បុគ្គលិកបោសសម្អាតមីន របស់មជ្ឈមណ្ឌលសកម្មភាពកំចាត់មីនកម្ពុជា ចំនួន២នាក់ បានបាត់បង់ជីវិតភ្លាមៗនៅក្នុងឧបទ្ទវហេតុផ្ទុះមីន អំឡុងពេលកំពុងប្រតិបត្តិការបោសសម្អាតមីន នៅភូមិត្រពាំងប្រិយ៍ ឃុំបាក់អន្លូង ស្រុកត្រពាំងប្រាសាទ ខេត្តឧត្តរមានជ័យ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/QQdMfdzYwyw
លោកវរសេនីយ៍ឯកពិសេស ស៊ឹង តាជឺ នាយការិយាល័យអនុព័ន្ធយោធាថ្មី នៃកងទ័ពរំដោះប្រជាជនចិនប្រចាំកម្ពុជា បានទួលការអនុញ្ញាតចូលជួបសម្តែងការគួរសម និងពិភាក្សាការងារជាមួយឯកឧត្តមនាយឧត្តមសេនីយ៍ ចៅ ភិរុណ រដ្ឋលេខាធិការក្រសួងការពារជាតិ នៅព្រឹកថ្ងៃទី១៦ ខែមករា ឆ្នាំ២០២៥នេះ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/Q4SHHVMsXMo
ឯកឧត្តម អាលី អាកបារ ណាហ្សារី ឯកអគ្គរដ្ឋទូតនៃសាធារណរដ្ឋឥស្លាមអ៊ីរ៉ង់ប្រចាំកម្ពុជា បានបញ្ជាក់ពីការប្តេជ្ញាចិត្តរបស់ខ្លួន ក្នុងការត្រៀមខ្លួនរួចជាស្រេច ក្នុងការគាំទ្រកម្ពុជាក្នុងការអភិវឌ្ឍ និងធ្វើទំនើបកម្មវិស័យសុខភាពសាធារណៈ។ ការបញ្ជាក់នេះធ្វើឡើងនៅក្នុងឱកាសសម្ដេចតេជោ ហ៊ុន សែន ប្រធានព្រឹទ្ធសភា បានអនុញ្ញាតឱ្យឯកឧត្តម អាលី អាកបារ ណាហ្សារី ឯកអគ្គរដ្ឋទូតនៃសាធារណរដ្ឋឥស្លាមអ៊ីរ៉ង់ប្រចាំកម្ពុជា ដែលមាននិវេសនដ្ឋាននៅទីក្រុងហាណូយ ចូលជួបសម្ដែងការគួរសម នៅវិមានព្រឹទ្ធសភា នៅព្រឹកថ្ងៃទី១៦ ខែមករា ឆ្នាំ២០២៥ នៅរាជធានីភ្នំពេញ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/ehtE–LTI8E
ស្នងការដ្ឋាននគបាលរាជធានីភ្នំពេញនៅព្រឹកថ្ងៃទី១៦ខែមករាឆ្នាំ២០២៥នេះបានធ្វើសន្និសិទកាសែតបង្ហាញមុខជនសង្ស័យជាក្រុមក្មេងទំនើងប្រព្រឹត្តបទល្មើសលួច ប្លន់និងបង្កហិង្សាដោយចេតនាចំនួន ២៩នាក់។លោកឧត្តមសេនីយ៍ត្រី ប៊ុន សត្យាស្នងការរងនគបាលរាជធានីភ្នំពេញទទួលផែននគរបាលព្រហ្មទណ្ឌបានអោយដឹងថា ដោយមានបទបញ្ជាពី ឯកឧត្តមឧត្តមសេនីយ៍ឯកជួនណារិន្ទអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញបានបញ្ជាកម្លាំងជំនាញការិយាល័យព្រហ្មទណ្ឌកំរិតស្រាលនិងការិយាល័យព្រហ្មទណ្ឌកំរិតធ្ងន់បានសហការជាមួយនគរបាលនៃអធិការដ្ឋានចំនួន៦រួមមានខណ្ឌ៧មករា ខណ្ឌពោធិ៍សែនជ័យ ,ខណ្ឌកំបូល,ខណ្ឌច្បារអំពៅ, ខណ្ឌសែនសុខ,និងខណ្ឌដូនពេញបានធ្វើការស្រាវជ្រាវ នៅក្នុងរយៈពេល៣ថ្ងៃនេះបង្ក្រាបឃាត់ខ្លួនជនសង្ស័យជាបន្តបន្ទាប់ បានចំនួន 10 ករណីសរុបចំនួន ២៩នាក់ នឹងចាប់យកវត្ថុតាង ពាក់ព័ន្ធប្រព្រឹត្តបទល្មើសមួយចំនួន។នៅក្នុងនោះមានករណីលួច
