បុរសម្នាក់ដើរឆ្លងរថភ្លើង តែមិនផុត្រូវរថភ្លើងកិនស្លាប់
រាជធានីភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែងដោយសាររថភ្លើងកិនស្លាប់ បន្ទាប់ពីបុរសរូបនេះចេញពីផឹករួចដើរទៅផ្ទះ ដោយឆ្លងផ្លូវរថភ្លើងតែឆ្លងមិនផុតក៏ត្រូវបានរថភ្លើងបុក និងកិនតែម្តង។ ហេតុការណ៍នេះបានកើតឡើងនាម៉ោងជាង១១យប់ថ្ងៃទី៣ ខែសីហា ឆ្នាំ២០១៧ ស្ថិតនៅលើផ្លូវរថភ្លើងខាងក្រោយសាលាតិចណូ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានឲ្យដឹងថា បុរសរងគ្រោះ ដែលស្លាប់មានអាយុជិត៣០ឆ្នាំ ស្នាក់នៅជិតកន្លែងកើតហេតុ។ ក្រោយកើតហេតុអ្នកស្លាប់ត្រូវបានក្រុមគ្រួសារយកទៅធ្វើបុណ្យ តាមប្រពៃណី ចំនែករថភ្លើងត្រូវបានត្រឡប់ទៅចតនៅ កន្លែងចេញដំណើរវិញ៕
