ភ្នំពេញ៖ស្ត្រីវ័យ២៨ឆ្នាំម្នាក់ត្រូវប្តីតាមទាន់ខណៈកំពុងដេកជាមួយសាហាយក្នុងបន្ទប់ផ្ទះ ជួលកាលពីវេលាម៉ោង១២និង៣០រំលងអាធ្រាត្រឈានចូលថ្ងៃទី៤ ខែតុលា បង្កឲ្យមាន ការភ្ញាក់ផ្អើលយ៉ាងខ្លាំង។អាជ្ញាធរមូលដ្ឋានបានឲ្យដឹងថា បុរសជាប្ដីម្នាក់បានតាមទាន់ភរិយារបស់កំពុងដេករួមរ័កជាមួយប្រុសសហាយក្នុងបន្ទប់ជួល ខណៈប្តីមិននៅចេញទៅធ្វើការបាត់បង្កឱ្យមានការផ្អើលនៅចំណុចផ្ទះជួល ស្ថិតក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ប្រភពបន្តថា ស្ដ្រីដែលក្បត់ចិត្តប្តីឈ្មោះ ភឿន ធីតា អាយុ២៨ឆ្នាំ ជាមេផ្ទះមានកូនប្រុសស្រីពីរនាក់ ឯបុរសជាសហាយឈ្មោះ កឹម ប៊ុនកាត អាយុ២៦ឆ្នាំ មុខរបរមេកន្ទុយលេខ និងជានិស្សិត។ចំណែកបុរសជាប្ដីវិញមានឈ្មោះ ហ៊ុន ឈុនហាវ អាយុ៣១ឆ្នាំ មុខរបររត់តាក់ស៊ីវេនយប់។ គ្រួសារនេះ និងបុរសលួចឆក់ប្រពន្ធគេនោះរស់នៅភូមិកើតហេតុជាមួយគ្នា។
អ្នកជិតខាងបានប្រាប់ឲ្យដឹងថា ពួកគាត់តែងលួចខ្សឹបប្រាប់ឱ្យបុរសជាប្តីគាត់ដឹងថា ប្រពន្ធរបស់គាត់តែងតែណាត់ប្រុសមកដេកនៅជាមួយគ្នាប្រហែល៤ខែមកហើយ។មុនដំបូងគាត់មិនទាន់ជឿគេភ្លាមៗទេ ប៉ុន្ដែក្រោយមកគាត់សំគាល់ឃើញថាប្រពន្ធរបស់គាត់មានអាកប្បកិរិយាប្លែកៗដូចអ្វីដែលអ្នកជិតខាងបានប្រាប់មែន ។
ប្រភពបន្តថា លុះមកដល់ពេលនេះគាត់ទ្រាំមិនបានព្រោះគេចេះតែនិយាយពេញៗមាត់ ញឹកញាប់ពេក ទើបគាត់បានចាប់ផ្ដើមដាក់កម្លាំងឱ្យអ្នករត់ម៉ូតូឌុប៣នាក់តាមដានដាក់វេនគ្នាជាបីវេន មានពេលព្រឹកពេលល្ងាច និងពេលយប់។ លុះរហូតមកដល់យប់កើតហេតុនេះ ក្រោយពេលដែលគាត់ចេញទៅរត់តាក់ស៊ីដូចសព្វមួយដងស្រាប់តែអ្នកតាមដានបានទូរស័ព្ទប្រាប់គាត់ថា ពេលនេះប្រុសសហាយរបស់ស្ដ្រីជាប្រពន្ធខ្លួនបានចូលដេកជាមួយប្រពន្ធខ្លួន ។
ប្រភពបន្តទៀតថា នៅពេលដឹងថាប្រពន្ធកំពុងរួមរ័កជាមួយសាហាយយ៉ាងសប្បាយនោះគាត់បាន ហៅនគរបាលនិងបងប្អូនជាក្រុមគ្រួសារទាំងសងខាងរួមទាំងអ្នកកាសែតផង នោះឱ្យជួយដឹងឮនិងធ្វើជាសាក្សីឱ្យគាត់ដើម្បីឱ្យដំណើរការលែងលះគ្នាតាមនីតិវិធី
បុរសជាប្តីបានប្រាប់ថា ដោយសារផ្ទះរបស់គាត់កំពុងដំណើរការសាងសង់ ទើបគាត់មកជួលបន្ទប់ ស្នាក់នៅជាបណ្ដោះអាសន្នតែនៅក្នុងភូមិជាមួយគ្នាស្រាប់តែប្រពន្ធហាក់មានឱកាសក្នុងការផិតក្បត់នៅពេលរូបគាត់ចេញទៅរត់តាក់ស៊ីវេនយប់ ហើយរឿងនេះគាត់ត្រូវបញ្ជូនទៅតុលាការដើម្បីចាត់ការតាមនីតិវិធី៕ រដ្ឋា
ស្ត្រីជាប្រពន្ធដែលក្បត់ចិត្តប្តី