ចំនួន ៨ ករណីឃាត់បានចំនួន ៩ នាក់,លួចមានស្ថានទម្ងន់ទោសកាប់យកស្លាកលេខម៉ូតូចំនួន ១ ករណីឃាត់ខ្លួនបានចំនួន ៨ នាក់,ហិង្សាដោយចេតនា១ករណីឃាត់ខ្លួនបានចំនួន ៧នាក់និងធ្វើឲ្យខូចខាតចេតនា១ករណីឃាត់ខ្លួនចំនួន ៥ នាក់។
លោកឧត្តមសេនីយ៍ត្រី ប៊ុន សត្យាបានបញ្ជាក់ឱ្យដឹងទៀតថា នៅក្នុងយុទ្ធនាការបង្ក្រាបក្មេងទំនើងនេះសមត្ថកិច្ចបង្ក្រាបបានចំនួន៣ ក្រុមឃាត់ខ្លួនបានជនសង្ស័យចំនួន ២០ នាក់។ក្នុងនោះ១ក្រុមវត្តកម្សាន្ត(WKS)ត្រូវបានសមត្ថកិច្ចខណ្ឌច្បារអំពៅឃាត់ខ្លួនបានចំនួន ៥នាក់បន្ទាប់ពីធ្វើសកម្មភាពកាលពីវេលាយប់ថ្ងៃទី ១៤ខែមករានៅសង្កាត់និរោធ ខណ្ឌច្បារអំពៅហើយព្រឹកឡើងថ្ងៃទី១៥ខែមករា ត្រូវបានសមត្ថកិច្ចឃាត់ខ្លួនបានតែម្ដង។២.ក្រុមធូបម៉ូស (TM), ក្រុម(GK)ត្រូវសមត្ថកិច្ចខណ្ឌពោធិ៍សែនជ័យឃាត់ខ្លួនបានចំនួន ៨ នាក់កាលពីថ្ងៃទី១២ ខែមករាឆ្នាំ២០២៥ បន្ទាប់ពីធ្វើសកម្មភាពកាលពីថ្ងៃទី ៥ខែមករា។ចំណែកក្រុមទី៣គឺក្រុមប្លុកតូច(MT)បានធ្វើសកម្មភាព២ករណី,១.កាប់ម៉ូតូនិងកាត់ទៅលើជនរងគ្រោះកាលពីថ្ងៃទី៥ ធ្នូឆ្នាំ ២០២៤ ប្រព្រឹត្តនៅចំណុចមុខស្ថានីយ៍ប្រេងឥន្ធនៈPTT ផ្លូវណ័រប្រ៊ីត ភូមិស្លែង រលើង សង្កាត់អូរបែកក្អម ខណ្ឌសែនសុខ រាជធានីភ្នំពេញ និងករណីទី២ ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ ទោស (យកដុំថ្មគប់ជនរងគ្រោះតែមិនត្រូវបណ្តាលឲ្យត្រូវទូលក់កាហ្វេបែកកញ្ចក់) ប្រព្រឹត្តនៅចំណុចមុខហាង កាហ្វេយីហោតែ៨១សាខាឬស្សីផ្អែម ផ្លូវបេតុង ភូមិទួលពង្រ សង្កាត់ចោមចៅ១ ខណ្ឌពោធិសែនជ័យ រាជធានី ភ្នំពេញ កាលពីថ្ងៃទី១០ ខែមករា ឆ្នាំ២០២៥។ក្រុមនេះធ្វើសកម្មភាពយ៉ាងសកម្មត្រូវបានសមត្ថកិច្ចស្រាវជ្រាវឃាត់ខ្លួនបានចំនួន ៧ នាក់។ចំណែកបក្សពួកដែលនៅសេសសល់ទោះបីគេចទៅដល់កន្លែងណាសមត្ថកិច្ចយើងនៅតែបន្តធ្វើការស្រាវជ្រាវដើម្បីបង្ក្រាបឲ្យដល់ឫសគល់តែម្ដង។
