ព្រះវិហារ៖កងកម្លាំងទ័ពស្រួចប្រមាណជាង៣ពាន់នាក់ ប្រចាំទិសនៃប្រាសាទព្រះវិហារ បាន ធ្វើសមយុទ្ធបាញ់គ្រាប់ពិតលក្ខណៈទ្រង់ ទ្រាយធំរយៈពេល៤ថ្ងៃនៅចំណុចភ្នំត្បែង ស្រុកគូលេន ខេត្តព្រះវិហារ។
ពិធីសមយុទ្ធបាញ់គ្រា់ប់ពិតលក្ខណៈទ្រង់ទ្រាយធំនេះ ក្រោមអធិបតីភាពលោកនាយឧត្តមសេនីយ៍ គន់ គីម អគ្គមេបញ្ជាការរងនិងជានាយសេនាធិការចម្រុះនៃកងយោធពលខេមរភូមិន្ទ និងអស់លោកជាមេបញ្ជាការ មេបញ្ជាការរង ប្រចាំនៅតំបន់ជួរមុខជាច្រើនរូបទៀត។
សមយុទ្ធនេះ មានការចូលរួមពីកម្លាំងរបស់កងពលធំអន្តរាគមន៍លេខ៣ កងពលធំអន្តរាគមន៍លេខ២ កងពលតូចទ័ពពិសេសឆ័ត្រយោងលេខ៩១១, កងពលតូច អន្តរាគមន៍លេខ១។ក្នុងនោះបានធ្វើការបាញ់អាវុធបេ-៤០ រួមនឹងអាវុធគាំទ្រជាច្រើនប្រភេទទៀត មានទាំងកម្លាំងថ្មើរជើង កងកាំភ្លើងធំ កងការពារអាកាស កងរថក្រោះនិងកងឧទ្ធម្ភាគចក្រផងដែរ ដើម្បីការពង្រឹងសមត្ថភាពកម្លាំងកងទ័ព កាន់តែខ្លាំងក្លាក្នុងកិច្ចការពារព្រំដែនប្រទេស៕
