ខេត្តប៉ៃលិន ត្រូវបានប្រកាសជាខេត្ត ជ័យលាភីក្នុងការបញ្ចប់ការបន្ទោបង់ពាសវាលពាសកាល (ODF) ១០០ %។ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានមានប្រសាសន៍ឲ្យដឹងថា៖ នៅទូទាំងខេត្តប៉ៃលិន មានខ្នងផ្ទះសរុប១៨១១៣ខ្នងផ្ទះ ចំនួនភូមិមានបណ្តាញទឹកស្អាតគ្របដណ្តប់មានចំនួន ៧៤ភូមិ ស្មើនឹង ៧៩,៥%, ចំនួនខ្នងផ្ទះប្រើប្រាស់បង្គន់សរុប ១៨ ១១៣ខ្នងផ្ទះ ស្មើនឹង ១០០%។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/XIh3OZDHQzI

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូសភាសហរដ្ឋអាមេរិក ដែលរួមមានឯកឧត្តម Jimmy Panetta សមាជិកសភាប្រចាំរដ្ឋកាលីហ្វ័រញ៉ា មកពីគណបក្សប្រជាធិប តេយ្យ, ឯកឧត្តម Salud Carbajal សមាជិកសភាប្រចាំរដ្ឋកាលីហ្វ័រញ៉ា មកពីគណបក្សប្រជាធិបតេយ្យ, ឯកឧត្តម Darin Lahood សមាជិកសភាប្រចាំរដ្ឋអ៊ីលីណយ មកពីគណបក្សសាធារណរដ្ឋ និងសហការី ចូលជួបសម្ដែងការគួរសម និងពិភាក្សាការងារនៅវិមានសន្ដិភាព។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/kb4Wt6KI21c

ក្រុមហ៊ុន THACO AGRI មកពីប្រទេសវៀតណាម ដែលទទួលបានដីសម្បទានសេដ្ឋកិច្ចពីរាជរដ្ឋាភិបាលកម្ពុជាប្រមាណជាង១ម៉ឺនហិកតានៅស្រុកស្នួល ខេត្តក្រចេះ សម្រាប់រយៈពេល៥០ឆ្នាំ បានបង្កើតជាតំបន់ពហុកសិកម្មមួយដែលមានឈ្មោះថា តំបន់ពហុកសិកម្មស្នួលសម្រាប់ការចិញ្ចឹមសត្វ និងដាំដំណាំផ្សេងៗ ក្នុងនោះក៏មានផងដែរនូវដំណាំចេកអំបូង ដើម្បីធ្វើការនាំចេញទៅកាន់ទីផ្សារអន្តរជាតិ ជាពិសេសទីផ្សារប្រទេសចិន និងប្រទេសជប៉ុន ហើយក៏កំពុងតែសម្លឹងមើលទៅទីផ្សាអឺរ៉ុបសម្រាប់ការនាំចេញនេះថែមទៀតផង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/39gYmK36WnA

សម្តេចប្រធានរដ្ឋសភា ឃួន សុដារី មានសុទិដ្ឋិនិយមថា ដំណើរទស្សនកិច្ចរបស់គណៈប្រតិភូសភាអាមេរិក នៅក្នុងឱកាសនេះ ជាទំព័រប្រវត្តិសាស្រ្តថ្មីមួយទៀត ក្នុងការពង្រឹងពង្រីកចំណងមិត្ត ភាព កិច្ចសហប្រតិបត្តិការប្រទេសទំាងពីរបន្ថែមទៀតទាំងស្ថាប័ននីតិប្បញ្ញត្តិនិងនីតិប្រតិបត្តិ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/0v95haTniqo

ប្រធានមន្ទីរទេសចរណ៍ខេត្តកំពង់ស្ពឺ លោក រស់ សុខ បានឲ្យដឹងនៅថ្ងៃទី១៧ ខែកុម្ភៈ ឆ្នាំ២០២៥នេះថា អាជ្ញាធរខេត្តកំពង់ស្ពឺ បានរៀបចំមហាព្រឹត្តិការណ៍ទេសចរណ៍ដ៏ធំអស្ចារ្យចាប់ពីថ្ងៃទី១៥-១៦ខែកុម្ភៈ ឆ្នាំ២០២៥ ដោយចាប់ពីម៉ោង៨ព្រឹក ដល់ម៉ោង២ទៀបភ្លឺ (រយៈពេល២យប់២ថ្ងៃពេញ)នៅឧទ្យានជាតិព្រះសុរាម្រិតកុសុមៈគីរីរម្យ ស្ថិតក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ។ ព្រឹត្តិការណ៍មហោស្រពទេសចរណ៍ដ៏ធំអស្ចារ្យនេះបានធ្វើការផ្សព្វផ្សាយពីរមណីយដ្ឋានគោលដៅទេសចរណ៍នានា វប្បធម៌ តន្ត្រី និងកីឡាដែលគ្មានថង់ប្លាស្ទិក “បុណ្យភ្នំ” នឹងនាំមកនូវព្រឹត្តិការណ៍កម្សាន្តសប្បាយ ការប្រកួតកីឡា ម្ហូបអាហារ និងការតុបតែងជាច្រើនរាប់មិនអស់លើបណ្តោយដងផ្លូវដ៏ស្រស់ស្អាតជិត៤គីឡូម៉ែត្រ ចាប់ពីរង្វង់មូលនាគព័ន្ធ ដល់អតីតព្រះរាជដំណាក់។