លោកវីរៈសេនីយ៍ឯក សំវិច្ឆិកាអ្នកនាំពាក្យនៃស្នងការនគរបាលរាជធានីភ្នំពេញបានឲ្យដឹងថា ដោយអនុវត្តនៅបទបញ្ជារបស់សម្ដេចបវរធិបតី ហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជានិងមានការចង្អុលបង្ហាញនិងបញ្ជាផ្ទាល់ពីឯកឧត្តមឧបនាយករដ្ឋមន្ត្រីស សុខានិង រដ្ឋមន្ត្រីក្រសួងមហាផ្ទៃនិងឯកឧត្តមឃួង ស្រេងអភិបាលរាជធានីភ្នំពេញ ,ឯកឧត្តមជួន ណារិន្ទអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញបានបញ្ជានគរបាលជំនាញធ្វើការសហការជាមួយនៅតាមបណ្ដាខណ្ឌនានាបង្ក្រាបទប់ស្កាត់បានក្រុមក្មេងទំនើងបានជាបន្តបន្ទាប់ជាច្រើនករណីហើយនៅដើមខែមករានេះហើយធ្វើការបង្ហាញមុខជាសាធារណៈចំនួន ២លើកនិងលើកនេះចំនួន ២៩នាក់ទៀតនៅក្នុងនោះមានករណីលួចមានស្ថានទម្ងន់ទោសនិងករណីហិង្សាដោយចេតនា។
លោកវីរៈសេនីយ៍ឯក សំវិច្ឆិកា បានឲ្យដឹងទៀតថា នៅក្នុងរយៈពេល ៦ខែចុងក្រោយនេះសមត្ថកិច្ចជំនាញបានសហការជាមួយនគរបាលនៅតាមអធិការដ្ឋានបង្ក្រាបបទល្មើសបានចំនួន៨៨ករណី ឃាត់ខ្លួនជនសង្ស័យចំនួន៣៨៣ នាក់។នៅក្នុងនោះបទល្មើសឧក្រិដ្ឋចំនួន ៣ករណីឃាត់ខ្លួនបានចំនួន២០ នាក់និងបទល្មើសបច្ឆិមបង្ក្រាបបាន ចំនួន៨៥ ករណីឃាត់ខ្លួនចំនួន ៣៦៣ នាក់។ជាលទ្ធផលមួយដែលកើតចេញពីការខិតខំប្រឹងប្រែងនិងការប្ដេជ្ញាចិត្តរបស់កងកម្លាំងរាជធានីភ្នំពេញ៕
សូមចុច Link ដើម្បីទស្សនាព័ត៌មានពិស្ដារ៖ https://youtu.be/39LnyBEgBlY
នៅព្រឹកថ្ងៃទី១៤ ខែមករា ឆ្នាំ២០២៥ ឯកឧត្តម អ៊ុ រាត្រី អភិបាលខេត្តបន្ទាយមានជ័យ អញ្ជើញជាអធិបតីបើកកិច្ចប្រជុំបូកសរុបការងារកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ឆ្នាំ២០២៤ និងលើកទិសដៅបន្តការងារឆ្នាំ២០២៥ដោយមានការចូលរួមពីសំណាក់ នាយករងរដ្ឋបាលខេត្ត លោក ប៉ាងវណ្ណាសេដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តបន្ទាយមានជ័យ ថ្នាក់ដឹកនាំមន្ទីរ មន្ត្រីរាជការចំណុះឱ្យមន្ទីរកសិកម្មរុក្ខាប្រមាញ់ និងនេសាទ រួមនិងមន្ត្រីពាក់ព័ន្ធមួយចំនួនទៀត ពិធីនេះធ្វើឡើងនៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/QCFTRePTEqE
ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខា ភិបាល បានអញ្ជើញជួបសំណេះសំណាល និងផ្ដល់អនុសាសន៍លើការអនុវត្តការងារ របស់ថ្នាក់ដឹកនាំទទួលបន្ទុក និងមន្រ្តីរាជការ នៃនាយកដ្ឋានផែនការ និងព័ត៌មានសុខាភិបាល ក្រសួងសុខាភិបាល ដើម្បីផ្តល់ជាជំហរឱ្យកាន់តែរឹងមាំ និងបង្កើនប្រសិទ្ធភាពការងារបន្ថែមទៀត ក្នុងឆ្នាំថ្មីនេះជាពិសេសពាក់ព័ន្ធការងារផែនការ និងព័ត៌មានសុខាភិបាល។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/j7UBqEqMlRY
