រាជធានីភ្នំពេញ៖ប្រធានគណបក្សខ្មែររួបរួមជាតិ លោក ញ៉ឹក ប៊ុនឆៃ បានសម្រេចចាប់ដៃគូជាមួយលោកបណ្ឌិត ហ៊ាង រិទ្ធិ ប្រធានគណបក្សយុត្តិធម៌ជាតិខ្មែរ ដើម្បីបង្កើនកម្លាំងនយោបាយឆ្ពោះទៅការបោះឆ្នោតនាពេលខាងមុខ។ ផ្តើមពីនោះគណបក្សទាំង២បានចុះហត្ថលេខាលើ MOU នៅព្រឹកថ្ងៃទី១៨ ខែមករា ឆ្នាំ២០១៧នេះ ស្តីពីកិច្ច សហប្រតិបត្តិការជាសម្ព័ន្ធជាមួយគ្នាដែលពិធីនេះធ្វើឡើងនៅសណ្ឋាគារសាន់វ៉េ។
មន្ត្រីគណបក្សបានបញ្ជាក់ថា ការចុះហត្ថលេខាលើអនុស្សារណៈស្តីពីកិច្ចសហប្រតិបត្តិការនេះ ជាលិខិតតូបករបើកផ្លូវ ឲ្យគណបក្សទាំងពីរ អាចបង្កើតឡើងនូវក្រុមការងារ បច្ចេកទេសចម្រុះគណបក្ស ដើម្បីរៀបចំយន្តការ ដ៏មានប្រសិទ្ធិភាពក្នុងការ ជួយគ្នាទៅវិញទៅមក សំដៅប្រមូលផ្តុំសំឡេងគាំទ្រដល់គណបក្សទាំងពីរ ឲ្យមានលទ្ធភាពរួមចំណែក បម្រើប្រជាពលរដ្ឋនិងប្រទេសជាតិ៕