លោកបន្ថែមថា ជុំវិញមហាព្រឹត្តិការណ៍នេះអាជ្ញាធរបានបើកឱ្យប្រជាពលរដ្ឋ ភ្ញៀវជាតិ អន្តរជាតិចូលរួមកម្សាន្តសប្បាយរីករាយដោយសេរី និងច្រើនកុះករ ដើម្បីលើកស្ទួយវិស័យដល់ទេសចរណ៍ និងអភិរក្សវប្បធម៌ បរិស្ថានធម្មជាតិរបស់កម្ពុជា ដែលក្នុងព្រឹត្តិការណ៍២ថ្ងៃនេះមានភ្ញៀវទេសចរណ៍ជាងប្រាំមួយម៉ឺនប្រាំពាន់នាក់( ៦៥,២៨០នាក់) បានចូលរួមលេងកម្សាន្តក្នុងនោះមានភ្ញៀវអន្តរជាតិ ៥៣០នាក់ផងដែរ។

ប្រធានមន្ទីរទេសចរណ៍ ខេត្តកំពង់ស្ពឺ ក៏បានឱ្យដឹងដែរថា មហាព្រឹត្តិការណ៍ដ៏កម្រ និងជាលើកទី១នេះ បាននាំមកនូវកម្មវិធីជាច្រើន ដូចជា ឆៃយ៉ាំ ស្វាគមន៍ របាំសែនដី គុនល្បុក្កតោ ការប្រគំតន្ត្រីសម័យ ក្ងោកប៉ៃលិន របាំក្រមា របាំជូនពរ ល្ខោនខោលឈុតកំហឹងនាអាតុរី របាំគោះត្រឡោក របាំត្លយសួយ ក្ងោកពោធិ៍ សាត់ ល្ខោនព្រះរាជទ្រព្យរឿងទិព្វសូដាចន្ទ គុនខ្មែរ រួមនឹងព្រឹត្តិការណ៍កីឡា និងប្រពៃណីជាច្រើនទៀត។ ក្នុងមហាព្រឹត្តិការណ៍នេះដែរ បានបញ្ចប់ទៅដោយរលូន ក្រោមការការពារសន្តិសុខ សណ្តាប់ធ្នាប់ យ៉ាងយកចិត្តទុកដាក់បំផុតពីកម្លាំងកងរាជអាវុធហត្ថ និងកម្លាំងនគរបាលខេត្ត។ ចំពោះកន្លែងស្នាក់នៅ និងអាហារហូបចុក គ្មានការឡើងថ្លៃនោះទេ៕

សូមចុច Link ដើម្បីទស្សនាព័ត៌មានពិស្ដារ៖ https://youtu.be/UaTv8d7VfME

ប្រធានមន្ទីរទេសចរណ៍ខេត្តកំពង់ស្ពឺ លោក រស់ សុខ បានឲ្យដឹងនៅថ្ងៃទី១៧ ខែកុម្ភៈ ឆ្នាំ២០២៥នេះថា អាជ្ញាធរខេត្តកំពង់ស្ពឺ បានរៀបចំមហាព្រឹត្តិការណ៍ទេសចរណ៍ដ៏ធំអស្ចារ្យចាប់ពីថ្ងៃទី១៥-១៦ខែកុម្ភៈ ឆ្នាំ២០២៥ ដោយចាប់ពីម៉ោង៨ព្រឹក ដល់ម៉ោង២ទៀបភ្លឺ (រយៈពេល២យប់២ថ្ងៃពេញ)នៅឧទ្យានជាតិព្រះសុរាម្រិតកុសុមៈគីរីរម្យ ស្ថិតក្នុងឃុំចំបក់ ស្រុកភ្នំស្រួច ខេត្តកំពង់ស្ពឺ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/_TBgKR3uvr4

លោក Bernie Cleary ប្រធានរោងចក្រចម្រាញ់រ៉ែមាសនៅតំបន់អូរខ្វាវ ខេត្តមណ្ឌលគីរី នៃក្រុមហ៊ុនរ៉ឺណេសង់ មីនើរ៉ល (ខេមបូឌា) លីមីធីត ដែលគេស្គាល់ថាជាក្រុមហ៊ុនរុករក និងចម្រាញ់រ៉ែមាសមកពីប្រទេសអូស្ត្រាលីបានថ្លែងថា ក្រុមហ៊ុនរបស់លោកពិតជាមានមោទនភាពយ៉ាងក្រៃលែង ដែលរោងចក្រចម្រាញ់រ៉ែមាសនៅក្នុងប្រទេសកម្ពុជាបានដំណើរការដោយជោគជ័យនៅតំបន់អូរខ្វាវនេះ ខណៈដែលក្រុមហ៊ុនបានខិតខំក្នុងការបណ្តុះបណ្តាល និងផ្ទេរចំណេះដឹងទៅឱ្យបុគ្គលិកជាជនជាតិខ្មែរនូវជំនាញទាញយកផលពីរ៉ែមាសនេះ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/jBaFLZhjVz4