កសិករបង្កបង្កើនផលដំឡូងមីនៅភូមិឡាប៉ាខេ ឃុំស្រែខ្ទុម ស្រុកកែវសីមា លោក សម សុភ័ក្រ បានលើកឡើងថា លោកមានផ្ទៃដីដាំដុះដំឡូងចំនួន២៥ហិកតា ហើយទិន្នផលវិញគឺល្អសមល្មម ដោយក្នុង១ហិកតាបានផលប្រមាណ២៥តោន ។ លោកបន្តថា ដំឡូងមីចាប់ផ្ដើមប្រមូលផលតាំងពីអំឡុងខែវិច្ឆិកា រហូតដល់ខែមីនា ហើយដំឡូងមីមិនអាចទទួលបានផលល្អឡើយ បើកសិករគ្មានបច្ចេកទេសក្នុងការដាំដុះនិងថែទាំត្រឹមត្រូវ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/FgcOVcVgSak
ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយក្រុមហ៊ុនធំចំនួន៦ និងសហព័ន្ធយុវជនកម្ពុជាវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងរៀបចំវេទិកាការងារ និងឱកាសកម្មសិក្សាការងារ នៅទី១៦ ខែមករា ឆ្នាំ២០២៥ ស្អែកនេះ ដោយនាំយកឱកាសការងារថ្មីបន្ថែមទៀតចំនួន ១២៦៣ កន្លែង ពីក្រុមហ៊ុនធំៗ៦ សម្រាប់ផ្តល់ជូនយុវជន សិស្ស/និស្សិត និងអ្នកកំពុងស្វែងរកការងារធ្វើ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/f3eg29pXicY
បើប្រៀបធៀបក្នុងឆ្នាំ២០២៣ និងឆ្នាំ២០២៤ ជំងឺគ្រុនឈាមបានថយចុះប្រមាណជាង៤០%។ ការ ថយចុះអាត្រាជំងឺគ្រុនឈាមនេះ គឺបានមកពីការខិតខំប្រឹងប្រែងរបស់អាជ្ញាធរមូលដ្ឋានខណ្ឌទាំង១៤ មន្ទីរសុខាភិបាលរាជធានីភ្នំពេញនិងកងកម្លាំងកងពលតូចលេខ៧០ (ង៧០) ដែលបានសហការគ្នាបាញ់ថ្នាំសម្លាប់មូសខ្លានៅក្នុងមូលដ្ឋានខណ្ឌទាំង១៤បានល្អប្រសើរ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/QG89X3dfJ_4
ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការ អន្តរជាតិ បានគូសបញ្ជាក់អំពីសារៈសំខាន់នៃទំនាក់ទំនងមិត្តភាព និងកិច្ចសហប្រតិបត្តិការល្អរវាង កម្ពុជា និងអ៊ីរ៉ង់ ក្នុងពេលដែលឯកឧត្តមឧបនាយករដ្ឋមន្ត្រីបានអនុញ្ញាតឱ្យឯកឧត្តម Ali Akbar Nazari ឯកអគ្គរដ្ឋទូតនៃសាធារណរដ្ឋឥស្លាមអ៊ីរ៉ង់ប្រចាំកម្ពុជា ដែលមាននិវេស នដ្ឋាននៅទីក្រុងហាណូយ ចូលជួបសម្តែងការគួរសម នៅថ្ងៃទី១៤ ខែមករា ឆ្នាំ២០២៥។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/SKiNhl-X6KE
