ភ្នំពេញ៖ សំបូរ ដែលជាសត្វដំរីល្បីល្បាញទាក់ទាញភ្ញៀវទេសចរអន្តរជាតិ និងអន្តរជាតិ និងធ្លាប់មាន ឈ្មោះល្បីខ្លាំងអស់រយៈជាច្រើឆ្នាំនៅក្នុងរាជធានីភ្នំពេញនោះ នឹងត្រូវបាន ដាក់ឲ្យចូលនិវត្តន៍នៅក្នុងសប្តាហ៍នេះ នៅក្នុងព្រៃដែលអភិរក្សដោយគម្រោងបរិស្ថានផ្តួចផ្តើមជីវភាពសត្វដំរី ស្ថិតក្នុងតំបន់ការពារព្រៃសីមា ក្នុងខេត្តមណ្ឌលគិរី ដោយមានការគាំទ្រថវិកាពីគម្រោងគាំទ្រព្រៃឈើនិងជីវចំរុះរបស់ ទីភ្នាក់ងារសហរដ្ឋអាមេរិក ដើម្បីអភិវឌ្ឍអន្តរជាតិ (SAID) ។នេះបើយោងតាមសេចក្ដីប្រកាសព័ត៌របស់ស្ថានទូតអាមេរិកប្រចាំនៅ កម្ពុជា ចេញផ្សាយកាលពីថ្ងៃទី២៥ ខែវិច្ឆិកា ឆ្នាំ២០១៤នេះ។
ពិធីជូនដំណើរសំបូរ ដែលមានអាយុ ៥២ឆ្នាំ បានធ្វើឡើងជាសាធារណៈកាលពីរសៀលថ្ងៃទី២៥ខែវិច្ឆិកាឆ្នាំ២០១៤ដល់ ភ្ញៀវជាតិ និងអន្តរជាតិ។
សេចក្ដីប្រកាសព័ត៌មានបានលើកឡើងថាលោកស៊ីនសនដែលជាម្ចាស់និង ធ្លាប់ធ្វើការយ៉ាងជិតស្និទ្ធជាមួយសំបូរអស់រយៈពេលជាង ៤០ឆ្នាំមកហើយនោះ បានធ្វើការសំរេចចិត្តយ៉ាងពិបាកក្នុងការបញ្ជូនសំបូរទៅតាំងទីលំ ថ្មីនៅក្នុងព្រៃធម្មជាតិវិញ។
លោកស៊ីនសនបានថ្លែងថា” យើងជំពាក់គុណសំបូរច្រើនណាស់ ហើយនេះជាពេលដែលយើងត្រូវសងគុណសំបូរវិញ។ សំបូរនឹងរស់នៅក្នុងព្រៃជាមួយដំរីផ្សេងៗនិងទទួលបានការថែទាំ ព្យាបាល។
ការសំរេចចិត្តនេះវាពិបាកតែវាជាការសំរេចចិត្តដ៏ត្រឹមត្រូវដើម្បី សុខុមាលភាពរបស់សំបូរ។ សំបូរត្រូវការចូលនិវត្តន៍និងសំរាកក្នុងជីវិតចុងក្រោយរបស់ខ្លួន។ គម្រោង ELIE នឹងមើលថែសំបូរយ៉ាងល្អ”។
សេចក្ដីប្រកាសព័ត៌មានបន្តថា ការដឹកជញ្ជូនសំបូរទៅកាន់ខេត្ត មណ្ឌលគីរី គឺជាកិច្ចខិតខំប្រឹងប្រែងរួមគ្នាដែលគាំទ្រថវិកា ដោយមូលនិធិ Alexander Abraham (Alexander Abraham Foundation)រដ្ឋាភិបាលសហរដ្ឋអាមេរិកតាមរយៈUSAIDនិងរដ្ឋបាលព្រៃឈើនៃ ក្រសួងកសិកម្ម រុក្ខាប្រម៉ាញ់ និងនេសាទរបស់ ប្រទេសកម្ពុជា។
នៅចុងបញ្ចប់នៃសេចក្ដីប្រកាសនោះ លោក Sean Callahan នាយករងបេសកកម្មរបស់ USAID បានមានប្រសាសន៍ “USAID មានសេចក្តីរីករាយដែលបានចូលរួមជាមួយអ្នកគាំទ្រទាំងអស់និង រាជរដ្ឋាភិបាលកម្ពុជានៅក្នុងពិធីដ៏រំភើបនេះ។សំបូរត្រូវបានគ្រប់ គ្នាស្រលាញ់ទាំងក្នុងប្រទេសនិងក្នុងពិភពលោក។ ការបញ្ជូនសំបូរត្រលប់ទៅក្នុងព្រៃវិញ បង្ហាញពីសារៈសំខាន់ក្នុងការអភិរក្សសត្វដែលជាប្រភេទសត្វកម្រជិត ផុតពូជនេះ”។
ក្រុមការងារELIEកំពុងរៀបចំការស្វាគមន៍យ៉ាងកក់ក្តៅដល់សំបូរ។ លោក Khun Diyonនាយក ELIE បានមានប្រសាសន៍ថា“គម្រោង ELIEត្រូវបានបង្កើតឡើងដោយការគិតអំពីសត្វដំរីដូចជាសំបូរនេះ ជាដើម។នៅELIEយើងស្វាគមន៍ឱកាសក្នុងការនាំសំបូរមកកាន់បរិស្ថាន ធម្មជាតិនេះដែលសំបូរអាចរស់នៅជាមួយសត្វដំរីដទៃទៀតនិងរស់នៅជីវិត ចុងក្រោយ ប្រកបដោយក្តី សប្បាយនិងសន្តិភាព”៕
ដំរី សំបូរ អាយុ៥២ឆ្នាំ ដែលត្រូវនាំទៅខេត្តមណ្ឌលគីរីដាក់ចូលនិវត្តន៍