ឯកឧត្តមសាស្ដ្រាចារ្យ ឈាង រ៉ា រដ្ឋមន្ត្រីក្រសួងសុខាភិ បាល និងប្រធានក្រុមការងារគណបក្សប្រជាជនកម្ពុជា និងជាប្រធានក្រុមការងាររាជរដ្ឋាភិបាល ចុះជួយមូល ដ្ឋានខណ្ឌសែនសុខ បានអញ្ជើញជាអធិបតីផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៤៥ អាណត្តិទី៥ របស់គណបក្សប្រជាជនកម្ពុជា ជូនសមាជិក សមាជិកាគណបក្ស ទីស្តីការក្រសួងសុខាភិបាល នៅទីស្នាក់ការគណបក្សប្រជាជនកម្ពុជា រាជធានីភ្នំពេញ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/lSKik9TZH8w

លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា និងឯកឧត្តមបណ្ឌិត លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច អញ្ជើញជាធិបតីក្នុងពិធីបិទវគ្គបណ្តុះបណ្តាលគ្រូបង្គោលវិជ្ជាសង្គ្រោះបឋមដល់យុវជនកាកបាទក្រហមកម្ពុជាចំនួន២៥នាក់ នៅសាកលវិទ្យាល័យភូមិន្ទនីតិសាស្រ្ត នឹងវិទ្យាសាស្ដ្រសេដ្ឋកិច្ច។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/bappROvRzH8

ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានមានព្រះរាជបន្ទូលថា មិនអាចមានបុគ្គលណាមួយប្រមាថ ឬប្រទូសរ៉ាយ ចំពោះព្រះពុទ្ធសាសនា នៅក្នុងសម័យកាលសន្តិភាពនេះបានឡើយ។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/KXYC251GI9E

អភិបាលរាជធានីភ្នំពេញ បានអំពាវនាវឱ្យក្មួយៗក៏ដូចជាអ្នកដើរលេងកំសាន្តនៅផ្លូវថ្មើជើង Walk Street នាំគ្នាទៅអានសៀវភៅនៅបណ្ណាល័យចល័ត ដែលបានរៀបចំដោយរដ្ឋបាលរាជធានីភ្នំពេញ គឺការអានសៀវភៅ ដើម្បីបំណិននៃការចេះដឹង បន្ថែមទៀតនូវវប្បធម៌ជាតិអានច្រើនចេះច្រើនអានច្រើនរីកចម្រើនចំណេះដឹង។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/Si7PpWS5lyQ

ក្រុមអ្នកជំនាញជាតិនិងអន្តរជាតិ នៅថ្ងៃទី១៧ ខែកុម្ភៈ ឆ្នាំ២០២៥ បានដំណើរការពិភាក្សាគ្នា ដើម្បីពង្រឹងការអភិរក្សសត្វត្មាតនៅក្នុងពិភពលោក។នេះជាជំនួបសន្ទនាលើកដំបូងសម្រាប់កម្ពុជា ជាមួយក្រុមអ្នកជំនាញ និងអ្នកអភិរក្សនៃប្រទេសមានវត្តមានសត្វត្មាតដូចជា បង់ក្លាដេស ឥណ្ឌា នេប៉ាល់ ប៉ាគីស្ថាន និងមីយ៉ាន់ម៉ា។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/bvaQminki0E

សហព័ន្ធស្រូវអង្ករកម្ពុជា បានឱ្យដឹងថា ការនាំចេញក្នុងរយៈពេល ១ខែ នៃឆ្នាំ២០២៥ កម្ពុជាបាននាំចេញអង្ករចំនួន ៥៩ ០៨៦តោន គិតជាទឹកប្រាក់បានចំនួន ៤៨.០៣លានដុល្លារសហរដ្ឋអាមេរិក។ យោងតាមរបាយការណ៍ របស់សហព័ន្ធស្រូវអង្ករកម្ពុជា បានបញ្ជាក់ថា «ក្នុងរយៈពេល ១ខែ ដំបូង នៃឆ្នាំ២០២៥ កម្ពុជាបាននាំចេញអង្ករបានចំនួន ៥៩ ០៨៦តោនតាមរយៈក្រុមហ៊ុននាំចេញអង្ករចំនួន ៣៩ ក្រុមហ៊ុន ទៅកាន់គោលដៅចំនួន ៤៥»។

សូមចុច Link ដើម្បីទស្សនាព័ត៌មានពិស្ដារ៖ https://youtu.be/kSFVNw9O8kM