ថ្លែងនៅក្នុងពិធី បើកសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់រដ្ឋបាលខេត្ត ឯកឩត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានជំរុញដល់មន្ត្រីមានសមត្ថកិច្ចគ្រប់អង្គភាព អាជ្ញាធរឃុំសង្កាត់ ត្រូវក្តាប់ឱ្យបានសមាសភាពក្មេងទំនើង ដោយត្រូវធ្វើបញ្ជីឈ្មោះ រាយការមកខេត្តដើម្បីងាយស្រួលគ្រប់គ្រង និងលុបបំបាត់បាតុភាពអាក្រក់មិនឱ្យកើតមាន។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/s1dRiXPJQGk
រដ្ឋបាលខេត្តពោធិ៍សាត់ នៅព្រឹកថ្ងៃទី១៤ ខែមករា ឆ្នាំ២០២៥នេះ បានរៀបចំទិវាជាតិប្រយុទ្ធប្រឆាំងអំពើជួញដូរមនុស្ស១២ធ្នូ លើកទី១៨ ក្រោមប្រធានបទ «កម្ពុជាប្រឆាំងដាច់ខាតអំពើជួញដូរមនុស្ស គ្រប់ទម្រង់ និងគ្រប់មធ្យោបាយក្នុងយុគសម័យឌីជីថល»។ ពិធីនេះបានធ្វើឡើងនៅសាលប្រជុំសាលាខេត្តពោធិ៍សាត់ ក្រោមអធិបតីភាពលោក ម៉ក់ រ៉ា ប្រធានក្រុមប្រឹក្សាខេត្ត និងលោក ខូយ រីដា អភិបាលអភិបាលខេត្ត ដោយមានអ្នកចូលរួមជាង ៨០០នាក់។
ការប្រារព្ធទិវានេះធ្វើឡើងក្នុងគោលបំណងបង្ហាញពីឆន្ទៈមោះមុតរបស់រដ្ឋបាលខេត្ត ក៏ដូចរាជរដ្ឋាភិបាលកម្ពុជានៅតែបន្តឥតឈប់ឈរក្នុងការប្រយុទ្ធប្រឆាំងអំពើរជួញដូរមនុស្សគ្រប់ទម្រង់ តាមគ្រប់មធ្យោបាយ និងផ្សព្វផ្សាយដល់សាធារណជន អង្គការមិនមែនរដ្ឋាភិបាលជាតិ អន្តរជាតិ វិស័យឯកជន មន្ត្រីរាជការ គ្រប់ឋានុក្រម មន្ទីរ អង្គភាព កងកម្លាំងប្រដាប់អាវុធទាំង៣ ព្រមទាំងបុព្វជិតគ្រប់និកាយសាសនា និងប្រជាពលរដ្ឋ ទូទាំងខេត្តពោធិ៍សាត់ ឱ្យបានការយល់ដឹង ដើម្បីសហការចូលរួម បង្ការទប់ស្កាត់ និងបង្ក្រាបបទល្មើសថ្មីៗលើគ្រប់រូបភាព ដែលពាក់ព័ន្ធទៅនឹងអំពើរជួញដូរមនុស្សនៅក្នុងខេត្ត។
បើតាមលោកស្រី ប៉ុក ណាឌី អភិបាលរងខេត្ត និងជាអនុប្រធានអចិន្ត្រៃយ៍នៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត បានជម្រាបជូនអំពីទិន្នន័យប្រជាពលរដ្ឋចំណាកស្រុកទៅរកការងារធ្វើក្រៅប្រទេស ក្នុងឆ្នាំ២០២៤ មានជាង១៤ពាន់នាក់ ក្នុងនោះស្របច្បាប់ជាង ១២ពាន់នាក់ មិនស្របច្បាប់ជាង២ពាន់នាក់។ ជនបរទេសស្នាក់នៅ និងធ្វើការរយៈពេលវែងមាន ២៦គោលដៅ ចំនួន៧៤៤នាក់ និងស្នាក់នៅរយៈពេលខ្លីជាង៤ពាន់នាក់។ ផ្សព្វផ្សាយតាមរយៈវេទិកាបានជាង២ពាន់លើក មានអ្នកចូលរួមជាង៨៩ពាន់នាក់ តាមរយៈភូមិ ឃុំ សង្កាត់មានសុវត្ថិភាពបានជិត ៦ពាន់លើក មានអ្នកចូលរួមជាង៥៦នាក់ និងតាមកម្មវិធីផ្សេងៗជាច្រើនទៀត។
