប្ដឹង​សមត្ថកិច្ច ព្រោះ​យល់ថា​កូនស្រី​ច្បាស់​ជា​ចាញ់បោក​ឈ្មោះ​អូ រស្មី ហើយ​នៅ​ល្ងាច​ថ្ងៃទី​១៧​មករា ទើប​កូនស្រី​ត្រឡប់មកផ្ទះ​វិញ ហើយ​គាត់​ក៏​នាំ​កូនស្រី​ទៅកាន់​កន្លែង​សមត្ថកិច្ច​ដើម្បី​ស្ដាប់​ចម្លើយ​។​

នៅ​កន្លែង​សមត្ថកិច្ច ក្មេងស្រី​រងគ្រោះ បាន​រៀបរាប់ថា នាង​ត្រូវបាន​ឈ្មោះ អូ រស្មី បាន​នាំ​នាង​ទៅ​ជួប​ជាមួយ​តា​ក្បាលទំពែក ដោយ​ថា​គាត់ ជា​ចាងហ្វាង​ផលិតកម្ម បើ​ចង់​ល្បីឈ្មោះ ទាល់តែ​ព្រមទៅ​ដេក​ជាមួយនឹង​គាត់​នេះ ទើប​អាចជួយ​ឱ្យក្លាយ​ជាតា​រា និង​ជា​អ្នកចម្រៀង​ដ៏​ល្បី​បាន តែ​ហាម​មិនឱ្យ​ប្រាប់​រឿងនេះ​ដល់​ម្ដាយ​ជាដាច់ខាត​” ហើយ​នាង​បានរួម​ភេទ ជាមួយ​តា​ចាស់​រហូតទល់​ភ្លឺ​៕
Untitled-1

Untitled-1