លោក ខូយ រីដា អភិបាលខេត្ត និងជាប្រធានគណៈកម្មាធិការប្រយុទ្ធប្រឆាំងអំពើរជួញដូរមនុស្សខេត្ត បានថ្លែងថា ទិវាជាតិ ១២ ធ្នូ លើកទី១៨ ប្រយុទ្ធប្រឆាំងអំពើជួញដូរមនុស្សឆ្នាំនេះ នៅខេត្តពោធិ៍សាត់ ក៏ដូចទូទាំងប្រទេស ក្រោមប្រធានបទ «កម្ពុជា ប្រឆាំងដាច់ខាត អំពើរជួញដូរមនុស្សគ្រប់ទម្រង់ និងគ្រប់មធ្យោបាយក្នុងសម័យឌីជីថល» បន្តពង្រឹងកិច្ចសហការនិងការគ្រប់គ្រងលំហូរទេសន្តរវេសន៍ ដើម្បីប្រសិទ្ធិភាពនៃការបង្ការទប់ស្កាត់ ការពារបង្រ្កាប និងការផ្តន្ទា ទោស គឺជាអន្លូង ទូងស្គរប្រាប់ដល់អ្នកប្រព្រឹត្តបទល្មើសទាំងឡាយឱ្យបញ្ឈប់ជាបន្ទាន់ ព្រោះថាអំពើជួញដូរមនុស្ស កេងប្រវ័ញ្ចផ្លូវភេទ កម្លាំងពលកម្ម ក៏ដូចជាការរំលោភបំពានទៅលើសិទ្ធមនុស្សពិសេសស្រ្តី និងកុមារ គឺជាអំពើខុសច្បាប់។ រាជរដ្ឋាភិបាលកម្ពុជា នីតិកាលទី៧ ដែលមានក្រោមការដឹកនាំប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានប្តេជ្ញាចិត្តខ្ពស់ និងប្រឆាំងដាច់ខាតនូវរាល់ការប៉ុនប៉ងបង្កវិនាសសកម្ម នៅកម្ពុជាតាមគ្រប់រូបភាព។
គណៈកម្មាធិការជាតិប្រយុទ្ធប្រឆាំងអំពើរជួញដូរមនុស្ស ដឹកនាំដោយលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់ចេញនូវវិធានការដើម្បីរុករក បង្ក្រាប បោសសម្អាតបទល្មើសជួញដូរមនុស្សគ្រប់ទម្រង់យ៉ាងសកម្មស្របតាមវិធានការច្បាប់កម្ពុជា និងច្បាប់អន្តរជាតិ។
លោកអភិបាលខេត្តបានទទួលស្គាស់ថាវត្តមាននៃអំពើជួញដូមនុស្សនៅកម្ពុជា និងផលប៉ះពាល់ទាំងឡាយនៃឧក្រិដ្ឋនេះ តាំងពីទស្សវត្សឆ្នាំ៩០ និងបានកសាងច្បាប់សម្រាប់បង្រ្កាបបទល្មើសនេះតាំងពីឆ្នាំ១៩៩៦មកម៉្លេះ ដូច្នេះទាំងថ្នាក់ជាតិ ថ្នាក់ក្រោមជាតិ អង្គការក្រៅរដ្ឋាភិបាល វិស័យឯកជន សង្គមស៊ីវិល ចូលរួមសហការ និងបង្កើនយន្តការគណៈកម្មាធិការក្រុមការងារ និងបណ្តាញសម្រាប់អនុវត្តលើការងារនេះឱ្យមានប្រសិទ្ធិភាព និងតម្លាភាព។
ក្នុងនាមរដ្ឋបាលខេត្ត, លោក ខូយ រីដា សូមអំពាវនាវឱ្យគ្រប់មន្ទីរ អង្គភាព រដ្ឋបាលស្រុក ក្រុង ឃុំ សង្កាត់ អង្គការសង្គមស៊ីវិល និងសមត្ថកិច្ចពាក់គប្បីលើកកម្ពស់ និងបង្កើនការងារនៅក្នុងមូលដ្ឋានលុបបំបាត់ការបម្លាស់ទីរបស់ជនបរទេស មិនមានឯកសារត្រឹមត្រូវ និងបង្កើនប្រសិទ្ធិភាពជឿជាក់ក្នុងការផ្តល់សេវាជូនប្រជាពលរដ្ឋបានត្រឹមត្រូវព្រមទាំងជំរុញការផ្សព្វផ្សាយឱ្យបានទូលំទូលាយដល់ប្រជាជនជាពិសេសក្មួយៗ សិស្សានុសិស្សជាការដាស់តឿន ក្រើនរម្លឹកទទួលការយល់ដឹង និងចូលរួមបង្កាទប់ស្កាត់អំពើរជួញដូរមនុស្ស៕
សូមចុច Link ដើម្បីទស្សនាព័ត៌មានពិស្ដារ៖ https://youtu.be/WCodRwM95xo
ថ្លែងនៅក្នុងពិធីប្រកាសសមាសភាពសាខាមូលនិធិជាតិ ជំនួយសង្គមខេត្តកំពង់ឆ្នាំង និងជួបសំណេះសំណាលជាមួយថ្នាក់ដឹកនាំ មន្ត្រីរាជការ នៃមន្ទីរសង្គមកិច្ច អតីតយុទ្ឋជន និងយុវនិតិសម្បទា សាខាមូលនិធីជាតិ ជំនួយសង្គម និងសាខាមូលនិធីជនពិការ ខេត្តកំពង់ឆ្នាំង នាព្រឹកថ្ងៃទី ១៤ ខែមករា ឆ្នាំ២០២៤ រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនិតិសម្បទា ឯកឧត្តម ជា សុមេធី មានប្រសាសន៍ផ្តាំផ្ញើដល់មន្ត្រី សាខាមូលនិធិជាតិ ជំនួយសង្គមខេត្តកំពង់ឆ្នាំង ដែលត្រូវបានប្រកាសនៅថ្ងៃនេះ ត្រូវយកចិត្តទុកដាក់ផ្ដល់សេវាសាធារណៈជូនដល់បងប្អូនប្រជាពលរដ្ឋ ដែលទទួលបានប្រាក់ឧបត្ថម្ភពីរាជរដ្ឋាភិបាល និងត្រូវចុះឱ្យដល់មូលដ្ឋានដើម្បីផ្សាភ្ជាប់ទំនាក់ទំនងជាមួយគាត់ ឱ្យមានភាពជិតស្នឹត ។ពិធិនេះក៍មានការអញ្ជើញចូលរួមពី ឯកឧត្តម ស៊ីវ រុន ប្រធានក្រុមប្រឹក្សាខេត្ត ឯកឧត្តម ស៊ុន សុវណ្ណារិទ្ឋិ អភិបាលខេត្ត អភិបាលស្រុកក្រុងទាំង៨ និងមន្ត្រីរាជការ ជាច្រើនរូបទៀងផងដែរ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/8lPEUEam8uQ
ថវិកាសប្បុរសធម៌ចំនួន៣០,៥៧៣,០០០ រៀល ត្រូវបាន ព្រះគ្រូមុនីសីលវង្ស តុន ពិសី ព្រះចៅអធិការវត្តគុហនគរ ឃុំពង្រ ស្រុកតាំងគោក ខេត្តកំពង់ធំ ប្រគល់ជូនមន្ទីរពេទ្យគន្ធ បុប្ផារាជធានីភ្នំពេញ កាលពីថ្ងៃទី១៣ ខែមករា ឆ្នាំ២០២៥ ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/t9Zz8GhHLBA
ការបញ្ជាក់នេះធ្វើឡើងនៅក្នុងឱកាស ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានទទួលជួប ឯកឧត្តម Ali Akbar Nazari ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥស្លាមអ៊ីរ៉ង់ប្រចាំកម្ពុជា ដែលមាននិវេសនដ្ឋាននៅទីក្រុងហាណូយ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/i5Uz56EzJOY
